Ta ya ka tidhwamo megumbo lyepangelo mOmungwelume

Shilongo okwa lombwele oshifokundnaeki shoNamibian Sun kutya ehala ndyoka tali adhika mOmungwelume hamu zi aanaskola lyepangelo inali landwa kongushu yoomiliyona 6 opo li ningwe omuhandjo gwoskola.Okwa li a popi omwedhi gwa piti kutya elelo ndyoka itali ka kutha mo aanaskola mboka ihe Shilongo okwa popi mEtitatu aanaskola yeli 94 mboka haya zi megumbo ndyoka yaahena epitiko lyelelo lyoshitopolwa otaya ka kuthwa mo.“Otu na okatokolitho hoka ka pitithwa kelelo lyoshitopolwa kutya egumbo ndyoka itali vulu okuza aantu molwaashoka kali li monkalo ombwaanawa. Aanaskola meyambidhidho lyaavali yawo oya yi megumbo ndyoka omvula ya piti pwaahena epitiko nonando otaya popi kutya oya pewa epitiko kungoloneya gwoshitopolwa shaHangwena.”“Ondi wete kutya ombelewa yelelo lyoshitopolwa oshowo ombelewa yangoloneya oya pumbwa okuyeleka oshikumungu shoka. Onda pumbwa okutula miilonga okatokolitho hoka,” Shilongo a popi.Aanaskola yondondo onti 10, 11 oshowo ondondo onti 12 haya hiti oskola mOmungwelume Senior Secondary School ohaya zi mehala ndyoka sha landula aniwa elombwelo lyaNgoloneya , Usko Nghaamwa.Omvula ya piti sho Nghaamwa a talelepo Omungwelume okwa popi kutya onkalo ndjoka otayi limbilike sho aanaskola taya zi moombashu omanga pe na ehala lya landwa niimaliwa yoshigwana ihe kali na shoka tali longo.Elelo lyoshitopolwa shaHangwena kalya li lya yanyukilwa etokolo ndyoka lya ningwa kuNghaamwa opo aanaskola mboka ya ze megumbo nyoka inaku landulwa omilandu dhomondjila.Konima sho elelo lyoshitopolwa lya tseyithilwa kombelewa omukunda Omungwelume kutya aanaskola mboka oya tembukila megumbo ndyoka, elelo olya ningi omakonaakono nokutala ngele ehala ndyoka oli li tuu monkalo yokuza aantu.Konima yomakonaakono okwa monika kutya egumbo kali li monkalo ombwaanawa na kali na omeya nolusheno.Okwa ningwa nduno okatokolitho kutya egumbo ndyoka itali vulu okuza aantu. Aanaskola pamwe naavali yawo oya longulula egumbo ndyoka nokutulithamo olusheno ihe kamu na omeya, sho elelo lyoshitopolwa olya tindi okukwatakanitha omeya megumbo ndyoka.Omunashipundi gwokomitiye yelelo lyoshitopolwa shoka Ericson Ndawanifa okwa popi kutya sho ya ningi omutumba omwedhi gwapiti oya tokola kutya itaya kutha mo aanona mboka megumbo molwaashoka kaye na mpoka taya yi.Shilongo okwa popi kutya omwedhi gwa piti oya tumu Hamatwi oshowo aanambelelwa yelelo ya tale konkalo ndjoka yo ye ya galukile nomagwedhelepo .Okwa popi kutya omagwedhelepo ngoka ga monika okukongela aanaskola mboka ehala moskola nenge pehala lyopopepi noskola.Shilongo okwa popi kutya oye wete kutya ope na shili ompumbwe yehala lyokuza aanaskola ihe okwa pumbiwa okulandulwa omilandu dhomondjila.ILENI NANDJATO

Ta ya ka tidhwamo megumbo lyepangelo mOmungwelume

Comments

Namibian Sun 2025-09-16

Please login to leave a comment

Ta ya ka tidhwamo megumbo lyepangelo mOmungwelume

Comments

Namibian Sun 2025-09-16

Please login to leave a comment

Login