Unam a tumbaleke osesitela yomoKarasburg
Oshiputudhilo shopombanda shoUniversity of Namibia mOmaandaha osha gandja odegree yopombanda tayi ithanwa Doctor of Philosophy in Education komunamimvo 89, Sister Paule Elizabeth Atiogbe pethimbo lyoshituthipito shoka sha ningilwa moKaiti.
A valelwa mondoolopa yaLiindili momvula yo 1929, Sister Atiogbe okwa tameke eithano lye lyuulongi mo 1948, na okwa longo sigo osho a yi moshipundi shevuluulo mo 1991.
“Sho a ningi etokolo a ninge osesitela, okwa ulikwa nokuninga omukuluntuskola poskola yaPella moSouth Afrika uule woomvula ndatu netata. Mo 1960 okwa galukile koKarasburg na okwa pingenepo omuluntuskola moskola yomoKarasburg sigo omomvula yo 1975. Okupitila melongo, Sesitela Atiogbe okwa tameke ta ningi omalundululo moonkalamwenyo dhaantu,” oshipopiwa shapro-vice chancellor for research, innovation and development, moshiputudhilo shaUnam, Professor Kenneth Matengu, sha holola.
Aailongi nale oya ningi enyenyeto taya pula opo oshiputudhilo shoka shi tumbaleke Sesitela Atiogbe omolwa oshilonga sha simana shoka a longo melongo.
Matengu okwa popi kutya etokolo lya ningwa okutumbalela Sesitela Atiogbe olya ningwa sha landula omakonaakono ga ningilwa onkalamwenyo ye.
“Omakonaakono oga utha opo ndi landule ondjila ye okuza mondoolopa ye yaLindili sigo olweendo lwe lyotango okuza moNamibia okuya South Afrika, oshowo okuza moNamibia okuya miilongo yaEuropa. Omwa kwatela mo okukonaakono olweendo lwe luule womasiku gane meshinalyokolutenda okuya koSouth Afrika, mepupi lyoomvula omulongo nambali, okuya molweendo lwe lwoskola moshiputudhilo shopombanda, sho a longo onga omulongi, omukuluntuskola oshowo sesitela gwongeleka yaKatoolika, nokugandja eyambidhidho l;e moshikondo shelongo, kaathigona sigo osho e li ngashiingeyi moshipundi shevulululo,” Matengu a popi.
Sesitela Atiogbe, okwa tameke elongo lye lyopevi poskola yaRoman Catholic Primary school moLüderitz, na okwa mana eilongo lye lyondondo onti-10 poskola yaSt Joseph's Aliwal North moSouth Africa na okwa tameke omadheulo ge guulongiskola moSt Augustine College shaCape Town moka a manene eilongo lye lyodiploma mo 1947.
Okwa dheulilwa elongo moshilongwa shelaka lyOshiingilisa oshowo Oshimbulu na okwa piti niitsa yopombanda.
Okwa tamekela iilonga ye onga omulongiskola poKarasburg Roman Catholic Primary School mpoka a longa sigo omvula yo1951 na okwa tembukile kOmalinda hoka a longa uule womvula yimwe.
Matengu okwa gwedha po kutya, pethimbo ndyoka Sesitela
Atiogbe a kala mOmalinda okwa tokola okuninga etokolo enene lyonkalamwenyo ye, na okwa ningi sesitela.
Konima sho a ningi sesitela muukwambepo okwa ulikwa nokuninga omukuluntuskola poskola yaPella, moSuth Afrika, moka a longa uule woomvula ndatu netata na okwa galukile moKarasburg moka a pingenepo omukuluntuskola sigo omomvula yo1975.
JEMIMA BEUKES
“Sho a ningi etokolo a ninge osesitela, okwa ulikwa nokuninga omukuluntuskola poskola yaPella moSouth Afrika uule woomvula ndatu netata. Mo 1960 okwa galukile koKarasburg na okwa pingenepo omuluntuskola moskola yomoKarasburg sigo omomvula yo 1975. Okupitila melongo, Sesitela Atiogbe okwa tameke ta ningi omalundululo moonkalamwenyo dhaantu,” oshipopiwa shapro-vice chancellor for research, innovation and development, moshiputudhilo shaUnam, Professor Kenneth Matengu, sha holola.
Aailongi nale oya ningi enyenyeto taya pula opo oshiputudhilo shoka shi tumbaleke Sesitela Atiogbe omolwa oshilonga sha simana shoka a longo melongo.
Matengu okwa popi kutya etokolo lya ningwa okutumbalela Sesitela Atiogbe olya ningwa sha landula omakonaakono ga ningilwa onkalamwenyo ye.
“Omakonaakono oga utha opo ndi landule ondjila ye okuza mondoolopa ye yaLindili sigo olweendo lwe lyotango okuza moNamibia okuya South Afrika, oshowo okuza moNamibia okuya miilongo yaEuropa. Omwa kwatela mo okukonaakono olweendo lwe luule womasiku gane meshinalyokolutenda okuya koSouth Afrika, mepupi lyoomvula omulongo nambali, okuya molweendo lwe lwoskola moshiputudhilo shopombanda, sho a longo onga omulongi, omukuluntuskola oshowo sesitela gwongeleka yaKatoolika, nokugandja eyambidhidho l;e moshikondo shelongo, kaathigona sigo osho e li ngashiingeyi moshipundi shevulululo,” Matengu a popi.
Sesitela Atiogbe, okwa tameke elongo lye lyopevi poskola yaRoman Catholic Primary school moLüderitz, na okwa mana eilongo lye lyondondo onti-10 poskola yaSt Joseph's Aliwal North moSouth Africa na okwa tameke omadheulo ge guulongiskola moSt Augustine College shaCape Town moka a manene eilongo lye lyodiploma mo 1947.
Okwa dheulilwa elongo moshilongwa shelaka lyOshiingilisa oshowo Oshimbulu na okwa piti niitsa yopombanda.
Okwa tamekela iilonga ye onga omulongiskola poKarasburg Roman Catholic Primary School mpoka a longa sigo omvula yo1951 na okwa tembukile kOmalinda hoka a longa uule womvula yimwe.
Matengu okwa gwedha po kutya, pethimbo ndyoka Sesitela
Atiogbe a kala mOmalinda okwa tokola okuninga etokolo enene lyonkalamwenyo ye, na okwa ningi sesitela.
Konima sho a ningi sesitela muukwambepo okwa ulikwa nokuninga omukuluntuskola poskola yaPella, moSuth Afrika, moka a longa uule woomvula ndatu netata na okwa galukile moKarasburg moka a pingenepo omukuluntuskola sigo omomvula yo1975.
JEMIMA BEUKES
Comments
Namibian Sun
No comments have been left on this article