Taya lumbu moluhepo

Ofamili yomoshitopolwa shaMusati, momukunda Ombwata popepi nOkahao otaya lumbu moluhepo olunene nonando oye li oonakumona uuwanawa okuzilila koshiputudhilo shoGovernment Institutions Pension Fund (GIPF) .Selma Nekulilo Shoombe (48), ngoka e li pamwe noyana yatano oshowo aatekulu okwa popi kutya oya nongele owala kombinga yomauwanawa ngoka omvula ya piti, nonando oga li ge na okutameka momvula yo 2006.Okwa gandja ehokololo lye koshifokundnaeki shoNamibian Sun, kombinga yaashoka sha holola po konima sho omusamane gwe Uushona Isak Shigwedha a hulitha oomvula 12 dha piti ngashiineyi.Shoombe okwa popi kutya oya kala owala ya hokana pamuthigululwakalo, naasho omusamane gwe a hulitha ofamili oya dhigululapo iinima yomusamane ayihe mwakwatelwa oombete,oombiga nokuya thiga owala.Okwa popi kutya aanona ye yane oya thigi po oskola molwaashoka ita vulu okuya landela omizalo dhoskola oshowo iikwathitholongo yilwe mboka hayi pumbiwa, ta gwedhapo kutya ofamili yomusamane gwe kayi na ko nasha.Shoombe okwa popi kutya okwa nongele owala omvula ya piti kutya omusamane gwe okwa li a holola kutya oyana yatano naya kale oonakumona omauwanawa okuza koGIPF uuna a hulitha.MuFebruali okwa yi koGIPF nokuninga eindilo, na okwa li a pulwa opo a gandje omikanda adhihe. Okwa popi kutya omilandu ngoka otagu kwata ethimbo noonkondo, na ke wete kutya omolwashike aanona ye yena okumona iihuna koluhepo, ngele oye na omauwanawa ngoka.Okwa popi kuty oya pumbwa iimaliwa meendelelo ta pula woo kutya omolwashike GIPF ina kambadhala okuya konga muule woomvula dhihe ndhoka.Okwa popi kutya okwa fala oombaapila adhihe ndhoka dha pulwa ihe ina mona natango eyamukulo okuza koombelewa ndhoka.Sho a ningilwa omapulo, omupopiliko gwoshiputudhilo shoka Robyn Nakaambo okwa koleke kutya Shoombe okwa talela po oombelewa dhawo naaanona ye oye li oonakumona omauwanawa okuza moshiputudhilo shawo.Sho a pulwa kutya omolwashike ofamili ndjoka inayi vula okumona omauwanawa gawo uule woomvula adhihe ndhoka okutameka momvula yo 2006, okwa yamukula kutya ofamili opo owala ya talele po ombelewa yawo.“Eindilo ndyoka li na sha neso lyanakusa Uushona Isak Shigwedha olya ningwa owala oshikando shotango momasiku 21 gaFebruali mombelewa yetu yomOshakati, nokonima okwa monika kutya oondokumende dhimwe kashi po, na odha pulwa,” Nakaambo a popi.Sho a pulwa kutya uunake ngiika ofamili ndjoka tayi ka mona iimaliwa yawo, okwa popi kutya iimaliwa ohayi futwa mo owala oomwedhi 12 konima oombaapila dha gandjwa dha gwana po.“Ngaashi Ompango yoPension Funds Act 24 of 1956, tayi holola, ohaku tegelela ethimbo lya thika poomwedhi 12 ngele oombaapila adhihe odha gandjwa. Dhidhilika kutya ethimbo ndyoka olya nuninwa GIPF a ninge omalongekidho ge gomondjila nokukwashilipaleka kutya omauwanawa ngoka oga pewa ooyene mboka ye ganuninwa.”Nakaambo okwa pula woo oofamili ndhoka dhi na aaholike yadho ya hulitha opo ya ka ninge omaindilo gawo. KENYA KAMBOWE

Taya lumbu moluhepo

Comments

Namibian Sun 2025-07-01

Please login to leave a comment

Taya lumbu moluhepo

Comments

Namibian Sun 2025-07-01

Please login to leave a comment

Login