Taya ka tseyithila natango oshigwana omaliko gawo
Omunyekadhi gwaNamibia Monica Geingos okwa koleke kutya ye nomusamane gwe Hage Geingob natango otaya ka tseyithila oshigwana omaliko gawo.
Omupresidende pamwe nomunyekadhi oya li ya tseyith,ile oshigwana omaliko gawo lwotango momvula yo 2015 konima sho Geingob a yi koshipundi shuupresidende.
“Otandi koleke mpaka kutya atuhe otatu ka tseyitha moshigwana omaliko getu nuumvo,” Geingos a popi okuzilila mombelewa ye.
Ekoleko ndyoka okwe li ningi konima sho a holola kutya uuthiga we otawu yi kehangano lyokusila oshisho oonakupumbwa omakwatho.
Geingos okwa lombwele oThompson Reuters Foundation oshiwike sha piti kutya uuthiga we otawu pewa ehangano lyokusila oshisho aakwanaluhepo. “Ngele otandi lombwele aanona aakwanaluhepo mboka ya pumbwa okulongwa nawa nokukala kokule niinima mbyoka tayi ya teyapo oshowo okukala ye na omikalo omiwanawa, nena etumwalaka ndyoka olyuuka woo nokaanona yandje?” Geingos a popi. Omunambelewa omupopiliko gwomupresidende, Alfredo Hengari ina popya sha konima sho a pulwa kutya Geingo otaka ninga ngaashi a ningile momvula yo 2015. Geingob pethimbo lyomutumba gwotango gwokabinete okwa popi kutya oominista dhoka ta kuulika melelo lye uuna a ganithilwa miilonga, otadhi ka holola polweela omaliko gadho.
Pethimbo sho a li a tseyitho omaliko ge, ogali gongushu yoomiliyona 50 omanga gomukulukadhi gwe gali poomiliyona 45 oshowo omapungulo goomiliyona 60. Sho a ningi etseyitho ndyoka momaliko ge omwa kwatelwa, iimaliwa oshowo omapungulo, omatungo, iimuna, iikwamalyenge niiwapeki yomomagumbo.
Olopota ye ndjoka yokwiiyamba, oya holola kutya omayalulo ge gombaanga oge na oshimaliwa shoomiliyona 14.8 moombaanga dhomoshilongo oshowo yimwe moUnited States, omanga oomiliyona 10.8 dhomapungulo mehangano lyomapungulo lyoAllan Gray oshowo Pointbreak Wealth Management, oshowo omaliko gomahala gongushu yoomiliyona dhi li pokati ka hetatu nomulongo ga shangithwa medhina lyehangano lyofamili ye, Dr Hage Geingob Family Trust Assets.
Omaliko ngoka oga kwatelamo ofaalama yi li popepi noTsumeb oshowo egumbo lye tali adhika pondje yaVenduka nehala natango tali adhika moHenties Bay. Iimuna ye oya kwatelamo oongombe dhi li 150 dhongushu yooshimaliwa shooN$664 000. Geingos omaliko ge, pethimbo ndyoka a li a ningi etseyitho otaga adhika mehangano lyomapungulo lyoStimulus Investments, ehangano lyopaumwene ndyoka li na iipambuliko mongeshefa ngaashi iikundaneki, oohi, oostola, omatungo nofabulika, na oku na uumwene woopresenda 10 mehangano ndyoka.
Sho a tseyitha omaliko ge muMei gwomvula yo 2015, omayalulo ge gombaanga yomoshilongo ogali gen a omwaalu gwoshimaliwa shooN$35 000. Egumbo lye lyomoKlein Windhoek oli na ongushu yoomiliyona 7.5 omanga iikwagumbo ye mwakwatelwa iikwamalyenge niiwapeki niimuna, yi na ongushu yoomiliyona 1.5 pethimbo ndyoka. Ekwashilipaleko lye lyonkalamwenyo mehangano lyoPPS Life Cover olyongushu yoomiliyona 13 omanga omapungulo ge mehangano lyoPointBreak gali pooN$265 000.
Geingos okwa li woo mwene gwombaanga yoEBank Holdings ndjoka ya yengumukile mumwe nombaanga yoFNB Namibia Holdings.
JEMIMA BEUKES AND OGONE TLHAGE
“Otandi koleke mpaka kutya atuhe otatu ka tseyitha moshigwana omaliko getu nuumvo,” Geingos a popi okuzilila mombelewa ye.
Ekoleko ndyoka okwe li ningi konima sho a holola kutya uuthiga we otawu yi kehangano lyokusila oshisho oonakupumbwa omakwatho.
Geingos okwa lombwele oThompson Reuters Foundation oshiwike sha piti kutya uuthiga we otawu pewa ehangano lyokusila oshisho aakwanaluhepo. “Ngele otandi lombwele aanona aakwanaluhepo mboka ya pumbwa okulongwa nawa nokukala kokule niinima mbyoka tayi ya teyapo oshowo okukala ye na omikalo omiwanawa, nena etumwalaka ndyoka olyuuka woo nokaanona yandje?” Geingos a popi. Omunambelewa omupopiliko gwomupresidende, Alfredo Hengari ina popya sha konima sho a pulwa kutya Geingo otaka ninga ngaashi a ningile momvula yo 2015. Geingob pethimbo lyomutumba gwotango gwokabinete okwa popi kutya oominista dhoka ta kuulika melelo lye uuna a ganithilwa miilonga, otadhi ka holola polweela omaliko gadho.
Pethimbo sho a li a tseyitho omaliko ge, ogali gongushu yoomiliyona 50 omanga gomukulukadhi gwe gali poomiliyona 45 oshowo omapungulo goomiliyona 60. Sho a ningi etseyitho ndyoka momaliko ge omwa kwatelwa, iimaliwa oshowo omapungulo, omatungo, iimuna, iikwamalyenge niiwapeki yomomagumbo.
Olopota ye ndjoka yokwiiyamba, oya holola kutya omayalulo ge gombaanga oge na oshimaliwa shoomiliyona 14.8 moombaanga dhomoshilongo oshowo yimwe moUnited States, omanga oomiliyona 10.8 dhomapungulo mehangano lyomapungulo lyoAllan Gray oshowo Pointbreak Wealth Management, oshowo omaliko gomahala gongushu yoomiliyona dhi li pokati ka hetatu nomulongo ga shangithwa medhina lyehangano lyofamili ye, Dr Hage Geingob Family Trust Assets.
Omaliko ngoka oga kwatelamo ofaalama yi li popepi noTsumeb oshowo egumbo lye tali adhika pondje yaVenduka nehala natango tali adhika moHenties Bay. Iimuna ye oya kwatelamo oongombe dhi li 150 dhongushu yooshimaliwa shooN$664 000. Geingos omaliko ge, pethimbo ndyoka a li a ningi etseyitho otaga adhika mehangano lyomapungulo lyoStimulus Investments, ehangano lyopaumwene ndyoka li na iipambuliko mongeshefa ngaashi iikundaneki, oohi, oostola, omatungo nofabulika, na oku na uumwene woopresenda 10 mehangano ndyoka.
Sho a tseyitha omaliko ge muMei gwomvula yo 2015, omayalulo ge gombaanga yomoshilongo ogali gen a omwaalu gwoshimaliwa shooN$35 000. Egumbo lye lyomoKlein Windhoek oli na ongushu yoomiliyona 7.5 omanga iikwagumbo ye mwakwatelwa iikwamalyenge niiwapeki niimuna, yi na ongushu yoomiliyona 1.5 pethimbo ndyoka. Ekwashilipaleko lye lyonkalamwenyo mehangano lyoPPS Life Cover olyongushu yoomiliyona 13 omanga omapungulo ge mehangano lyoPointBreak gali pooN$265 000.
Geingos okwa li woo mwene gwombaanga yoEBank Holdings ndjoka ya yengumukile mumwe nombaanga yoFNB Namibia Holdings.
JEMIMA BEUKES AND OGONE TLHAGE
Comments
Namibian Sun
No comments have been left on this article