Taku longithwa pambambo omakwatathano gopamalungula mopaliamende
Iilyo yopaliamende oshowo aaniilonga mopaliamende okwa popiwa taya longitha pambambo omakwatathano gopamalungula na otaku ka katukwa oonkatu opo ku tulwe miilonga ekondololo lyelongitho lyomakwatathano ngoka.
Mboka okwa popiwa kutya otaya longitha nayi omalungula pakuya komapandja gawo goFacebook oshowo okukala taya tala uuvidio koYouTube.
Uuyelele mboka owa holoka sha landula sho omukomeho gwoongulumambo oshowo omayakulo gopakompiuta, John Shimaneni, a pititha omukanda tagu popi kombinga yelongitho nayi lyomakwatathano gomalungula mopaliamende. “Ngashingeyi katu shi kutya oolye taya longitha pambambo omalungula ihe otatu ka kala nokukondolola nokumona kutya oolye,” Shimaneni a popi. Omukanda ngoka gwetseyitho ogwa tuminwa aaniilonga mopaliamende, oomenindja oshowo iilyo yomutumba gwopaliamende. Shimaneni okwa popi kutya elongitho lyomalungula okuya komapandja goFacebook oshowo oYouTube.
Shimaneni okwa tsikile kutya olopota ndjoka yelongitho lyomalungula otayi ka pewa aanambelewa yomayalulo mboka taya ka ninga omatokolo opo ku tulwe oo oondjindilila kookompiuta dhimwe. Omunambelewa ngoka okwa popi kutya elongitho lyooemail nalyo oli li pombanda noonkondo.
Momaandaha goshiwike shika, omayakulo gopamalungula mopaliamende kaga li taga longo noshizemo aaniilonga niilyo yopaliamende kaya li taya vulu okumona omatumwalaka gawo gopaemails.
Omunambelewa gwochief of whip gwongundu yo Popular Democratic Movement (PDM), Jennifer van der Heever, okwa popi kutya oonakulongitha pambambo omayakulo ngoka naya geelwe. Okwa holola woo omaiyuvo ge kombinga yetseyitho kutya omatumwalaka gawo gopaemails otaga ka kala nokukondolwa. “Ompango yini tayi ya pitika opo ya kondolole omatumwalaka getu gooemails. Shoka oshi li eipulo.
Opwa li omukanda ngoka gwetu tseyithile kutya otaya ka indika elongitho lyoFacebook oshowo oYoutube ihe omolwashike shoka inashi ningwa?” omunambelewa ngoka a pula. Oshilyo shongundu yoUnited People's Movement (UPM), Jan van Wyk okwa holola kutya oku na omaiyuvo kutya uuyelele wongundu yawo inawu gamenwa we.
“Oye shi kutya mboka taya ningi ngaaka lye ihe oya hala okukutha po emanguluko lyetu. Oya ningile oondjindikila oGmail yandje na ohaya yi mooakaunda dhetu dhopaumwene ngaashi yahala. Shoka otashi kala ngiini egameno kongundu yompilameno?” a pula. Oshilyo shongundu yoNational Unity Democratic Organisation (Nudo), Meundjuu Jahanika okwa popi kutya ota longo nuudhigu okutuma nenge okuyakula oemail.Jahanika okwa popi kutya okwa kambadhala okukonga omauyelele kombinga yiikumungu yevi komalungula omolwa omutumba gwevi ngoka tagu ya ihe ina vula okumona omauyelele. Omunapaliamende gwoSwanu, Usutuaije Maamberua okwa popi kutya omakwatathano gopamalungula otaga ende kashona, ihe ke na uuyelele ngele otaga vulu okulongithwa pambambo. Omusindalandu tagu ithanwa Social Media Use Policy and Implementation Plan gwomvula yo 2016/17 sigo 2019/20 ogwa tulwa poshitaafula mopaliamende kOminista yomauyelele nale, Tjekero Tweya muJuni gwomvula ya piti.
Omulandu ngoka otagu gandja nkene aanambelewa yepangelo ya pumbwa okulongitha omakwatatahno gopainternet miilonga nelalakano okukalekapo ekwatathano noshigwana. Omulandu ngoka ogwa popi woo ombinga yelongitho lyomalungula ngoka miinima yopaumwene.Pethimbo ndyoka, Tweya okwa li a popi kutya epangelo olya pumbwa okugandja oonzo dhagwana opo ku kwashilipalekwe kutya aakwashigwaa oya mona omauyelele.
Tweya okwa li a popi kutya omulandu ngoka otagu endele pamwe nekalekepo lyuuyuuki miilonga yepangelo okwaadha omalalakano goompangela dheyambulepo lyoshilongo oshowo oompangela dhoVision 2030 oshowo oHarambee Prosperity Plan.
Uuyelele mboka owa holoka sha landula sho omukomeho gwoongulumambo oshowo omayakulo gopakompiuta, John Shimaneni, a pititha omukanda tagu popi kombinga yelongitho nayi lyomakwatathano gomalungula mopaliamende. “Ngashingeyi katu shi kutya oolye taya longitha pambambo omalungula ihe otatu ka kala nokukondolola nokumona kutya oolye,” Shimaneni a popi. Omukanda ngoka gwetseyitho ogwa tuminwa aaniilonga mopaliamende, oomenindja oshowo iilyo yomutumba gwopaliamende. Shimaneni okwa popi kutya elongitho lyomalungula okuya komapandja goFacebook oshowo oYouTube.
Shimaneni okwa tsikile kutya olopota ndjoka yelongitho lyomalungula otayi ka pewa aanambelewa yomayalulo mboka taya ka ninga omatokolo opo ku tulwe oo oondjindilila kookompiuta dhimwe. Omunambelewa ngoka okwa popi kutya elongitho lyooemail nalyo oli li pombanda noonkondo.
Momaandaha goshiwike shika, omayakulo gopamalungula mopaliamende kaga li taga longo noshizemo aaniilonga niilyo yopaliamende kaya li taya vulu okumona omatumwalaka gawo gopaemails.
Omunambelewa gwochief of whip gwongundu yo Popular Democratic Movement (PDM), Jennifer van der Heever, okwa popi kutya oonakulongitha pambambo omayakulo ngoka naya geelwe. Okwa holola woo omaiyuvo ge kombinga yetseyitho kutya omatumwalaka gawo gopaemails otaga ka kala nokukondolwa. “Ompango yini tayi ya pitika opo ya kondolole omatumwalaka getu gooemails. Shoka oshi li eipulo.
Opwa li omukanda ngoka gwetu tseyithile kutya otaya ka indika elongitho lyoFacebook oshowo oYoutube ihe omolwashike shoka inashi ningwa?” omunambelewa ngoka a pula. Oshilyo shongundu yoUnited People's Movement (UPM), Jan van Wyk okwa holola kutya oku na omaiyuvo kutya uuyelele wongundu yawo inawu gamenwa we.
“Oye shi kutya mboka taya ningi ngaaka lye ihe oya hala okukutha po emanguluko lyetu. Oya ningile oondjindikila oGmail yandje na ohaya yi mooakaunda dhetu dhopaumwene ngaashi yahala. Shoka otashi kala ngiini egameno kongundu yompilameno?” a pula. Oshilyo shongundu yoNational Unity Democratic Organisation (Nudo), Meundjuu Jahanika okwa popi kutya ota longo nuudhigu okutuma nenge okuyakula oemail.Jahanika okwa popi kutya okwa kambadhala okukonga omauyelele kombinga yiikumungu yevi komalungula omolwa omutumba gwevi ngoka tagu ya ihe ina vula okumona omauyelele. Omunapaliamende gwoSwanu, Usutuaije Maamberua okwa popi kutya omakwatathano gopamalungula otaga ende kashona, ihe ke na uuyelele ngele otaga vulu okulongithwa pambambo. Omusindalandu tagu ithanwa Social Media Use Policy and Implementation Plan gwomvula yo 2016/17 sigo 2019/20 ogwa tulwa poshitaafula mopaliamende kOminista yomauyelele nale, Tjekero Tweya muJuni gwomvula ya piti.
Omulandu ngoka otagu gandja nkene aanambelewa yepangelo ya pumbwa okulongitha omakwatatahno gopainternet miilonga nelalakano okukalekapo ekwatathano noshigwana. Omulandu ngoka ogwa popi woo ombinga yelongitho lyomalungula ngoka miinima yopaumwene.Pethimbo ndyoka, Tweya okwa li a popi kutya epangelo olya pumbwa okugandja oonzo dhagwana opo ku kwashilipalekwe kutya aakwashigwaa oya mona omauyelele.
Tweya okwa li a popi kutya omulandu ngoka otagu endele pamwe nekalekepo lyuuyuuki miilonga yepangelo okwaadha omalalakano goompangela dheyambulepo lyoshilongo oshowo oompangela dhoVision 2030 oshowo oHarambee Prosperity Plan.
Comments
Namibian Sun
No comments have been left on this article