Ta ya kugu enota kelelo lyaVenduka
JANA-MARI SMITH
OVENDUKA
Aakalimo yomOvenduka mboka yali ya tembuka nuumvo omolwa efundja oyali ya kunkililwa kutya kehala hoka ta tembukile oli li kokule nomahala gomeya. Dhoka odha popiwa komunambelewa omupopiliko gwelelo lyaVenduka Lydia Amutenya, ngoka a yamukula kongundu yaakiintu mboka oshiwike sha piti ya pula mayola gwoshilandopangelo, Job Amupanda, opo e ya tulilepo opomba yomeya.
“Ongundu ndjoka oyali ya kunkililwa kutya evi ndyoka ya hogolola kali li popepi nomeya ihe oyali oya tindi kutya itaya tembukapo taya popi kutya omolwa aanona yawo mboka haya yi kooskola oshowo oonkalamwenyo dhawo. Oya tokola okutembukila pehala lyontumba pomudhingoloko ngoka opo oonkalamwenyo dhawo dha kehe esiku kadhi piyaganekwe.”
Amutenya okwa popi kutya ekemo lyawo olyuuvika, nelelo otali ka tala koompito dhoka tadhi vulu okumonika po.
Momaandaha ga piti ongundu yaakiintu okuza molukanda olupe tali ithanwa Nyanyukweni mOne Nation moshikandjohogololo, Tobias Hainyeko, oya kugu taya kongo ekwatho taya popi kutya omeya oge ya li kokule.
Aakiintu mboka oya popi kutya kakele kelambo li li po popepi hoka haya ka tala omeya oya popi kutya ondjila ndjoka haya endele oya nika oshiponga nonkondo na oye li muutile wokuponokelwa.
Omudhingoloko ngoka kagu na olusheno nenge uundjugo nonkalo otayi thiminike aakalimo ya lungithe omilamba.
Oya popi kutya uuna taku lokwa nomilamba tadhi tondoka omeya nena ihaya vulu we oku ka tala omeya.
Amutenya okwa popi mOmaandaha kutya mboka oyali ya tokola okutembuka omolwa omvula kuyele nuumvo. Okwa popi kutya omagumbo gawo ogali guudha omeya noonkondo nokuyonagula omaliko gawo na oya li woo ya kwatwa kuumbanda wekanitho lyoomwenyo ngaashi sha holoka moomvula dha piti. Omunambelewa okwa tsikile kutya aakwashigwana mboka oyali ya yi kelelo lyoshilando okupitila momuleli gwawo, okulopota kutya omagumbo gawo ogeli kohi yomeya na oya pumbwa ekwatho.
Okwa tsikile kutya elelo kalya li li na ehala lya gwana okutembudha ayehe mboka taya gumwa kefundja onkene olye ya pula ya hogolole ehala li li komutunda momudhingoloko gwawo.
Amutenya okwa popi kutya elelo halyo lya tembula aakwashigwana mboka ihe oya tembuka yoyeye noofamili dha thika po 26 odhali dhi na okutembuka ihe o 11 oyo owala ya tembuka.
OVENDUKA
Aakalimo yomOvenduka mboka yali ya tembuka nuumvo omolwa efundja oyali ya kunkililwa kutya kehala hoka ta tembukile oli li kokule nomahala gomeya. Dhoka odha popiwa komunambelewa omupopiliko gwelelo lyaVenduka Lydia Amutenya, ngoka a yamukula kongundu yaakiintu mboka oshiwike sha piti ya pula mayola gwoshilandopangelo, Job Amupanda, opo e ya tulilepo opomba yomeya.
“Ongundu ndjoka oyali ya kunkililwa kutya evi ndyoka ya hogolola kali li popepi nomeya ihe oyali oya tindi kutya itaya tembukapo taya popi kutya omolwa aanona yawo mboka haya yi kooskola oshowo oonkalamwenyo dhawo. Oya tokola okutembukila pehala lyontumba pomudhingoloko ngoka opo oonkalamwenyo dhawo dha kehe esiku kadhi piyaganekwe.”
Amutenya okwa popi kutya ekemo lyawo olyuuvika, nelelo otali ka tala koompito dhoka tadhi vulu okumonika po.
Momaandaha ga piti ongundu yaakiintu okuza molukanda olupe tali ithanwa Nyanyukweni mOne Nation moshikandjohogololo, Tobias Hainyeko, oya kugu taya kongo ekwatho taya popi kutya omeya oge ya li kokule.
Aakiintu mboka oya popi kutya kakele kelambo li li po popepi hoka haya ka tala omeya oya popi kutya ondjila ndjoka haya endele oya nika oshiponga nonkondo na oye li muutile wokuponokelwa.
Omudhingoloko ngoka kagu na olusheno nenge uundjugo nonkalo otayi thiminike aakalimo ya lungithe omilamba.
Oya popi kutya uuna taku lokwa nomilamba tadhi tondoka omeya nena ihaya vulu we oku ka tala omeya.
Amutenya okwa popi mOmaandaha kutya mboka oyali ya tokola okutembuka omolwa omvula kuyele nuumvo. Okwa popi kutya omagumbo gawo ogali guudha omeya noonkondo nokuyonagula omaliko gawo na oya li woo ya kwatwa kuumbanda wekanitho lyoomwenyo ngaashi sha holoka moomvula dha piti. Omunambelewa okwa tsikile kutya aakwashigwana mboka oyali ya yi kelelo lyoshilando okupitila momuleli gwawo, okulopota kutya omagumbo gawo ogeli kohi yomeya na oya pumbwa ekwatho.
Okwa tsikile kutya elelo kalya li li na ehala lya gwana okutembudha ayehe mboka taya gumwa kefundja onkene olye ya pula ya hogolole ehala li li komutunda momudhingoloko gwawo.
Amutenya okwa popi kutya elelo halyo lya tembula aakwashigwana mboka ihe oya tembuka yoyeye noofamili dha thika po 26 odhali dhi na okutembuka ihe o 11 oyo owala ya tembuka.
Comments
Namibian Sun
No comments have been left on this article