Uuministeli tawu gandja ekwatho kaakiintu

Uuministeli wuuthikepamwe nonkalonawa yaanona, otawu pula aakiintu mboka yeli momategelelwa opo ya ka konge omakwatho kuuministeli mboka, pehala lyokweekelahi uunona nokutula oomwenyo dhuunona moshiponga. Uuministeli owa popi kutya okupititha mOmpango yEgameno lyAanona otawu ka hwahwameka iipotha yaakiintu mboka taya ekelehi uunona wawo.Owa popi kutya otawu hwahwameke opo aakiintu mboka ye wete kutya itaya vulu okusila oshisho aanona wawo, opo ya konge omakwatho okuza kuuministeli opo uunona mboka wu tulwe megameno.Uuministeli otawu pula woo oshigwana shaNamibia, mwakwatelwa oongeleka naaleli yopamuthigululwakalo opo ya kwashilipeleke kutya aakiintu oya mona omakwatho pethimbo yeli momategelelo, opo ku yandwe omukundu ngoka gwa taalela oshigwana. Oomvula ndhika Namibia, okwa kala noshiponga shaakiintu taya ekelehi uunona, moka miipotha yilwe uunona wa si.Uuministeli otawu kondema iipotha moka aakiintu haya thigi po uunona wawo konima yepulumutho, na owa popi kutya otawu hwahwameke opo aakiintu mboka ya vule okukala taya thigi uunona wawo momahala ga gamenwa pehala lyoku ekelahi uunona konima yepulumutho. Uuministeli otawu pula woo aakiintu ya kakonge omakwatho kuuministeli nokuholola ngele itaya vulu okusila oshisho uunona mboka.Uuministeli natango melongelokumwe noshikondo shuundjolowele, otawu pula aakiintu mboka itaya vulu okusila oshisho uunona opo ya holole onkalo ndjoka yo taya yambidhidhwa ya pulumuthe megameno nokonima yepulumutho okanona taka kongelwa aasilishisho.Pakuninga ngaaka, uunona oshowo oonakuvala otaya gamenwa.Olopota oya tsikile kutya miipotha moka okanona ka ekelwahi kuyina, uuministeli wuundjolowele otawu ka kwasshilipaleka uundjolowele wokanona. Otaku patululwa oshipotha nopolisi oshowo okanona otaka kongelwa ehala lyagamenwa lyokukala.Opolisi otayi ka katuka oonkatu okukonga yina yokanona.Ngele yina yokanona ina monika, nenge okwa monika ihe okuli monkalo ita vulu okusila oshisho okanona hoka, nena otaku tamekithwa omulandu opo okanona hoka ka kongelwe aasilishisho yalwe. Ombaapila ndjoka ya nyanyangithwa koLegal Assistance Centre (LAC), oya popi kutya aakiintu yamwe ohaya thiminikwa konkalo yegandjo lyuusama okuza kaakwanezimo noshigwana, sho ya ningi omategelelo omanga inaya hokanwa, oshowo onkalo yaahena eyambidhidho okuza kaavali. Omategelelo inaga pangelwa oshowo uutile wokuthiga po ooskola niinima yilwe, natango ohashi e ta onkalo ndjoka.Shimwe natango ompango yekuthemo lyomategelelo ga gamenwa ndjoka kayi li miilonga moshilongo, nominista yuundjolowele oya li ya pula etameko lyoonkundathana kombinga yompango ndjoka.Minista okwa a li a popi ngaaka a tala komwaalu omunene gwiipotha yekuthemo lyomategelelo, ngoka gwa lopotwa moshigwana.JANA-MARI SMITH

Uuministeli tawu gandja ekwatho kaakiintu

Comments

Namibian Sun 2026-01-05

Please login to leave a comment

Uuministeli tawu gandja ekwatho kaakiintu

Comments

Namibian Sun 2026-01-05

Please login to leave a comment

Subscription Required to Access Content ×

Login

Subscription Required to Access Content