Taya pula mangestrata a kuthwemo moshipotha
Ongundu yaakwashigwana yomwaalu gwontumba oya yi momapandaanda gaShakati mEtiyali yeli ompinge neidhopomo lyamangetrata gwomomudhingoloko, Leopold Hangalo megandjo lyegeelo kunakumonika ondjo moshipotha shekwatonkonga.
TUNOHOLE MUNGOBA
OSHAKATI
Aakwashigwana mboka oya hala mangestrata a kuthwemo moshipotha shekwatonkonga, shoka tashi tamanekelwa, Sindano Hango ngoka mangetrata a li a mangulula koshipotha shoka.
Omapopyo itaga kolekwa otaku popiwa kutya mangetrata okwa futwa ombumbo. Sha landula etalululo lyoshipotha shoka, Ompangu yOpombanda mOshakati oya mono ondjo Hango moshipotha shekwatonkonga lyamumwayinagona na oya shuna oshipotha shoka kuHangalo opo a kagandje egeelo.
Hango omunamimvo 38 okwa monika ondjo moshipotha shekwatonkonga momasiku 18 gaFebruali na okuli pondje yodholongo sho a pewa omboloha yoshimaliwa shooN$ 10 000, omanga a tegelela a pewe egeelo lye.
Aaningimahololomadhilaadhilo oya popi kutya Hangalo itaka ninga egeelo ndyoka pauyuuki. Natango otaya nyenyeta sho Hango e li pondje yodholongo omanga nakuninga oshihakanwa ina tseyithilwa a ye kompangu nokugandja omaiyuvo ge kombinga yegandjo lyomboloha.
Ongundu ndjoka oya ningi omunyanyo okuza poYetu Complex okuya kOmpangulilo yaMangestrata gwaShakati nomukandanyenyeto gwawo ogwa tambulwako kuchief legal clerk Hilma Nangombe.
Mangestrata Hangalo okwa mangulula Sindano Hango, nonando ope na omaumbangi taga kwashilipaleke omuyonena ngoka. Omatumwalaka gopangodhi oga ulike Hango ta gandja ombili oshowo oombangi dhoka dha gandja omahokololo gawo guumbangi mompangu.
Aakwashigwana mboka otaya pula woo natango kutya omolwashike omupanguli a gandja omboloha pwaahena omilandu dhasha.
Oya pula kutya oshike tashi vulu okuholokapo ngaashiingeyi sigo esiku taku gandjwa egeelo, taya pula woo egameno ndyoka lya pewa nakutulamo oshipotha sigo uuna egeelo lya gandjwa.
Gumwe gwomaahololimadhilaadhilo Iyaloo Nghandi okwa popi kutya ondjokonona yoshipotha shoka oyi na omatompelo okukaleka nakumonika ondjo mondjeedhililo.
Omukandanyenyeto ngoka ogwa popi woo kombinga yoshipotha shuulingilingi sha tulilwamo Hangalo kutya okwa pewa ombumbo yoshimaliwa shooN$10 000 opo a dhane uulingilingi mekateko lyetulo miipandeko lyomutamanekwa, nokupula nakutulamo oshipotha a tambule oombumbo ndjoka a pewa kofamili yomutamanekwa.
“Onga inashi gwana Lavinia Shilongo okwa yi nokugandja uumbangi pehala lyomutamanekwa. Oshipotha shoka sha tulilwa moLavinia Shilongo osha hulile peni, sho a li ta kambadhala okuya moshipala iilonga yuuyuki?”
Aaningimahololomadhilaaadhilo mboka oga gandja kokakomisi koomangestrata oshowo oombelewa adhihe dha kwatelwa mo omasiku gaheyali opo ya kale ya yamukula komanyenyeto gawo.
Palopota yompangu, oshimbuluma shoka osha ningwa momasiku 10 gaKotomba momvula yo 2014 mUuvudhiya mOshana. Hango okwa popi kutya oya yi miihulo pazimino nanakutulamo oshipotha oye e mu kwatele komeho sho e mu pula iimaliwa opo a vule okuya komumati gwe kOkaiti.
OSHAKATI
Aakwashigwana mboka oya hala mangestrata a kuthwemo moshipotha shekwatonkonga, shoka tashi tamanekelwa, Sindano Hango ngoka mangetrata a li a mangulula koshipotha shoka.
Omapopyo itaga kolekwa otaku popiwa kutya mangetrata okwa futwa ombumbo. Sha landula etalululo lyoshipotha shoka, Ompangu yOpombanda mOshakati oya mono ondjo Hango moshipotha shekwatonkonga lyamumwayinagona na oya shuna oshipotha shoka kuHangalo opo a kagandje egeelo.
Hango omunamimvo 38 okwa monika ondjo moshipotha shekwatonkonga momasiku 18 gaFebruali na okuli pondje yodholongo sho a pewa omboloha yoshimaliwa shooN$ 10 000, omanga a tegelela a pewe egeelo lye.
Aaningimahololomadhilaadhilo oya popi kutya Hangalo itaka ninga egeelo ndyoka pauyuuki. Natango otaya nyenyeta sho Hango e li pondje yodholongo omanga nakuninga oshihakanwa ina tseyithilwa a ye kompangu nokugandja omaiyuvo ge kombinga yegandjo lyomboloha.
Ongundu ndjoka oya ningi omunyanyo okuza poYetu Complex okuya kOmpangulilo yaMangestrata gwaShakati nomukandanyenyeto gwawo ogwa tambulwako kuchief legal clerk Hilma Nangombe.
Mangestrata Hangalo okwa mangulula Sindano Hango, nonando ope na omaumbangi taga kwashilipaleke omuyonena ngoka. Omatumwalaka gopangodhi oga ulike Hango ta gandja ombili oshowo oombangi dhoka dha gandja omahokololo gawo guumbangi mompangu.
Aakwashigwana mboka otaya pula woo natango kutya omolwashike omupanguli a gandja omboloha pwaahena omilandu dhasha.
Oya pula kutya oshike tashi vulu okuholokapo ngaashiingeyi sigo esiku taku gandjwa egeelo, taya pula woo egameno ndyoka lya pewa nakutulamo oshipotha sigo uuna egeelo lya gandjwa.
Gumwe gwomaahololimadhilaadhilo Iyaloo Nghandi okwa popi kutya ondjokonona yoshipotha shoka oyi na omatompelo okukaleka nakumonika ondjo mondjeedhililo.
Omukandanyenyeto ngoka ogwa popi woo kombinga yoshipotha shuulingilingi sha tulilwamo Hangalo kutya okwa pewa ombumbo yoshimaliwa shooN$10 000 opo a dhane uulingilingi mekateko lyetulo miipandeko lyomutamanekwa, nokupula nakutulamo oshipotha a tambule oombumbo ndjoka a pewa kofamili yomutamanekwa.
“Onga inashi gwana Lavinia Shilongo okwa yi nokugandja uumbangi pehala lyomutamanekwa. Oshipotha shoka sha tulilwa moLavinia Shilongo osha hulile peni, sho a li ta kambadhala okuya moshipala iilonga yuuyuki?”
Aaningimahololomadhilaaadhilo mboka oga gandja kokakomisi koomangestrata oshowo oombelewa adhihe dha kwatelwa mo omasiku gaheyali opo ya kale ya yamukula komanyenyeto gawo.
Palopota yompangu, oshimbuluma shoka osha ningwa momasiku 10 gaKotomba momvula yo 2014 mUuvudhiya mOshana. Hango okwa popi kutya oya yi miihulo pazimino nanakutulamo oshipotha oye e mu kwatele komeho sho e mu pula iimaliwa opo a vule okuya komumati gwe kOkaiti.
Comments
Namibian Sun
No comments have been left on this article