Ta longitha ondjambi ye mokupalutha aanona aakwanaluhepo
Omulongiskola gwoomvua 38 a za moGrootfontein, oha longitha po konyala oopresenda 50 dhondjambi ye opo a kwatele komeho endiki lye inali yama kepangelo, ndyoka hali gandja oondya naanona aakwanaluhepo ye li po 100.
Elizabeth Petrus, mwene gwehangano lyedhina Victory Children Community Development Centre, okwa popi kutya okwa tameke opoloyeka ye nehalo lyokukwathela epangelo mokukandulapo oluhepo.
Petrus ngoka e li othigwa okuza poomvula ooshona lela okwa popi kutya, okwa tameke noprograma ye yokupalutha aanona muSepetemba gwomvula ya piti na okwa kala ta longele kohi yomuti moskola yedhina Omulunga Primary School, poskola mpoka ha longo.
Pethimbo ndyoka okwa li owala ha palutha aanona ye li 15 ya za molukanda lwaGrootfontein, Blikkiesdorp, ihe omwalu ngashiingeyi ogwa londa pombanda sigo opaanona 100.
Aanona mboka ohaya pewa okulya yo taya kutha woo ombinga miinyangadhalwa yilwe ya yooloka.
Petrus okwa popi kutya okwa tokola okukala ta palutha aanona sho a dhidhilike kutya anona ohaye ya koskola inaya lya, na oyiikolelela owala moprograma yepangelo yokugandja oondya pooskola, ndjoka inayi gwana.
Omolwa ohokwe okutota ehangano lyokuyambidhidha aanona, okwa hiila egumbo moMalalani negumbo ndyoka okwe li ningi endiki lyokugandja omayambidhidho konima yoskola kaanaskola.
Sho a pulwa kutya oha hupu ngiini, Petrus okwa popi kutya oha longitha iimaliwa ye mwene.
Okwa popi kutya oostola ngaashi Pick n Pay moGrootfontein oshowo yalwe ohaye mu kwathele niikulya ihe olundji oha longitha iiyemo yemwene.
“Onga odhigwa ngame mwene, ondi shishi kutya ethimbo limwe oho dhilaadhila owala okuza po pehala mpoka ho kala unene ngele owu wete kutya ku holike. Omolwa omatompelo ngoka nda ningi nendiki ndika, opo aanona ya kale ye wete kutya oye holike,” Petrus a popi. Okwa popi kutya aanona yamwe ohaya tindi okushuna komagumbo ngele iinyangadhalwa yawo yesiku ya pu pendiki ndyoka.
Okwa popi kutya aantu yamwe ohaya popi kutya okwa hala okupa aanona uusigo nokuya pa euveko lya puka ihe ohe ya idhimbike nokutsikila niilonga ye. “Oshinima shimwe ndiilongo sho nda koko oshoka kutya aantu aluhe ohaya popi kutya oto ningi oshinima oshiwanawa nenge oto ningi oshinima oshiwinayi. Omolwaashoka itandi etha omaluhoko gawo ga gume ndje. Otandi ningi shoka ndi hole, nokusila oshisho okanona okaNamibia.” Sho a pulwa kombinga yomaupyakadhi ngoka a taalela, Petrus okwa popi kutya okwa pumbwa ehala enene molwaashoka egumbo ndyoka ha hiila eshona. Okwa popi kutya okwa ninga eindilo okuza kumuni gwondoolopa yawo opo a pewe ehala nuuna eindilo lye lya ziminwa otaka tameka niilonga yokutunga endiki lye.
“Inandi hala okutsikila nokuhiila molwaashoka otandi vulu okulongitha iimaliwa mbyoka mokusila oshisho aanona oyendji. Ondiinekela kutya konima yeindilo lyandje omvula ya piti, muni otaka pandje ehala.”
Petrus oku na okanona koomvula 12, hoka haka kwathele woo pendiki.
Elizabeth Petrus, mwene gwehangano lyedhina Victory Children Community Development Centre, okwa popi kutya okwa tameke opoloyeka ye nehalo lyokukwathela epangelo mokukandulapo oluhepo.
Petrus ngoka e li othigwa okuza poomvula ooshona lela okwa popi kutya, okwa tameke noprograma ye yokupalutha aanona muSepetemba gwomvula ya piti na okwa kala ta longele kohi yomuti moskola yedhina Omulunga Primary School, poskola mpoka ha longo.
Pethimbo ndyoka okwa li owala ha palutha aanona ye li 15 ya za molukanda lwaGrootfontein, Blikkiesdorp, ihe omwalu ngashiingeyi ogwa londa pombanda sigo opaanona 100.
Aanona mboka ohaya pewa okulya yo taya kutha woo ombinga miinyangadhalwa yilwe ya yooloka.
Petrus okwa popi kutya okwa tokola okukala ta palutha aanona sho a dhidhilike kutya anona ohaye ya koskola inaya lya, na oyiikolelela owala moprograma yepangelo yokugandja oondya pooskola, ndjoka inayi gwana.
Omolwa ohokwe okutota ehangano lyokuyambidhidha aanona, okwa hiila egumbo moMalalani negumbo ndyoka okwe li ningi endiki lyokugandja omayambidhidho konima yoskola kaanaskola.
Sho a pulwa kutya oha hupu ngiini, Petrus okwa popi kutya oha longitha iimaliwa ye mwene.
Okwa popi kutya oostola ngaashi Pick n Pay moGrootfontein oshowo yalwe ohaye mu kwathele niikulya ihe olundji oha longitha iiyemo yemwene.
“Onga odhigwa ngame mwene, ondi shishi kutya ethimbo limwe oho dhilaadhila owala okuza po pehala mpoka ho kala unene ngele owu wete kutya ku holike. Omolwa omatompelo ngoka nda ningi nendiki ndika, opo aanona ya kale ye wete kutya oye holike,” Petrus a popi. Okwa popi kutya aanona yamwe ohaya tindi okushuna komagumbo ngele iinyangadhalwa yawo yesiku ya pu pendiki ndyoka.
Okwa popi kutya aantu yamwe ohaya popi kutya okwa hala okupa aanona uusigo nokuya pa euveko lya puka ihe ohe ya idhimbike nokutsikila niilonga ye. “Oshinima shimwe ndiilongo sho nda koko oshoka kutya aantu aluhe ohaya popi kutya oto ningi oshinima oshiwanawa nenge oto ningi oshinima oshiwinayi. Omolwaashoka itandi etha omaluhoko gawo ga gume ndje. Otandi ningi shoka ndi hole, nokusila oshisho okanona okaNamibia.” Sho a pulwa kombinga yomaupyakadhi ngoka a taalela, Petrus okwa popi kutya okwa pumbwa ehala enene molwaashoka egumbo ndyoka ha hiila eshona. Okwa popi kutya okwa ninga eindilo okuza kumuni gwondoolopa yawo opo a pewe ehala nuuna eindilo lye lya ziminwa otaka tameka niilonga yokutunga endiki lye.
“Inandi hala okutsikila nokuhiila molwaashoka otandi vulu okulongitha iimaliwa mbyoka mokusila oshisho aanona oyendji. Ondiinekela kutya konima yeindilo lyandje omvula ya piti, muni otaka pandje ehala.”
Petrus oku na okanona koomvula 12, hoka haka kwathele woo pendiki.
Comments
Namibian Sun
No comments have been left on this article