Swapo ta ningilwa omalolelo
Amushanga gwoSPYL, Ephraim Nekongo ogumwe gamwaamboka ya popi kutya oshilongo oshi li monkalo ombwiinayi kombinga yoshikumungu shevi, noshikumungu shoka osha pumbwa okuungaungiwa nasho nuukeka.
Gumwe gwomaatseyinawa moshilongo okwa popi kutya Swapo okwa taalela omalolelo omanene omolwa oshikumungu shevi sho oshilongo tashi ilongekidhile omutumba gwevi omutiyali gwopashigwana.
Ndumba Kamwanyah, okwa popi kutya Swapo ngashiingeyi ota pangulwa na otaka pelwa uusama omolwa endopo lyepangelo kombinga yomulandu gomatulululo gevi.
“Endopo ndyoka olya holoka miipathi yaanambelewa yepangelo lyaSwapo, aaleli oshowo oominista dhongundu ndjoka konima nkene oshilongo sha manguluka.”
Okwa tsikile kutya ongundu kayi na ekandulepo lyomukundu ngoka naashoka ye wete omaigameno owala.
Amushanga gwoSwapo, Sophia Shaningwa okwa li a hiya omutumba gwongundu ngoka gwa li gu na okuningwa mOmaandaha ihe ogwa undililwa komeho omolwa aantu oyendji mboka inaya holoka.
Omutumba ogwa li gwa nuninwa iilyo yopaliamende oshowo oongoloneya yiitopolwa.
Kamwanyah okwa popi kutya ehiyo ndyoka otali ulike kutya ongundu otayi kambadhala opo yi ka kale yi na ewi limwe momutumba ngoka tagu ningwa nale mOmaandaha.
Omutumba ngoka gwa hiwa kuShaningwa ogwa nyanwa komapandja gomakwatathano gopainternet moka aantu ya popi kutya Swapo ota kambadhala okwiimanga kumwe pethimbo lyomutumba ngoka.
Amushanga gwoSwapo Party Youth League (SPYL) Ephraim Nekongo okwa popi kutya aantu otaya popi kutya oya uvithwa ko epuko ihe oya pumbwa okuya momutumba ngoka onga ongundu.
Okwa tsikile kutya oshilongo oshili monkalo ombwiinayi omolwa oshikumungu shevi na osha pumbwa okuungaungiwa nasho nuukeka.
Okwa popi kutya onkalo kutya omutumba ngoka otagu ningwa ngashiingeyi otashi ulike kutya epangelo olyiitulamo mokukandula po omukundu gwevi moshilongo.
Omutseyinawa gulwe gwopolotika, Frederico Links okwa popi kutya opo ongundu ndjoka yiithane meendelele iilyo yawo komutumba ngoka otashi ulike kutya kaya li ya pangele ngele omutumba gwevi otagu ka ninga tuushili ondjodhi tayi tsu.
Okwa popi kutya ongundu oya hala iilyo yawo yi ka kale newi limwe.
Omutumba ngoka ogwa undulilwa komeho iikando iyali muule woomvula dha piti.
“Inaya kala yahala okuninga omutumba ngoka. Oya li yahala owala okugu ninga konima yomahogololo gomvula twa taalela. Ngele otaye gu ningi ngashiingeyi nena oye li ponkatu yokuninga sha ngashiingeyi.”
Ope na omaiyuvo ga yooloka kutya oshizemo shomutumba ngoka otashi ka guma iizemo yongundu ndjoka momahogololo ngoka taga ningwa momvula twa taalela.
Omukomeho gwoInstitute for Public Policy Research (IPPR) Graham Hopwood ke wete endopo lyaSwapo mokugandja evi kaantu ye muule woomvula dha piti onga tashi keetitha omalunduluko.
Okwa popi kutya ngele aahogololi oyiiteka Swapo nena onkalo yeliko lyoshilongo oshowo ondjele yokwaahena iilonga otayi ka kala omukundu omunene moshilongo.
Okwa tsikile kutya oongundu dhompilameno ke wete tadhi kala nomukumo gwokweetitha omalunduluko unene shodha ndopa monakuziwa okuninga omahwahwameko taga nana ahogololi, kakele kwaamboka aape ngaashi ongundu yoLPM.
Okwa tsikile kutya kewete ngele epangelo oli wete kutya omutumba gwevi otagu kaleke po nokuyanda ekanitho lyaahogololi nonando ope na omusholondondo gwaahiwa komuntu ngoka.
Okwa tsikile kutya omukalo ngoka gwaahiwa ogu na oshilanduli oshiwinayi, sho tashi vulika ku ka popiwe kutya omutumba inagu ningwa pauyuuki na inaku gandjwa ompito yaantu ya holole omaiyuvo gawo ga manguluka.
JEMIMA BEUKES
Ndumba Kamwanyah, okwa popi kutya Swapo ngashiingeyi ota pangulwa na otaka pelwa uusama omolwa endopo lyepangelo kombinga yomulandu gomatulululo gevi.
“Endopo ndyoka olya holoka miipathi yaanambelewa yepangelo lyaSwapo, aaleli oshowo oominista dhongundu ndjoka konima nkene oshilongo sha manguluka.”
Okwa tsikile kutya ongundu kayi na ekandulepo lyomukundu ngoka naashoka ye wete omaigameno owala.
Amushanga gwoSwapo, Sophia Shaningwa okwa li a hiya omutumba gwongundu ngoka gwa li gu na okuningwa mOmaandaha ihe ogwa undililwa komeho omolwa aantu oyendji mboka inaya holoka.
Omutumba ogwa li gwa nuninwa iilyo yopaliamende oshowo oongoloneya yiitopolwa.
Kamwanyah okwa popi kutya ehiyo ndyoka otali ulike kutya ongundu otayi kambadhala opo yi ka kale yi na ewi limwe momutumba ngoka tagu ningwa nale mOmaandaha.
Omutumba ngoka gwa hiwa kuShaningwa ogwa nyanwa komapandja gomakwatathano gopainternet moka aantu ya popi kutya Swapo ota kambadhala okwiimanga kumwe pethimbo lyomutumba ngoka.
Amushanga gwoSwapo Party Youth League (SPYL) Ephraim Nekongo okwa popi kutya aantu otaya popi kutya oya uvithwa ko epuko ihe oya pumbwa okuya momutumba ngoka onga ongundu.
Okwa tsikile kutya oshilongo oshili monkalo ombwiinayi omolwa oshikumungu shevi na osha pumbwa okuungaungiwa nasho nuukeka.
Okwa popi kutya onkalo kutya omutumba ngoka otagu ningwa ngashiingeyi otashi ulike kutya epangelo olyiitulamo mokukandula po omukundu gwevi moshilongo.
Omutseyinawa gulwe gwopolotika, Frederico Links okwa popi kutya opo ongundu ndjoka yiithane meendelele iilyo yawo komutumba ngoka otashi ulike kutya kaya li ya pangele ngele omutumba gwevi otagu ka ninga tuushili ondjodhi tayi tsu.
Okwa popi kutya ongundu oya hala iilyo yawo yi ka kale newi limwe.
Omutumba ngoka ogwa undulilwa komeho iikando iyali muule woomvula dha piti.
“Inaya kala yahala okuninga omutumba ngoka. Oya li yahala owala okugu ninga konima yomahogololo gomvula twa taalela. Ngele otaye gu ningi ngashiingeyi nena oye li ponkatu yokuninga sha ngashiingeyi.”
Ope na omaiyuvo ga yooloka kutya oshizemo shomutumba ngoka otashi ka guma iizemo yongundu ndjoka momahogololo ngoka taga ningwa momvula twa taalela.
Omukomeho gwoInstitute for Public Policy Research (IPPR) Graham Hopwood ke wete endopo lyaSwapo mokugandja evi kaantu ye muule woomvula dha piti onga tashi keetitha omalunduluko.
Okwa popi kutya ngele aahogololi oyiiteka Swapo nena onkalo yeliko lyoshilongo oshowo ondjele yokwaahena iilonga otayi ka kala omukundu omunene moshilongo.
Okwa tsikile kutya oongundu dhompilameno ke wete tadhi kala nomukumo gwokweetitha omalunduluko unene shodha ndopa monakuziwa okuninga omahwahwameko taga nana ahogololi, kakele kwaamboka aape ngaashi ongundu yoLPM.
Okwa tsikile kutya kewete ngele epangelo oli wete kutya omutumba gwevi otagu kaleke po nokuyanda ekanitho lyaahogololi nonando ope na omusholondondo gwaahiwa komuntu ngoka.
Okwa tsikile kutya omukalo ngoka gwaahiwa ogu na oshilanduli oshiwinayi, sho tashi vulika ku ka popiwe kutya omutumba inagu ningwa pauyuuki na inaku gandjwa ompito yaantu ya holole omaiyuvo gawo ga manguluka.
JEMIMA BEUKES
Comments
Namibian Sun
No comments have been left on this article