Taya kondjele uuleli melelo lyUukwanyama
Elelo lyOukwanyama Traditional Authority olya popi kutya oohandimwe melelo ndyoka otaya itendele omikunda nokwiininga ooyene yomikunda.
Ø
Elelo lyoPamuthigululwakalo lyUukwanyama olya yi kOmpangu yoPombanda opo yi ninge etokolo omolwa omaihumbato goohandimwe melelo ndyoka, mboka taya ikuthile omikunda nokwiininga aaleli inaku landulwa omilandu dhelelo ndyoka.
Elelo ndyoka olya pula ompangu opo yi ye moshipala Thomas Haihambo pamwe yakwawo yalwe yaheyali.
Yalwe mboka ya kwatelwa mo, omunashipundi gwoNamibia Traditional Councillors Association oshowo Ominista yEyambulepo lyIitopolwa nOondoolopa.
Mboka yahetatu oya tothwa mo oya tumbulwa komadhina kutya o Haihambo, Ndadi Marti, Wilbard Nambahu, Ndemudina Ndove, Ndapwa Hamukwaya, Moses Ndilenge, George Hikumwa naFestus Wangushu.
Elelo olya hala opo Ompangu yoPombanda yiiidhope oshikumungu shoka nokugandja elombwelo opo Haihambo pamwe nayakwawo kaya hwahwameke we aalelwa yelelo ndyoka opo kaya simaneke oompango nooveta dhelelo lyoshilongo shoka.
Omukalelipo gwopaveta gwelelo ndyoka, Silas Kishi Shakumu, okwa lombwele oNamibian Sun kutya eindilo olya ningwa sha zilile ketokolo lyOmukwaniilwa gwElelo lyUukwanyama, Martha Nelumbu opo a kuthe melelo ookansela yontumba etokolo ndyoka lya tseyithwa kutya kali li pamulandu.
Ompangu yoPombanda oyiikalekele etokolo lyomukwaniilwa okukutha miilonga George Hikumwah, Sipora Weyulu Dan naVatilifa Hangula.
Hikumwah okwe mu kutha mo onga oshilyo shOhangwena Communal Land Board. Nonando ongaaka ompango oya tokola kutya ekutho miilonga lyoshilyo shoCommunal Land Board otali vulu owala okuningwa kuminista uuna kwa gandjwa omatompelo gomondjila ngoka taga vulu okukuthitha miilonga oshilyo shoka.
“Aakwaniilwa inaya pewa oonkondo dha sha opo ya kuthe miilonga iilyo mbyoka. Ekutho miiilonga lyaHikumwah kuNelumbu kalya li pampango,” ompangu ya holola.
Pahapu dhaKishi Shakumu, etokolo ndyoka lyompango olya uviwako pambambo kutya kehe oshilyo shelelo ndyoka oshi na oonkondo okugandja evi nokwiininga mwene gwomukunda.
Teofilus George Nelulu, omupeha omunashipundi gwOukwanyama Traditional Council, okwa yelitha momukanda kutya, ehala li li kohi yElelo lyUukwanyama olya topolwa miikandjo mbyoka yi na omikunda. Ookansela yelelo oshowo ooyene yomikunda ohaya ulikwa kookansela yelelo lyopombanda melelo lyoshilongo shoka.
MuApilili gwo-2013 elelo ndyoka olya tokola okutopola iikandjo yimwe opo yi vulwe okulelwa nawa na sho sha monikamo kutya iikandjo yimwe oyi na omikunda odhindji na osha ninga oshidhigu okukondolola omikunda ndhoka.
Oshikandjo shaHakafiya shoka shi na omikunda 78 oshowo oshikandjo shaHaingu shoka shi na omikunda 174 , oya topolwa.
Nelulu okwa popi kutya omatopolo ngoka kaga li ga pandulwa kaakwashigwana yamwe po.
Eindilo lyompangu ndyoka lya tulwa mo otali ka pulakenwa momasiku gatatu gaApilili.
FRED GOEIEMAN
Elelo lyoPamuthigululwakalo lyUukwanyama olya yi kOmpangu yoPombanda opo yi ninge etokolo omolwa omaihumbato goohandimwe melelo ndyoka, mboka taya ikuthile omikunda nokwiininga aaleli inaku landulwa omilandu dhelelo ndyoka.
Elelo ndyoka olya pula ompangu opo yi ye moshipala Thomas Haihambo pamwe yakwawo yalwe yaheyali.
Yalwe mboka ya kwatelwa mo, omunashipundi gwoNamibia Traditional Councillors Association oshowo Ominista yEyambulepo lyIitopolwa nOondoolopa.
Mboka yahetatu oya tothwa mo oya tumbulwa komadhina kutya o Haihambo, Ndadi Marti, Wilbard Nambahu, Ndemudina Ndove, Ndapwa Hamukwaya, Moses Ndilenge, George Hikumwa naFestus Wangushu.
Elelo olya hala opo Ompangu yoPombanda yiiidhope oshikumungu shoka nokugandja elombwelo opo Haihambo pamwe nayakwawo kaya hwahwameke we aalelwa yelelo ndyoka opo kaya simaneke oompango nooveta dhelelo lyoshilongo shoka.
Omukalelipo gwopaveta gwelelo ndyoka, Silas Kishi Shakumu, okwa lombwele oNamibian Sun kutya eindilo olya ningwa sha zilile ketokolo lyOmukwaniilwa gwElelo lyUukwanyama, Martha Nelumbu opo a kuthe melelo ookansela yontumba etokolo ndyoka lya tseyithwa kutya kali li pamulandu.
Ompangu yoPombanda oyiikalekele etokolo lyomukwaniilwa okukutha miilonga George Hikumwah, Sipora Weyulu Dan naVatilifa Hangula.
Hikumwah okwe mu kutha mo onga oshilyo shOhangwena Communal Land Board. Nonando ongaaka ompango oya tokola kutya ekutho miilonga lyoshilyo shoCommunal Land Board otali vulu owala okuningwa kuminista uuna kwa gandjwa omatompelo gomondjila ngoka taga vulu okukuthitha miilonga oshilyo shoka.
“Aakwaniilwa inaya pewa oonkondo dha sha opo ya kuthe miilonga iilyo mbyoka. Ekutho miiilonga lyaHikumwah kuNelumbu kalya li pampango,” ompangu ya holola.
Pahapu dhaKishi Shakumu, etokolo ndyoka lyompango olya uviwako pambambo kutya kehe oshilyo shelelo ndyoka oshi na oonkondo okugandja evi nokwiininga mwene gwomukunda.
Teofilus George Nelulu, omupeha omunashipundi gwOukwanyama Traditional Council, okwa yelitha momukanda kutya, ehala li li kohi yElelo lyUukwanyama olya topolwa miikandjo mbyoka yi na omikunda. Ookansela yelelo oshowo ooyene yomikunda ohaya ulikwa kookansela yelelo lyopombanda melelo lyoshilongo shoka.
MuApilili gwo-2013 elelo ndyoka olya tokola okutopola iikandjo yimwe opo yi vulwe okulelwa nawa na sho sha monikamo kutya iikandjo yimwe oyi na omikunda odhindji na osha ninga oshidhigu okukondolola omikunda ndhoka.
Oshikandjo shaHakafiya shoka shi na omikunda 78 oshowo oshikandjo shaHaingu shoka shi na omikunda 174 , oya topolwa.
Nelulu okwa popi kutya omatopolo ngoka kaga li ga pandulwa kaakwashigwana yamwe po.
Eindilo lyompangu ndyoka lya tulwa mo otali ka pulakenwa momasiku gatatu gaApilili.
FRED GOEIEMAN
Comments
Namibian Sun
No comments have been left on this article