'Tate a kwata uukiintu gwaandje'
Okamwayinakadhoka kokanona kokakadhona koomvula hetatu hoka taku lopotwa ka kwatwa onkonga kuhe omunamimvo 69, oka holola kutya ofamili oya kala nokuholeka oshinima shoka uule woomvula ndatu.
Pahapu dhokamwayina hoka, oya pula okanona hoka oomvula ndatu dha piti kutya omolwashike iilyo yako yopaumwene ya tiligana, na oka yamukula kutya “Tate okwa kwata okakuki kandje.”
Omulumentu ngoka edhina lye itali vulu okutumbulwa opo ku gamenwe uukwatya wokanona okwa ningi eindilo lyomboloha mompangulilo yaMangestrata gwaRehoboth oshiwike shika. Okwa tulwa miipandeko mehuliloshiwike lya piti ta tamanekelwa oshipotha shekwatonkonga lyokamonakadhona pokati kaJanuari gwomvula yo 2015 naJanuari gwonuumvo. Pahapu dhokamwayinakadhona, oya dhidhilike uutito pokapendi kokanona hoka omanga kali ke na oomvula ntano naashoka ya ningi omakonaakono oya mono kutya iilyo ye yopaumwene oya tiligana na oya zinda. “Meme okwa li a tandwa sho a mono okanona, onkene esiku ndyoka okwa li ta ehama pehala mpoka a tandwa na onda kala tandi mu thula. Okamwameme hoka okashona sho ka mono ngaaka oka pula kutya: 'Tate naye okwa kwata okakuki koye? Ino lila uuna tate ta kwata okakuki koye,” okanona hoka ka popi. Okanona hoka oka popi kutya okwa talelepo okamwayina hoka okashona mondoolopa yayooloka omanga ya li molweendo lyoskola na okwe mu pula kutya aakuluntu yawo oyeli po ngiini, na oka yamukula kutya ohaya kondjo.
“Onde mu pula kutya omolwashike taya kongo na okwa yamukula kutya: “Otaya tamanana omolwa okakuki kandje'. Onda kwata ewi lyoonkundatha dhetu na onda tumine meme. Okwa lombwelendje woo kutya he ohe mu fala kohauto ozizi yi li kohi yomuti nokumukwata.”
Pahapu dhokamwayina hoka, omadhidhiliko oga kala po uule wethimbo ele nuusiku he oha pula opo ye nomukulukadhi gwe ya nwe okoofi nokonima omukulukadhi ota kotha mbala. “Oha humbatapo okanona nokukafala mondunda yotiivi nokonima ohe ka shunako. Ohaya kala megumbo oyo ayeke omasiku gamwe olundji.” Okwa popi kutye he ngoka okwa kambadhala okumukwata onkonga na okwa ningi onkalamwenyo ye odhigu sho a tindi. “Onda ndopa ondondo onti 10 naashoka osha hingilendje miingangamithi niikolitha. Onda itete woo pokwaako kwandje konima sho a lombwele ndje kutya ota dhigupaleke onkalamwenyo ya meme. Ngele opolisi inayi mu mona ondjo nena otandi mu dhipaga ngame mwene, e tandi yi modholongo.” Nonando aakwashigwana inaya hala okupopya sha oshindjo molwaashoka oya haluka, oyendji oya popi kutya ngoka omaihumbato omakulu.
Omutoolinkundana, Eveline de Klerk, ngoka a li nale omulongwa gwanakutamanekwa okwa popi kutya okwa li a ningile aalongwa nale oonkatu dhopaihulo. Okwa popi kutya oye mu shi nawa molwaashoka okwa li omulongi gwawo gwoshilongwa shomwaalu. Okwa popi kutya osha ende ngiini opo a pitikwe a longe ethimbo ele ngele okwa kala ta longitha pambambo oonkondo dhe onga omulongiskola. Okwa kala aniwa ha pula aanona yaakadhona ya kuutumbe komatundji ge nenge ta pula opo a hupitwe ngele omulongwa okwe shi enditha nawa moshilongwa she. Omunaskola gumwe okwa popi natango kutya okwa li he ya kwata komagundji nokupula ye mu hupite. Omutamanekwa okwa popi kutya shoka otashi ningwa owala onga omukalo gwe kutheko loymaliko ge, niifundja mbyoka otayi taandelitha kokamona komukulukadhi gwe.
“Otaya ka kala yanyanyukwa okumona ndje tandi tulwa modholongo uule woomvula omulongo. Ondi na omukithi gwosuuka oshowo ombinzi ya londa na otandi silemo modholongo, yo taya kutha po omaliko gandje noohauto dhandje.” Okwa popi kutya oohapu dhokamona komukulukadhi gwe inadhi pumbwa okupulakenwa. Okwa popi kutya omahokololo ngoka oga tameke nale momvula yo 2015 na kape na ombangi kakele kokamona komukulukadhi gwe. Omukalelipo gwepangelo moshipotha shoka, Hillia Munzenze okwa tindi egandjo lyomboloha komutamanekwa molwaashoka kutya ota shuna megumbo moka hamu zi nakuningwa oshihakanwa. Omutamanekwa okwa kalelwa po kuChristopher Stanley omanga oshipotha tashi pulakenwa kuMangestrata Kandipawa Nangombe.
JEMIMA BEUKES
Omulumentu ngoka edhina lye itali vulu okutumbulwa opo ku gamenwe uukwatya wokanona okwa ningi eindilo lyomboloha mompangulilo yaMangestrata gwaRehoboth oshiwike shika. Okwa tulwa miipandeko mehuliloshiwike lya piti ta tamanekelwa oshipotha shekwatonkonga lyokamonakadhona pokati kaJanuari gwomvula yo 2015 naJanuari gwonuumvo. Pahapu dhokamwayinakadhona, oya dhidhilike uutito pokapendi kokanona hoka omanga kali ke na oomvula ntano naashoka ya ningi omakonaakono oya mono kutya iilyo ye yopaumwene oya tiligana na oya zinda. “Meme okwa li a tandwa sho a mono okanona, onkene esiku ndyoka okwa li ta ehama pehala mpoka a tandwa na onda kala tandi mu thula. Okamwameme hoka okashona sho ka mono ngaaka oka pula kutya: 'Tate naye okwa kwata okakuki koye? Ino lila uuna tate ta kwata okakuki koye,” okanona hoka ka popi. Okanona hoka oka popi kutya okwa talelepo okamwayina hoka okashona mondoolopa yayooloka omanga ya li molweendo lyoskola na okwe mu pula kutya aakuluntu yawo oyeli po ngiini, na oka yamukula kutya ohaya kondjo.
“Onde mu pula kutya omolwashike taya kongo na okwa yamukula kutya: “Otaya tamanana omolwa okakuki kandje'. Onda kwata ewi lyoonkundatha dhetu na onda tumine meme. Okwa lombwelendje woo kutya he ohe mu fala kohauto ozizi yi li kohi yomuti nokumukwata.”
Pahapu dhokamwayina hoka, omadhidhiliko oga kala po uule wethimbo ele nuusiku he oha pula opo ye nomukulukadhi gwe ya nwe okoofi nokonima omukulukadhi ota kotha mbala. “Oha humbatapo okanona nokukafala mondunda yotiivi nokonima ohe ka shunako. Ohaya kala megumbo oyo ayeke omasiku gamwe olundji.” Okwa popi kutye he ngoka okwa kambadhala okumukwata onkonga na okwa ningi onkalamwenyo ye odhigu sho a tindi. “Onda ndopa ondondo onti 10 naashoka osha hingilendje miingangamithi niikolitha. Onda itete woo pokwaako kwandje konima sho a lombwele ndje kutya ota dhigupaleke onkalamwenyo ya meme. Ngele opolisi inayi mu mona ondjo nena otandi mu dhipaga ngame mwene, e tandi yi modholongo.” Nonando aakwashigwana inaya hala okupopya sha oshindjo molwaashoka oya haluka, oyendji oya popi kutya ngoka omaihumbato omakulu.
Omutoolinkundana, Eveline de Klerk, ngoka a li nale omulongwa gwanakutamanekwa okwa popi kutya okwa li a ningile aalongwa nale oonkatu dhopaihulo. Okwa popi kutya oye mu shi nawa molwaashoka okwa li omulongi gwawo gwoshilongwa shomwaalu. Okwa popi kutya osha ende ngiini opo a pitikwe a longe ethimbo ele ngele okwa kala ta longitha pambambo oonkondo dhe onga omulongiskola. Okwa kala aniwa ha pula aanona yaakadhona ya kuutumbe komatundji ge nenge ta pula opo a hupitwe ngele omulongwa okwe shi enditha nawa moshilongwa she. Omunaskola gumwe okwa popi natango kutya okwa li he ya kwata komagundji nokupula ye mu hupite. Omutamanekwa okwa popi kutya shoka otashi ningwa owala onga omukalo gwe kutheko loymaliko ge, niifundja mbyoka otayi taandelitha kokamona komukulukadhi gwe.
“Otaya ka kala yanyanyukwa okumona ndje tandi tulwa modholongo uule woomvula omulongo. Ondi na omukithi gwosuuka oshowo ombinzi ya londa na otandi silemo modholongo, yo taya kutha po omaliko gandje noohauto dhandje.” Okwa popi kutya oohapu dhokamona komukulukadhi gwe inadhi pumbwa okupulakenwa. Okwa popi kutya omahokololo ngoka oga tameke nale momvula yo 2015 na kape na ombangi kakele kokamona komukulukadhi gwe. Omukalelipo gwepangelo moshipotha shoka, Hillia Munzenze okwa tindi egandjo lyomboloha komutamanekwa molwaashoka kutya ota shuna megumbo moka hamu zi nakuningwa oshihakanwa. Omutamanekwa okwa kalelwa po kuChristopher Stanley omanga oshipotha tashi pulakenwa kuMangestrata Kandipawa Nangombe.
JEMIMA BEUKES
Comments
Namibian Sun
No comments have been left on this article