Uukwathitho otawu kaleke aanona yaakadhona mooskola
Ominista yElongo, Katrina Hanse-Himarwa okwa popi kutya kape na omatompelo kutya omolwashike aanona yaakadhona yethimbo lyongashiingeyi ye na okutaalela omaupyakadhi gonakuziwa.
Minista okwa popi kutya ope na iinima mbyoka hayi yi moshipala omalongo gaanona pamukalo guukilila naangoka inagu ukilila. Himarwa okwa popi ngaaka pethimbo poshituthi shegandjo lyomagano guukwathitho waanona yaakadhona mboka haya hiti ooskola, pehala lyoForum for African Women Educationalists in Namibia (Fawena) mOvenduka.
Oshituthi shoka osha endele mumwe netyapulo lyEsiku lyAanona yAakadhona.
“Nonando aanona yaamati oya taalela omashongo ogendji, aanona yaakadhona oya taalela eshongo enene ngele ya koko. Otashi etitha ohenda onene sho aanona mboka ya za moofamili dha hepa taya hupu nuudhigu mokumona uukwathitho. Onkalo ndjoka otayi yi moshipala omukumo gwaanona yaakadhona,” minista Himarwa a popi.
Minista okwa tsikile kutya ngele onkalo ya nayipala aanona mboka ohaya thiminikwa konkalo opo ya faule kootundi, nokuyanda esithahoni okuza kaanona yakwawo.
“Onduuvu kutya aanona ohaya thiminikwa konkalo ndjoka opo ya tete omatalashe nenge oombaapila onga ekwatho lyawo.”
Uukwathitho mboka wa gandjwa omagano, owa landa noshimaliwa sha thika pooN$50 000 shoka sha gandjwa omagano kehangano lyoMorcar Fishing oshowo oshimaliwa shooN$250 000 okuza kuuministeli welongo.
“Okupitila mooshali ndhika, Fawena ota tsikile nokukwashilipaleka ongushu yelongo mokati kaanona yaakadhona moNamibi,” Himarwa ta ti.
Ehangano lyoForum for African Women Educationalists (FAWE) ehangano lyaashi lyopapangelo lya totwapo momvula yo-1992 na otali longele monena miilongo yaAfrika, 34.
FAWE Namibia's (Fawena) okwa patulula omiyelo dhe mo-1999, meyambidhidho lyUuministeli wElongo. Elalakano lyehangano ndyoka okugandja elongo lyongushu kaanona ayehe yaakadhona oshowo aakiintu moNamibia.
JEMIMA BEUKES
Minista okwa popi kutya ope na iinima mbyoka hayi yi moshipala omalongo gaanona pamukalo guukilila naangoka inagu ukilila. Himarwa okwa popi ngaaka pethimbo poshituthi shegandjo lyomagano guukwathitho waanona yaakadhona mboka haya hiti ooskola, pehala lyoForum for African Women Educationalists in Namibia (Fawena) mOvenduka.
Oshituthi shoka osha endele mumwe netyapulo lyEsiku lyAanona yAakadhona.
“Nonando aanona yaamati oya taalela omashongo ogendji, aanona yaakadhona oya taalela eshongo enene ngele ya koko. Otashi etitha ohenda onene sho aanona mboka ya za moofamili dha hepa taya hupu nuudhigu mokumona uukwathitho. Onkalo ndjoka otayi yi moshipala omukumo gwaanona yaakadhona,” minista Himarwa a popi.
Minista okwa tsikile kutya ngele onkalo ya nayipala aanona mboka ohaya thiminikwa konkalo opo ya faule kootundi, nokuyanda esithahoni okuza kaanona yakwawo.
“Onduuvu kutya aanona ohaya thiminikwa konkalo ndjoka opo ya tete omatalashe nenge oombaapila onga ekwatho lyawo.”
Uukwathitho mboka wa gandjwa omagano, owa landa noshimaliwa sha thika pooN$50 000 shoka sha gandjwa omagano kehangano lyoMorcar Fishing oshowo oshimaliwa shooN$250 000 okuza kuuministeli welongo.
“Okupitila mooshali ndhika, Fawena ota tsikile nokukwashilipaleka ongushu yelongo mokati kaanona yaakadhona moNamibi,” Himarwa ta ti.
Ehangano lyoForum for African Women Educationalists (FAWE) ehangano lyaashi lyopapangelo lya totwapo momvula yo-1992 na otali longele monena miilongo yaAfrika, 34.
FAWE Namibia's (Fawena) okwa patulula omiyelo dhe mo-1999, meyambidhidho lyUuministeli wElongo. Elalakano lyehangano ndyoka okugandja elongo lyongushu kaanona ayehe yaakadhona oshowo aakiintu moNamibia.
JEMIMA BEUKES
Comments
Namibian Sun
No comments have been left on this article