Ta ya holeke oshili

Minista okwa lopotwa ta kambadhala okuholeka oshili, konima sho Omupresidende Hage Geingob a kaleke oprograma ndjoka.Okwa hololwa kutya ope na uulingilingi unene wa longwa megandjo lyootendela mopoloyeka ndjoka, nonzo yimwe meni lyoNHE oya popi kutya okabinete oka zimine eindilo lyaShaningwa opo ku kalekwe oprogramma ndjoka inaku ningwa omakonaakono gasha.Oshinima shimwe sho ye wete kutya kasha li shina okukala inashi talika, olopota yongushu yoomiliyona 3.5 ndjoka ya ningwa kaaayaluli yongushu yiitungitho, ndjoka ya mono kutya oondando dhomagumbo ngoka itadhi tsu kumwe nongushu.Onzo ndjoka ya tindi okuholola uukwatya, oya popi kutya NHE ina yakula oshimaliwa sha nuninwa oprogramma ndjoka okuza kepangelo, moshitopolwa shotango shiilonga. Pehala NHE okwa kutha omukuli gwoomiliyona 220 opo a vule okutamekitha oshitopolwa shotango shoprogramma ndjoka.Okwa tsikile kutya kape na oshimaliwa shoprograma ndjoka shi li momake gaNHE, nokabinete oshowo Shaningwa oya tokola okukala ya mwena kombinga yonkalo ndjoka, na oya etha edhina lyomukomeho gwoNHE nale, Vinson Hailulu li nyatekwe.Onzo ndjoka oya popi kutya etokolo lyokukaleka programa ndjoka olya ningwa ihe inaku gandjwa uuyelele washa.Omapopyo ngoka oga holoka konima sho elelo lyoNHE lya popi kutya Omukomeho gwoAnti-Corruption Commission (ACC) , Paulus Noa okwa ndopa okugwanitha po iilonga ye, sho ina ninga omakonaakono kombinga yuulingilingi mbyoka wa tothwa mo sha landula omakonaakono ngoka ga ningwa koDeloitte & Touche. Onzo ndjoka oya popi kutya Shaningwa, ihe kali shi elelo lyoNHE, okwa gandja olopota ndjoka ya ningwa koDeloitte ko ACC na okwa pula eningo lyomakonaakono ga gwedhwa po kombinga yegandjo lyootendela mopoloyeka ndjoka.Noa okwa tindi okuninga omakonaakono ta popi kutya shoka oshi li oshikumungu shomeni, na osha pumbwa okukandulwa po meni lyehangano.Olopota yadeloitte Onzo oya popi kutya olopota ndjoka oya ningwa koDeloitte na oya pula ehangano ndyoka oshimaliwa shooN$750 000. Oonkundathana dhopolota ndjoka, dhoka dha ningwa momasiku 17 gaJanurai nuumvo odha holola kutya, olopota ndjoka oya mono kutya omanbo goNHE kageli melandulathano naashoka osha pumbwa okuwapalekwa.Omaupyakadhi ngoka oga kakwatelamo iinima ya shangwa oolwali membo lyomikuli, oshowo oondokuende dha kana.Elelo epe lyehangano ndyoka, kohi yOmunashipundi Sam Shivute olya pula opo ku ningilwe omutumba gwomautho aaniilonga aanene mehangano ndyoka, mboka ye na mo olunyala mehalakano ndyoka.Momasiku ga7 gaMaalitsa, Deloitte okwa gandja olopota ndjoka momake gelelo lyaNHE.Olopota oya holola kutya uuyelele womwaalu gwookastoma kawu li pamuthika. Deloitte okwa gandjwa omagwedhelepo opo ehangano ndyoka li tameke okulongitha omulandu gwopaunongononi nokuyambulapo omukalo gwawo gwepungulo lyomauyelele.Nonando ongaaka, ayehe Hailulu nomunambelewa omukuluntu nale gwomayakulo gopautekinika mehangano ndyoka, Uazuva Kaumbi oya kuthwa ombedhi omolwa omapopyo guulingilingi wa longwa megandjo lyootendela.Okwa hololwa kutya Kaumbi okwa holola ohokwe ye yopangeshefa mopoloyeka yaLüderitz moka omonamati e na iipambuliko mehangano ndyoka lya kwatele komeho opoloyeka ndjoka. Nonando ongaaka ehogololo lyehangano tali longo opoloyeka ndjoka, olya ningwa koshikondo shoka tashi kwatelwa komeho kuKaumbi.Hailulu naye okwiikutha mo mopoloyeka yaTjomuise molwaashoka gumwe gwomaaniilonga yopoloyeka ndjoka, Titus Nakuumba omukwanezimo gwomukulukadhi gwe.Olopota oya tsikile kutya egandjo lyootendela dhimwe inali ningwa pamulandu. Oopoloyeka dhilweOmulandu gootendela ngoka gwa longithwa pethimbo kwa hogololwa omahangano ngoka ga pewa iilonga ngaashi mopoloyeka yaLiindili, Oruhapo, oshowo Kata Investment mopoloyeka yaTjiwarongo, kagu li mondjila, pauyelele wa hololwa momukanda gwiikundathanwa yelelo lyehangano ndyoka.Ehangano lya Oruhapo olya pewa oomiliyona 24.6 mokutunga omagumbo 79, omanga ehangano lyoKata Investment ndyoka nokuli inali gwanitha po iipumbiwa oshowo lya lata mokugandja eindilo lyawo lya mono oomiliyona 16.5 mokutunga omagumbo geli 71 mOtjiwarongo.Kata Investments CC, ehangano lyomonakadhona gwomupresidende nale Hifikepunye Pohamba, Kaupumhote, oshowo Taschiona !Gawaxab, omonakadhona gwomukomeho nale gwehangano lyo Old Mutual Africa, Johannes !Gawaxab. Minista Shaningwa ina vula okuyamukula komapopyo ngoka. Ombelewa ye nayo inayi yamukula omapulo ngoka ya tuminwa oshiwike sha piti. CATHERINE SASMAN

Ta ya holeke oshili

Comments

Namibian Sun 2025-07-07

Please login to leave a comment

Ta ya holeke oshili

Comments

Namibian Sun 2025-07-07

Please login to leave a comment

Login