Taya longitha omeya inaga yogoka mOmundaungilo
Aakalimo yomOmundaungilo moshitopolwa shaHangwena oya shuna momukalo gwawo gwokulongitha omeya inaga yogoka gomomithima, nonando oya pewa oopomba dhomeya ga yela.
Kansela moshikandjohogololo Omundaungilo, Festus Ikanda okwa popi kutya ombelewa ye inayi mona enyenyeto okuza kaakwashigwana kutya itaya vulu okufuta oshimaliwa shoka, ihe oye na ontseyo kombinga yaakwashigwana mboka natango taya longitha omeya ngoka inaga yogoka, okuza momithima.
Omolwa ompumbwe yomeya moshitopolwa shaHangwena, ongundu yomapekaapeko yoKalahari Ohangwena Aquifer (KOH) oya holola kutya ope na omeya omawanawa mOmhalapapa popepi noongamba dhaAngola, ngoka itaga pumbwa nokuli okutulwa omiti dhasha andola ga wapalekwe.
Okwa tulwa po omahala gontumba gokugandja omeya kaakalimo yomOmundaungilo oshowo omikunda dhopopepi, okuza moomboola ndhoka mbali dha tulwa mOmhalapapa.
Pahapu dhaIkanda, omahala ngoka gomeya ogeli metonatelo lyaakwashigwana na ohaku futilwa okamaliwa okashona ka nuninwa okukalekapo omahala ngoka.
Kansela okwa popi kutya oshimaliwa shoka unene ohashi longithwa mokulanda omahooli godiesel molwaashoka epombo lyomeya ngoka okuza mevi ohali longithwa nomashina ngoka taga pumbwa okutulwa omahooli.
Peinge Kashikuka, 73, okwa popi kutya ofamili ye oya shuna kokulongitha omeya ngoka inaga yogoka molwaashoka itaya vulu okufutila omeya ngoka ga yogola.
Okwa popi kutya ohaya pulwa opo ya fute oshimaliwa shooN$20 kehe omwedhi ihe itaya gwanitha okufuta oshimaliwa shoka. Omukalimo gumwe Festus Kafiye, okwa popi kutya naye oha logitha omeya ngoka inaga yogoka mokandingosho ke.
Okwa tsikile kutya omeya ngoka ogo ha longitha mokudhunga otombo oshowo iikunwa yimwe ihe aantu ihaya nyenyeta, molwaahoka ita vulu okulongitha po okamaliwa hoka ha mono mokandingosho ke mokufuta ishewe omeya.
Oshifokundaneki shoNamibian Sun inashi mona uuyelele kutya omagumbo gangapi haga longitha omeya ngoka inaga yogoka, ihe oya dhidhilike kutya aakwashigwana oyendji otaya longitha omeya ngoka. Momagumbo gamwe omeya gokopomba ohaga longithwa owala okuteleka nokunwa omanga ngoka ga kuthwa momithima ogo haga longithwa miinima yilwe.
Omithima ndhoka odha thewa po kaakwashigwana omanga inaya mona omeya ngoka goopombanda.
ILENI NANDJATO
Omolwa ompumbwe yomeya moshitopolwa shaHangwena, ongundu yomapekaapeko yoKalahari Ohangwena Aquifer (KOH) oya holola kutya ope na omeya omawanawa mOmhalapapa popepi noongamba dhaAngola, ngoka itaga pumbwa nokuli okutulwa omiti dhasha andola ga wapalekwe.
Okwa tulwa po omahala gontumba gokugandja omeya kaakalimo yomOmundaungilo oshowo omikunda dhopopepi, okuza moomboola ndhoka mbali dha tulwa mOmhalapapa.
Pahapu dhaIkanda, omahala ngoka gomeya ogeli metonatelo lyaakwashigwana na ohaku futilwa okamaliwa okashona ka nuninwa okukalekapo omahala ngoka.
Kansela okwa popi kutya oshimaliwa shoka unene ohashi longithwa mokulanda omahooli godiesel molwaashoka epombo lyomeya ngoka okuza mevi ohali longithwa nomashina ngoka taga pumbwa okutulwa omahooli.
Peinge Kashikuka, 73, okwa popi kutya ofamili ye oya shuna kokulongitha omeya ngoka inaga yogoka molwaashoka itaya vulu okufutila omeya ngoka ga yogola.
Okwa popi kutya ohaya pulwa opo ya fute oshimaliwa shooN$20 kehe omwedhi ihe itaya gwanitha okufuta oshimaliwa shoka. Omukalimo gumwe Festus Kafiye, okwa popi kutya naye oha logitha omeya ngoka inaga yogoka mokandingosho ke.
Okwa tsikile kutya omeya ngoka ogo ha longitha mokudhunga otombo oshowo iikunwa yimwe ihe aantu ihaya nyenyeta, molwaahoka ita vulu okulongitha po okamaliwa hoka ha mono mokandingosho ke mokufuta ishewe omeya.
Oshifokundaneki shoNamibian Sun inashi mona uuyelele kutya omagumbo gangapi haga longitha omeya ngoka inaga yogoka, ihe oya dhidhilike kutya aakwashigwana oyendji otaya longitha omeya ngoka. Momagumbo gamwe omeya gokopomba ohaga longithwa owala okuteleka nokunwa omanga ngoka ga kuthwa momithima ogo haga longithwa miinima yilwe.
Omithima ndhoka odha thewa po kaakwashigwana omanga inaya mona omeya ngoka goopombanda.
ILENI NANDJATO
Comments
Namibian Sun
No comments have been left on this article