Taya longelwa mootenda koSinzogoro
Aanaskola yeli 130 poSinzogoro Combined School moshitopolwa shaKavango West, otaya longelwa mootenda na otaya kuutumba woo pevi uuna taya shanga.
KENYA KAMBOWE
Onkalo ndjoka oya etithwa komulilo ngoka gwa hanagulapo oongulu ntano poskola ndjoka muDesemba gwomvula ya piti.
Shoka osha etitha aanaskola naalongi ya kale moshiponga shomayoka.
Aantu oyendji oya holola omaiyuvo gawo sha landula sho ethano lyonkalo moka mu na oskola ndjoka lya tulwa komalungula kuyamwe yomaakuthimbinga melongo mboka taya gandja uusama kepangelo oshowo uuministeli welongo sho tawu pitika onkalo ndjoka
Sho omutoolinkundana nguka a talepo oskola ndjoka mEtitatu, aalongiskola oya holola okuuva nayi kwawo, taya popi kutya oya hala onkalo ndjoka yi talwe.
Gumwe gwomaalongi ngoka ina hala uukwatya we wu hololwe okwa popi kutya onkalo ndjoka oya dhigupala noonkondo na nokutala aanaskola mbyoka ya kuutumba pevi uule wesiku alihe otashi lulumike noonkondo. Omulongi okwa tsikile kutya mokati kaanaskola 130 mboka ya gumwa, yatatu oyeli momategelelo.
“Kandi uvite nawa. Aanaskola otaya kuutumba pevi ongula sigo omutenya. Natse aalongi otwa kwatelwamo sho tu na okuthikama uule woominute 45 molwaashoka mootenda kamu na iipundi nenge iitafula,” omulongiskola a popi.
Okwa popi kutya olundji aanaskola mboka oya loloka naashoka otashi shunitha pevi eitulemo lyawo mootundi.
“Nonando ootenda dhoka oompe na ihadhi lokelwa, ekudhilo ohali kala olindji uuna taku lokwa naashoka ohashi yi moshipala ootundi, dhoka hadhi tameke owala ngele omvula ya sheka. Otwa pumbwa ekwatho,” omulongi a popi.
Omukuluntuskola, Travolta Sikongo okwa tindi okupopya sha kombinga yonkalo, ta ti oshikondo shelongo moKavango West otashi ungaunga nonkalo ndjoka.
Sho a ningwa naye ekwatathano, omukomeho gwelongo moshitopolwa shoka, Teopolina Hamutumwa okwa lombwele oNamibian Sun kutya ombelewa ye otayi ungaunga nonkalo poskola yaSinzogoro, ta gwedha po kutya omandiki gopaungomba lyaRundu, Zambezi oshowo Eenhana otaga ka gandja iipundi niitaafula koskola.
Iinima mbyoka otayi ka gandjwa pambelewa momasiku gahamano gaMaalitsa, pahapu dhaHamutumwa.
Kombinga yetungo ndyoka lya li lyahanagulwapo komulilo, Hamutumwa okwa popi kutya oshikondo she osha tamekitha nale omalongekidho, netungo ndyoka otali ningwa okupitila metsokumwe noRundu vocational training centre.
Namibian Sun oya nongele kutya sho omatungo goskola ndjoka ga pipo, oskola oya kanitha omaliko ogendji, taku fekelwa kutya iinima mbyoka ya kanene momulilo oyongushu yooN$500 000, mwakwatelwa omashina gokwiindjipaleka oombaapila, ookompiuta, omambo, iimaliwa, oshowo ondokumende dhi na oshilonga.
Onkalo ndjoka oya etithwa komulilo ngoka gwa hanagulapo oongulu ntano poskola ndjoka muDesemba gwomvula ya piti.
Shoka osha etitha aanaskola naalongi ya kale moshiponga shomayoka.
Aantu oyendji oya holola omaiyuvo gawo sha landula sho ethano lyonkalo moka mu na oskola ndjoka lya tulwa komalungula kuyamwe yomaakuthimbinga melongo mboka taya gandja uusama kepangelo oshowo uuministeli welongo sho tawu pitika onkalo ndjoka
Sho omutoolinkundana nguka a talepo oskola ndjoka mEtitatu, aalongiskola oya holola okuuva nayi kwawo, taya popi kutya oya hala onkalo ndjoka yi talwe.
Gumwe gwomaalongi ngoka ina hala uukwatya we wu hololwe okwa popi kutya onkalo ndjoka oya dhigupala noonkondo na nokutala aanaskola mbyoka ya kuutumba pevi uule wesiku alihe otashi lulumike noonkondo. Omulongi okwa tsikile kutya mokati kaanaskola 130 mboka ya gumwa, yatatu oyeli momategelelo.
“Kandi uvite nawa. Aanaskola otaya kuutumba pevi ongula sigo omutenya. Natse aalongi otwa kwatelwamo sho tu na okuthikama uule woominute 45 molwaashoka mootenda kamu na iipundi nenge iitafula,” omulongiskola a popi.
Okwa popi kutya olundji aanaskola mboka oya loloka naashoka otashi shunitha pevi eitulemo lyawo mootundi.
“Nonando ootenda dhoka oompe na ihadhi lokelwa, ekudhilo ohali kala olindji uuna taku lokwa naashoka ohashi yi moshipala ootundi, dhoka hadhi tameke owala ngele omvula ya sheka. Otwa pumbwa ekwatho,” omulongi a popi.
Omukuluntuskola, Travolta Sikongo okwa tindi okupopya sha kombinga yonkalo, ta ti oshikondo shelongo moKavango West otashi ungaunga nonkalo ndjoka.
Sho a ningwa naye ekwatathano, omukomeho gwelongo moshitopolwa shoka, Teopolina Hamutumwa okwa lombwele oNamibian Sun kutya ombelewa ye otayi ungaunga nonkalo poskola yaSinzogoro, ta gwedha po kutya omandiki gopaungomba lyaRundu, Zambezi oshowo Eenhana otaga ka gandja iipundi niitaafula koskola.
Iinima mbyoka otayi ka gandjwa pambelewa momasiku gahamano gaMaalitsa, pahapu dhaHamutumwa.
Kombinga yetungo ndyoka lya li lyahanagulwapo komulilo, Hamutumwa okwa popi kutya oshikondo she osha tamekitha nale omalongekidho, netungo ndyoka otali ningwa okupitila metsokumwe noRundu vocational training centre.
Namibian Sun oya nongele kutya sho omatungo goskola ndjoka ga pipo, oskola oya kanitha omaliko ogendji, taku fekelwa kutya iinima mbyoka ya kanene momulilo oyongushu yooN$500 000, mwakwatelwa omashina gokwiindjipaleka oombaapila, ookompiuta, omambo, iimaliwa, oshowo ondokumende dhi na oshilonga.
Comments
Namibian Sun
No comments have been left on this article