TUN ta popile elongo lyoshali
Amushanga gwehangano lyoTeachers Union of Namibia (TUN) Mahongora Kavihuhua, okwa pandula oompangela dhepangelo okutula miilonga elongo lyoshali, ta popi kutya ethitiko lyomwaka ngoka gu li po mokugandja iifuta yelongo ndyoka okuza kepangelo, otagu vulu okuthitikwa ngele epangelo tali kwata nawa iimaliwa nokuhulitha po uulingilingi.
“Elongo lyoshali olya nuninwa mboka itaya vulu okufuta elongo nepangelo oli na oshinakugwanithwa shokufutila aakwashigwana mboka. Epangelo inali mbangolota,” Kavihuhua a lombwele oNamibian Sun.
Okwa popi kutya ngele epangelo olya tula nawa iinakugwanithwa yalyo pomahala nokuhulitha po uulingilingi, okushunitha pevi omwaalu gwiilyo yokabinete nena otali ka kala li na iimaliwa ya gwana elongo lyoshali.
Pamaiyuvo ge, uunkundi wegwanithepo lyiilonga okuza kuyamwe yomaanambelewa moshikondo shelongo oshowo tashi etitha ompumbwe yiimaliwa omathimbo gamwe.
Okwa popi kutya mboka yeli ompinge nelongo lyoshali na otaya popi kutya elongo lyoshali olya etitha omukundu mooskola, sho kwa kuthwa miilonga omukalo gweyambidhidho lyooskola okuza kaavali, oomboka taya hupu nawa na ohaya mono iiyemo yili nawa.
Omunambelewa ngoka okwa nyana woo ooskola ndhoka natango hadhi pula iifuta okuza kaavali, ta popi kutya ooskola otadhi longitha omukalo gwokuthindila kongudhi aavali opo ya gandje iimaliwa kooskola, ta popi kutya pehala ooskola odha pumbwa okuthiminika epangelo opo dhi mone iimaliwa ya gwana.
Okwa gwedha po kutya inashi puka ngele omuvali ta kwathele oskola, ihe inashi thiminikilwa aavali.
Omathimbo ga piti, Ominista yElongo, Katrina Hanse-Himarwa okwa pula epangelo opo li ninge omalundululo mOmpango yElongo yomo2011, ndjoka yi na ontopolwa ndjoka tayi pula aavali opo ya yambidhidhe ooskola. Okwa pula woo ompango ndjoka yi lundululwe opo ku vule okukuthwa po iifuta yomakonaakono gopashigwana mondondo onti 10 no 12. Nonando ompango ndjoka natango oyi na oshitopolwa shoka tashi pula aavali opo ya yambidhidhe ooskola, epangelo olya tula miilonga elongo lyoshali moondondo dhopetameko mo 2013 oshowo moosekundoskola mo 2016.
Gumwe gwomaakuluntuskola mooskola dhopevi mOvenduka, okwa popi kutya oya taalela ompumbwe yokumona iiyemo okuza kepangelo, naashoka oshi li omukundu omunene gwa taalela ooskola.
Okwa popi kutya aavali oya uvako epuko omulandu gwelongo lyoshali na inaya hala okuyambidhidha ooskola, ta popi kutya shoka oshinima sha pumbwa okukundathanwa naavali.
Omukuluntuskola gumwe natango moshitopolwa shaKhomas okwa pandula epangelo sho lya tula miilonga omulandu gwelongo lyoshali. Okwa popi kutya eshunitho pevi lyiiyemo mbyoka hayi pewa ooskola sha landula etulo miilonga lyelongo lyoshali oshinima sha kala sha tegelelwa na okwa popi kutya epangelo nali talulule oompangela dhalyo ndhoka lya hala okutula miilonga opo aavali ya kale itaya pulwa ya yambidhidhe ooskola pashimaliwa.
Okwa gandja omayele opo aavali mboka ye na aanona mooskola dhopevi ya kale taya yambidhidha ooskola noshimaliwa shili pokati kooN$500 sigo N$700 komvula, omanga mboka ye na aanona moosekundoskola ya pumbwa okuyambidhidha noshimaliwa shili pokati koo N$700 oshowo N$1 000 komvula.
Okwa popi kutya aavali oya pumbwa okudhimbulukithwa oshinakugwanithwa shawo.
JANA-MARI SMITH
Okwa popi kutya ngele epangelo olya tula nawa iinakugwanithwa yalyo pomahala nokuhulitha po uulingilingi, okushunitha pevi omwaalu gwiilyo yokabinete nena otali ka kala li na iimaliwa ya gwana elongo lyoshali.
Pamaiyuvo ge, uunkundi wegwanithepo lyiilonga okuza kuyamwe yomaanambelewa moshikondo shelongo oshowo tashi etitha ompumbwe yiimaliwa omathimbo gamwe.
Okwa popi kutya mboka yeli ompinge nelongo lyoshali na otaya popi kutya elongo lyoshali olya etitha omukundu mooskola, sho kwa kuthwa miilonga omukalo gweyambidhidho lyooskola okuza kaavali, oomboka taya hupu nawa na ohaya mono iiyemo yili nawa.
Omunambelewa ngoka okwa nyana woo ooskola ndhoka natango hadhi pula iifuta okuza kaavali, ta popi kutya ooskola otadhi longitha omukalo gwokuthindila kongudhi aavali opo ya gandje iimaliwa kooskola, ta popi kutya pehala ooskola odha pumbwa okuthiminika epangelo opo dhi mone iimaliwa ya gwana.
Okwa gwedha po kutya inashi puka ngele omuvali ta kwathele oskola, ihe inashi thiminikilwa aavali.
Omathimbo ga piti, Ominista yElongo, Katrina Hanse-Himarwa okwa pula epangelo opo li ninge omalundululo mOmpango yElongo yomo2011, ndjoka yi na ontopolwa ndjoka tayi pula aavali opo ya yambidhidhe ooskola. Okwa pula woo ompango ndjoka yi lundululwe opo ku vule okukuthwa po iifuta yomakonaakono gopashigwana mondondo onti 10 no 12. Nonando ompango ndjoka natango oyi na oshitopolwa shoka tashi pula aavali opo ya yambidhidhe ooskola, epangelo olya tula miilonga elongo lyoshali moondondo dhopetameko mo 2013 oshowo moosekundoskola mo 2016.
Gumwe gwomaakuluntuskola mooskola dhopevi mOvenduka, okwa popi kutya oya taalela ompumbwe yokumona iiyemo okuza kepangelo, naashoka oshi li omukundu omunene gwa taalela ooskola.
Okwa popi kutya aavali oya uvako epuko omulandu gwelongo lyoshali na inaya hala okuyambidhidha ooskola, ta popi kutya shoka oshinima sha pumbwa okukundathanwa naavali.
Omukuluntuskola gumwe natango moshitopolwa shaKhomas okwa pandula epangelo sho lya tula miilonga omulandu gwelongo lyoshali. Okwa popi kutya eshunitho pevi lyiiyemo mbyoka hayi pewa ooskola sha landula etulo miilonga lyelongo lyoshali oshinima sha kala sha tegelelwa na okwa popi kutya epangelo nali talulule oompangela dhalyo ndhoka lya hala okutula miilonga opo aavali ya kale itaya pulwa ya yambidhidhe ooskola pashimaliwa.
Okwa gandja omayele opo aavali mboka ye na aanona mooskola dhopevi ya kale taya yambidhidha ooskola noshimaliwa shili pokati kooN$500 sigo N$700 komvula, omanga mboka ye na aanona moosekundoskola ya pumbwa okuyambidhidha noshimaliwa shili pokati koo N$700 oshowo N$1 000 komvula.
Okwa popi kutya aavali oya pumbwa okudhimbulukithwa oshinakugwanithwa shawo.
JANA-MARI SMITH
Comments
Namibian Sun
No comments have been left on this article