Taya limi omapya opo yiimonene iiyemo
Pethimbo lyoondima, ongundu yaalandithi yomOshakati ohaya thigi po manga oongeshefa dhawo uule woomwedhi oonshona nokukalima omapya opo ya vule okwiimonena iimaliwa.
Ya tameke momvula yo 2009, ongundu yoTulimeni Omapya Group oyi na aalumentu yaheyali oshowo aakiintu yatatu na ohaya gandja eyakulo lyawo lyoondima kehe pamwe monooli yaNamibia.
Pahapu dhomupopiliko gwongundu ndjoka, Ester Kandenge, onkalo yompumbwe yiimaliwa momwedhi Januari oya etitha opo ya tameke okukala taya limine iimaliwa uule woomwedhi mbali momvula kehe.
Kandenge okwa popi kutya ohaya mono iiyemo ya thika lwopiikando itano muule woomwedhi dhoka, okuyeleka naambyoka haya mono okuzilila moongeshefa dhawo.
“Otuli mongeshefa muka uule woomvula 11 ngashiingeyi na otashi ende nawa. Ongundu yetu oyi na aalandithi yomomatala gaShakati na osha ninga omukalo ndjigilile ngashiingeyi kehe omvula pethimbo lyoondima opo tu vule okuninga iiyemo oyindji. Ohatu kongo aantu ya kale po poongeshefa dhetu omanga tatu ka longa momapya.”
“Ohatu gandja eyakulo lyetu kehe pamwe miitopolwa ine monooli yoshilongo mwa kwatelwa oshitopolwa shaKavango West. Ohatu futitha twiikwatelela kuunene wepya oshowo kutya otashi tupula ngiini okuya kukastoma. Ngele epya enene nenge oli li kokule ohatu yi nootenda dhetu nokukala twa unga oontanda sigo twa mana.”
Okwa popi kutya tango osha li sha fa esithahonu okumonika taya longo momapya gaantu ihe sho ya tameke taya nana ookastoma odhindji oya tameke taya tyapula iilonga yawo.
Kandenge okwa popi kutya iimaliwa mbyoka haya mono okuza mokulima ohaye yi longitha okukalanda iilandithomwa yawo oshowo okuyambidhidha oofamili dhawo.
“Aantu oyendji ohaya hala tu ya longele onkene twiikwatelela kutya epya oli thike peni, otatu itopola moongundu.
“Uuna tatu longele mOshakati nenge mOndangwa ohatu vulu okulonga oshimaliwa sha thika pooN$5 000 mesiku.”
Okwa popi kutya iilonga mbyoka oyi li nawa na ohaya kala owala nuupyakadhi uuna taku lokwa.
Okwa tsikile kutya aantu ethimbo limwe ohaya kala taye ya yolo ihe yo kaye na ko nasha molwaashoka otaya longo iimaliwa yawo. Okwa kunkilile AaNamibia mboka ye li momagumbo taya nyenyeta kaye na iilonga opo yiilongele.
“Kehe esiku moradio aanafaalama otaya kongo aantu yokulima omapya gawo, nashooka otashi ulike kutya iilonga opo yi li. Ino kala wu na ko nasha naantu taye ku yolo, ngula otaye ya kungoye taya ku ehela iimaliwa ya lande iikulya nenge ya yambidhidhe aanona yawo. Iimaliwa oya faathana owala na otayi kandula po oompumbwe dha faathana,” Kandenge a popi.
Kwaamboka ya pumbwa eyakulo lyawo, otaya monika konomola yongodhi 081 317 5153.
ILENI NANJDTO
Pahapu dhomupopiliko gwongundu ndjoka, Ester Kandenge, onkalo yompumbwe yiimaliwa momwedhi Januari oya etitha opo ya tameke okukala taya limine iimaliwa uule woomwedhi mbali momvula kehe.
Kandenge okwa popi kutya ohaya mono iiyemo ya thika lwopiikando itano muule woomwedhi dhoka, okuyeleka naambyoka haya mono okuzilila moongeshefa dhawo.
“Otuli mongeshefa muka uule woomvula 11 ngashiingeyi na otashi ende nawa. Ongundu yetu oyi na aalandithi yomomatala gaShakati na osha ninga omukalo ndjigilile ngashiingeyi kehe omvula pethimbo lyoondima opo tu vule okuninga iiyemo oyindji. Ohatu kongo aantu ya kale po poongeshefa dhetu omanga tatu ka longa momapya.”
“Ohatu gandja eyakulo lyetu kehe pamwe miitopolwa ine monooli yoshilongo mwa kwatelwa oshitopolwa shaKavango West. Ohatu futitha twiikwatelela kuunene wepya oshowo kutya otashi tupula ngiini okuya kukastoma. Ngele epya enene nenge oli li kokule ohatu yi nootenda dhetu nokukala twa unga oontanda sigo twa mana.”
Okwa popi kutya tango osha li sha fa esithahonu okumonika taya longo momapya gaantu ihe sho ya tameke taya nana ookastoma odhindji oya tameke taya tyapula iilonga yawo.
Kandenge okwa popi kutya iimaliwa mbyoka haya mono okuza mokulima ohaye yi longitha okukalanda iilandithomwa yawo oshowo okuyambidhidha oofamili dhawo.
“Aantu oyendji ohaya hala tu ya longele onkene twiikwatelela kutya epya oli thike peni, otatu itopola moongundu.
“Uuna tatu longele mOshakati nenge mOndangwa ohatu vulu okulonga oshimaliwa sha thika pooN$5 000 mesiku.”
Okwa popi kutya iilonga mbyoka oyi li nawa na ohaya kala owala nuupyakadhi uuna taku lokwa.
Okwa tsikile kutya aantu ethimbo limwe ohaya kala taye ya yolo ihe yo kaye na ko nasha molwaashoka otaya longo iimaliwa yawo. Okwa kunkilile AaNamibia mboka ye li momagumbo taya nyenyeta kaye na iilonga opo yiilongele.
“Kehe esiku moradio aanafaalama otaya kongo aantu yokulima omapya gawo, nashooka otashi ulike kutya iilonga opo yi li. Ino kala wu na ko nasha naantu taye ku yolo, ngula otaye ya kungoye taya ku ehela iimaliwa ya lande iikulya nenge ya yambidhidhe aanona yawo. Iimaliwa oya faathana owala na otayi kandula po oompumbwe dha faathana,” Kandenge a popi.
Kwaamboka ya pumbwa eyakulo lyawo, otaya monika konomola yongodhi 081 317 5153.
ILENI NANJDTO
Comments
Namibian Sun
No comments have been left on this article