US a gandja kuNamibia oomiliyona dhokukondjitha oHIV/Aids

Oshimaliwa shoomiliyona 435 okuza kepangelo lyaUS opo ku kondjithwe omukithi omudhipagi moNamiba, oshi li oshitopolwa shetsokumwe ndyoka lya ningwa.Nonando Namibia ota kondjo na oku li ta enditha nawa oompangela dhe, mokukondjitha ombuto,nokugandja omakwatho kwaamboka taya pumbwa omakwatho, oHIV/Aids otayi tsikile nokudhipaga aantu ya thika po 3 900 kehe omvula, naantu oyendji natango itaya mono epango lyombuto ndjoka.MuJuni gwo 2017 olopota ndjoka ya pitithwa koUS President’s Emergency Plan for AIDS Relief (Pepfar) oya holola kutya aantu yoomvula dhili pokati 15 no 49 mboka ya kwatwa kombuto ndjoka, oya kalela po oopresenda 13.3.Otaku tengenekwa kutya aakuluntu ya thika po 230 000 oshowo aanona otaya lumbu nombuto ndjoka, na ya ningi woo aanona oyendji oothigwa.Epangelo lyaNamibia oshowo aakalelipo US Agency for International Development (USAID) pamwe nomukalelipo gwaUS, Thomas Daughton oya shaina etsokumwe lyawo mo 2007, opo ku gandje omakwatho ga gwedhwapo okupitila mo programma yoPepfar.MoNamibia, Pepfar otayi kwatelwa komeho komukalelipo gwaUS.Omiyalu odha ulike kutya USAID okwa gandja kuNamibia oshimaliwa shoobiliyona 4.1, konima nkene oprogramma ndjoka ya tulwa miilonga mo2007.Ekwatho ndyoka otali ka kwatela komeho o 2017 Pepfar country operational plan (COP17).Omakwatho ngoka taga gandjwa koPepfar oshowo USAID otaga longithwa mokuyambidhidha oonkambadhala dhaNamibia dhoka ta ningi mokukondjitha ombuto.Iilonga yoprograma ndjoka oya kwatela mo omakonaakono gombuto yoHIV, epango, ookwiikelela nomayambidhidho.Namibia okwa lopotwa a pondola ekandeko lyetaandelo lyombuto okuza kooyina yuunona okuya kaanona, pethimbo taya pulumuthwa, sho ondjele yetaandelo ndyoka ya yi pevi okuza poopresenda 22 okuya poopresenda 16 mo 2014.Konyala oopresenda 80 dhaantu moNamibia oyeshi iizemo yawo yombuto yoHIV, omanga oopresenda dhili pokati ko 75 no 80 dhaamboka taya lumbu nombuto oyeli kepango.Ominista yo economic planning, Tom Alweendo, oshowo omupeha minista guundjolowele, Juliet Kavetuna, oya wayimine Daughton na John Groarke, oshowo omukomeho gwoUSAID mUumbugantu waAfrika, pethimbo lyeshaino ndyoka. JANA-MARI SMITH

US a gandja kuNamibia oomiliyona dhokukondjitha oHIV/Aids

Comments

Namibian Sun 2025-05-21

Please login to leave a comment

US a gandja kuNamibia oomiliyona dhokukondjitha oHIV/Aids

Comments

Namibian Sun 2025-05-21

Please login to leave a comment

Login