Taku gongelwa oshimaliwa shokutunga omuhandjo gwoskola mOmungwelume

Ngoloneya gwoshitopolwa shaHangwena Usko Nghaamwa okwa gandja oodhopi dhi li po 58 000, dhoka dha gandjwa omagano dha nuninwa okutameka okutungitha omuhandjo gwaanaskola mOmungweume.Sha landula olopota yoshikundaneki muMaalitsa nuumvo, kutya ompumbwe yomuhandjo gwoskola mosekundoskola mOmungwelume oya etitha aanaskola ya kale yootekathana momudhingoloko ngoka, AaNamibia yamwe oya tokola okugandja omayambidhidho opo aanaskola mboka ya vule okutungilwa omuhandjo.Momasiku 22 gaJuni nuumvo melongelokumwe nOmbelewa yOshitopolwa shaHangwena, Ngoloneya Nghaamwa otaka kwatelwa komeho oshituthi showina, shoka sha nuninwa okugongela iiyemo yokutunga omuhandjo.Kuume koskola ndjoka, Kleopas Kapweya okwa lombwele oshifokundaneki shoNamibian Sun mehuliloshiwike kutya konima sho kwa pitithwa olopota yonkalo moka mu na aanaskola oya tameke taya mono omayambidhidho okuza koohandimwe, opo ku vule okutungwa omuhandjo gwoskola.Ehangano inali hololwa, okupitila mombelewa yaNghaamwa olya gandja oodhoi dhili po 58 000 omanga Omukwaniilwa gwUukwanyama, Martha Mwadinomho waKristian yaNelumbu naye a holola ohokwe ye okuyambidhidha metungo lyomuhandjo gwoskola.“Konima yolopota ndjoka otwa dhengelwa oongodhi kaantu mboka yahala okukwathela metungo lyomuhandjo. “Ngoloneya okwa gandja nale oodhopi ndhoka dha gandjwa oshowo ongombe ndjoka ye mwene a gandja. Omukwaniilwa naye okwa holola ohokwe ye mokuyambidhidhwa. Otatu indile kehe gumwe ngoka e na ohokwe mokuyambidhidha metungo lyomuhandjo gwoskola yaMungwelume opo ya kale poshituthi shoka tashi ka ningwa momasiku 22 gaJune nenge ya ninge ekwatathano natse,” Kapweya a popi.Kapweya okwa popi mehuliloshiwike kutya, okwa gandja po oshitopolwa shimwe shepya lye oomvula dha piti opo ku vule okutungwa omuhandjo gwoskola ngoka inagu tungwa natango. “Omudhingoloko gwaMungwelume kagu shi ehala ewanawa kaanaskola ya kale kuyoyene. Aanona ohaya zi komahala ga yooloka nokuya koskola ndjoka kayi na omuhandjo. Ngashiingeyi otaya hiila nokuza pamwe molukanda na inatu nyanyukilwa omaihumbato gawo.”Omukuluntuskola George Nanghanda okwa koleke kutya Nghaamwa okwa gandja koskola oodhopi dhili po 58 000 ndhoka a popi kutya odha pewa ombelewa ye kehangano lyontumba.Nanghanda okwa popi kutya aantseyinawa otaya popi kutya oodhopi ndhoka odhindji na otadhi kayambidhidha noonkondo metungo ndyoka.“Otwa pandula kwaashoka ngoloneya ta ningi. Otatu indile owala aantu mboka ye na ohokwe mokuyambidhidha ya yambidhidhe oonkambadhala ndhoka tadhi ningwa kungoloneya opo ku vule okutungilwa omuhandjo oskola yetu.”Sho a ningilwa omapulo, Nghaamwa okwa popi utya nakugandja oodhopi ndhoka otaka tseyitha pethimbo lyoshituuthi shegongelo lyiimaliwa shoka tashi ningwa.Osekundoskola yaMungwelume kayi na omuhandjo naanaskola ya za koombinga noombinga ohaya hiila momudhingoloko gwaMungwelume. Konyala aanaskola ye li pe 118 yondondo onti 10, 11 no 12 ohaya zi mehala lyepangelp ndyoka lya li lya landwa kelelo lyoshitopowa shaHangwena, sha landula elombwelo lya zi kuNghaamwa.chief regional officer gwoshitopolwa shaHangwena, Fillipus Shilongo okwa pula Omukomeho gwElongolo mOshitopolwa shaHangwena opo a kongele ehala lyokuza aanona mboka omanga inaya kuthwa mo mehala moka haya zi ngaashiingeyi.Shilongo okwa popi kutya ehala ndyoka lya landwa kepangelo koshimaliwa shoomiliyona 6, inali landwa opo li longithwe onga omuhandjo gwoskola.Kapweya okwa popi kutya aavali oya tuma aanona yawo koskola ihe koskola oyeli ko yootekathana taya zi pamwe onga aasamane naakulukadhi, na kape na ngoka ta kondolola aanona mboka molwaashoka ihaya zi moskola. Aanona mboka yamwe ngaashi yondondo onti 10, oya za komahala gokokule ngaashi Okongo, Oshikunde, Epembe, Omundaungilo, Omauni oshowo Ekoka.ILENI NANDJATO

Taku gongelwa oshimaliwa shokutunga omuhandjo gwoskola mOmungwelume

Comments

Namibian Sun 2025-10-14

Please login to leave a comment

Taku gongelwa oshimaliwa shokutunga omuhandjo gwoskola mOmungwelume

Comments

Namibian Sun 2025-10-14

Please login to leave a comment

Login