US ta gamene iiyamakuti moshana shOmulonga gwaKavango
Aatoti yoompango moUS oya tula miilonga ontotwaveta ndjoka ya nuninwa okuhwahwameka omayambulepo nokukondjitha uukongo mOkavango River Basin, shoka shi li woo oshitopolwa shaNamibia.
Jeff Fortenberry, ngoka e li oshilyo shongundu yOmupresidende gwaUS, Donald Trump, okwa gandja momutumba gwatotiveta yoshilongo shoka ontotwaveta tayi ithanwa, Defending Economic Livelihoods and Threatened Animals (DELTA) Act.
Okavango River Basin ohayi yambidhidha aantu ya thika pomiliyona yimwe miilongo ngaashi Angola, Namibia oshowo Botswana na oyi li egumbo kiiyamakuti yomaludhi ga yooloka mwakwatelwa omwaalu omushona gwoondjamba dhoka dha hupu muAfrika.
Pahapu dhaFortenberry ontotwaveta ndjoka oya nuninwa okugamenena po iiyamakuti mbyoka.
Ontotwaveta ndjoka yo DELTA oyi na omalalakano gatano ga nuninwa okuyambulapo onkalo yeliko miilongo mbyoka itatu yaAfrika oshowo momudhingoloko gwoshana shOmulonga gwaKavango.
Omalalakano ngoka oga kwatelamo elongelo kumwe nomapangelo giilongo itatu, Namibia, Angola naBotswana opo ku totwepo omudhingoloko gwagamenwa mekalekepo lyiiyamakuti. Oga nuninwa woo okuhulitha po etembuko lyoondjamba oshowo iiyamakuti yimwe mbyoka tayi lumbu momudhingoloko ngoka.
Ontotwaveta ndjoka otayi kondjitha woo uukongo neyakelo lyiiyamakuti miilongo yilwe oshowo okukwathela muundjolowele waantu noopoloyeka dhomayambulepo gaakwashigwana mboka taya adhika momidhingoloko dhopopepi nomulonga gwaKavango. Ontotwaveta otayi ka dhana unene onkandangala mokutula po ooprograma dha nuninwa ehulithepo lyuukongo wiiyamakuti neyakelo lyiiyamakuti miilongo yopondje opo ku gamenenwepo iiyamakuti mbyoka, nokuya moshipala iimbuluma mbyoka.
Ontotwaveta ndjoka oya totwapo megumbo lyokutota oompango lyaUS kaakalelipo yegumbo ndyoka na oya ukithwa kokomitiye yiikwapondje yegumbo ndyoka.
Omulonga ngoka ogu na uunene woosquare kilometres 323 192 na otagu topolwa kiilongo itatu muumbugantu wAfrika, Angola, Namibia naBotswana. Omulonga ngoka ogumwe gwomomilonga ne omileeleka mUumbugantu waAfrika na oguli woo onzo yomeya kaakwashigwana yomiilongo mbyoka.
ELLANIE SMIT
Jeff Fortenberry, ngoka e li oshilyo shongundu yOmupresidende gwaUS, Donald Trump, okwa gandja momutumba gwatotiveta yoshilongo shoka ontotwaveta tayi ithanwa, Defending Economic Livelihoods and Threatened Animals (DELTA) Act.
Okavango River Basin ohayi yambidhidha aantu ya thika pomiliyona yimwe miilongo ngaashi Angola, Namibia oshowo Botswana na oyi li egumbo kiiyamakuti yomaludhi ga yooloka mwakwatelwa omwaalu omushona gwoondjamba dhoka dha hupu muAfrika.
Pahapu dhaFortenberry ontotwaveta ndjoka oya nuninwa okugamenena po iiyamakuti mbyoka.
Ontotwaveta ndjoka yo DELTA oyi na omalalakano gatano ga nuninwa okuyambulapo onkalo yeliko miilongo mbyoka itatu yaAfrika oshowo momudhingoloko gwoshana shOmulonga gwaKavango.
Omalalakano ngoka oga kwatelamo elongelo kumwe nomapangelo giilongo itatu, Namibia, Angola naBotswana opo ku totwepo omudhingoloko gwagamenwa mekalekepo lyiiyamakuti. Oga nuninwa woo okuhulitha po etembuko lyoondjamba oshowo iiyamakuti yimwe mbyoka tayi lumbu momudhingoloko ngoka.
Ontotwaveta ndjoka otayi kondjitha woo uukongo neyakelo lyiiyamakuti miilongo yilwe oshowo okukwathela muundjolowele waantu noopoloyeka dhomayambulepo gaakwashigwana mboka taya adhika momidhingoloko dhopopepi nomulonga gwaKavango. Ontotwaveta otayi ka dhana unene onkandangala mokutula po ooprograma dha nuninwa ehulithepo lyuukongo wiiyamakuti neyakelo lyiiyamakuti miilongo yopondje opo ku gamenenwepo iiyamakuti mbyoka, nokuya moshipala iimbuluma mbyoka.
Ontotwaveta ndjoka oya totwapo megumbo lyokutota oompango lyaUS kaakalelipo yegumbo ndyoka na oya ukithwa kokomitiye yiikwapondje yegumbo ndyoka.
Omulonga ngoka ogu na uunene woosquare kilometres 323 192 na otagu topolwa kiilongo itatu muumbugantu wAfrika, Angola, Namibia naBotswana. Omulonga ngoka ogumwe gwomomilonga ne omileeleka mUumbugantu waAfrika na oguli woo onzo yomeya kaakwashigwana yomiilongo mbyoka.
ELLANIE SMIT
Comments
Namibian Sun
No comments have been left on this article