Swapo onkene ta kondjithathana
Momusholondondo gwaayamukuli moshipotha shompangu moka kiilyo iyali tayi pataneke omutumba gwokongresa yoSwapo ngoka gwa ningwa omvula ya piti, omwa gwedhwa ishewe aayamukuli yamwe.
Ngashiingeyi momusholondondo moka omwa gwedhwa Omupresidende Hage Geingob, Omupeha Presidende Nangolo Mbumba oshowo Omuprima Sara Kuugongelwa-Amadhila. Iilyo mbyoka iyali oya gandja etseyitho mompangu kutya oya hala okugwedha ko komusholondondo gwaayamukuli naayamukuli ya thika po 845.
Moshinyolwa sha nyanyangithwa mushimwe shomiikundaneki moshilongo Mirjam Shituula oshowo Selma Namboga oya popi kutya oya gandja sigo omasiku 25 gaJanuari 2019 kaayamukuli mboka opo ya vule okupopya kutya omolwashike inaya gwedhwa mo momusholondondo. Omupresidende Geingob, omupeha presidende Mbumba, Omuprima Kuugongelwa-Amadhila, ongundu yaanenentu moSwapo oshowo yamwe po mboka ya li taya kondjitha ongundu yoHarambee oyamwe ye li mo momusholondondo ngoka mwa kwatelwa Nahas Angula, Jerry Ekandjo oshowo Pendukeni Iivula-Ithana. Mirjam Shituula naSelma Namboga, oshowo ngoka e li pehala lyaakomeho yoSwapo Nambata Angula naSeth Boois, oya ka konga ekwatho lyompangu opo okongresa ndjoka yi kalekwe na oya hala iizemo yokongresa yomvula ya piti ndjoka ya ningwa kongundu ndjoka yi kuthwe oonkondo.
Nonando ongaaka omupanguli Thomas Masuku okwa tseyithile aaningi yeindilo ndyoka kutya oshipotha shoka otashi vulu owala okupula komeho uuna ayehe mboka ya tulwa momusholondondo ya tseyithilwa. Ongundu yoSwapo mombaapila dhawo dhompangu oya popi kutya aayamukuli ayehe moshipotha shoka kaya Ii ya tulwa momomusholondondo gwaayamukuli, na omwa tulwa owala amushanga gwongundu ndjoka Sophia Shaningwa oshowo ongundu tayi pangele. Omukalelipo gwaSwapo gwiikwaveta advocate Tembeka Ngcukaitobi, okwa lombwele ompangu kutya oshipotha shoka inashi pumbwa okutsikila komeho ngele mboka ya tyapula uuwanawa yokongresa yaSwapo yomo 2017 inaya tulwa mo momusholondondo gwaayamukuli, nena oshizemo netokolo kehe lyompangu ndyoka tali ningwa otali ke ya guma. Okongresa yo2017 oya hogolola Hage Geingob onga omupresidende, Netumbo Nandi-Ndaitwah omupeha presidende, Shaningwa (amushanga-ndjai) oshowo Marco Hausiku omupeha amushanga-ndjai. Iilyo yoSwapo mbyoka oya popi kutya omutumba gwokongresa ngoka gwa ningwa muNovemba gwomvula ya piti, inagu ningwa pamulandu nopauyuuki.
Iilyo mbyoka pamwe na Angula oshowo Boois, oya li ya pula kuyele nuumvo Shaningwa opo ku ningwe omakonaakono kombinga yoshizemo shokongresa ndjoka.
Shaningwa okwa li a yamukula kutya elelo lyopombanda otali ka tala keindilo ndyoka.
Mboka oya yamukula kutya elelo ndyoka opo lya hogololwa itali vulu okutala koshikumungu shoka ngele oshe ya guma, na oya pula opo onkalo ndjoka yi konaakonwe kelelo ndyoka lya hogololwa mo 2012.
Momusholondondo gwomanyenyeto gawo kombinga yokongresa ndjoka ya ningwa mo 2017, mboka oya popi kutya omwa kwatelwa oongoloneya yahetatu yiitopowa mboka ya kutha ombinga mokongresa ndjoka shaaheli paveta oshowo iilyo ine yelelo lyaanyasha yoSwapo, mboka ya pitikwa okukutha ombinga momahogololo gokomitiye yelelo nonando kaya li yeli poomvula dhokukala iilyo yewawa lyaanyasha, molwaashoka oye li pombanda yoomvula 35.
Mboka oya tsikile kutya okwa longwa uulingilingi pethimbo lyomitumba dhiitopolwa ndhoka dha ningwa omanga inaku ningwa okongresa.
Oya popi kutya omisholondondo dhaakuthimbinga mboka ya li ya hogolololwa odha lundululwa nopomahala gaakuthimbinga yamwe opo tulwa aantu yamwe ye ya pingenepo.
JEMIMA BEUKES
Moshinyolwa sha nyanyangithwa mushimwe shomiikundaneki moshilongo Mirjam Shituula oshowo Selma Namboga oya popi kutya oya gandja sigo omasiku 25 gaJanuari 2019 kaayamukuli mboka opo ya vule okupopya kutya omolwashike inaya gwedhwa mo momusholondondo. Omupresidende Geingob, omupeha presidende Mbumba, Omuprima Kuugongelwa-Amadhila, ongundu yaanenentu moSwapo oshowo yamwe po mboka ya li taya kondjitha ongundu yoHarambee oyamwe ye li mo momusholondondo ngoka mwa kwatelwa Nahas Angula, Jerry Ekandjo oshowo Pendukeni Iivula-Ithana. Mirjam Shituula naSelma Namboga, oshowo ngoka e li pehala lyaakomeho yoSwapo Nambata Angula naSeth Boois, oya ka konga ekwatho lyompangu opo okongresa ndjoka yi kalekwe na oya hala iizemo yokongresa yomvula ya piti ndjoka ya ningwa kongundu ndjoka yi kuthwe oonkondo.
Nonando ongaaka omupanguli Thomas Masuku okwa tseyithile aaningi yeindilo ndyoka kutya oshipotha shoka otashi vulu owala okupula komeho uuna ayehe mboka ya tulwa momusholondondo ya tseyithilwa. Ongundu yoSwapo mombaapila dhawo dhompangu oya popi kutya aayamukuli ayehe moshipotha shoka kaya Ii ya tulwa momomusholondondo gwaayamukuli, na omwa tulwa owala amushanga gwongundu ndjoka Sophia Shaningwa oshowo ongundu tayi pangele. Omukalelipo gwaSwapo gwiikwaveta advocate Tembeka Ngcukaitobi, okwa lombwele ompangu kutya oshipotha shoka inashi pumbwa okutsikila komeho ngele mboka ya tyapula uuwanawa yokongresa yaSwapo yomo 2017 inaya tulwa mo momusholondondo gwaayamukuli, nena oshizemo netokolo kehe lyompangu ndyoka tali ningwa otali ke ya guma. Okongresa yo2017 oya hogolola Hage Geingob onga omupresidende, Netumbo Nandi-Ndaitwah omupeha presidende, Shaningwa (amushanga-ndjai) oshowo Marco Hausiku omupeha amushanga-ndjai. Iilyo yoSwapo mbyoka oya popi kutya omutumba gwokongresa ngoka gwa ningwa muNovemba gwomvula ya piti, inagu ningwa pamulandu nopauyuuki.
Iilyo mbyoka pamwe na Angula oshowo Boois, oya li ya pula kuyele nuumvo Shaningwa opo ku ningwe omakonaakono kombinga yoshizemo shokongresa ndjoka.
Shaningwa okwa li a yamukula kutya elelo lyopombanda otali ka tala keindilo ndyoka.
Mboka oya yamukula kutya elelo ndyoka opo lya hogololwa itali vulu okutala koshikumungu shoka ngele oshe ya guma, na oya pula opo onkalo ndjoka yi konaakonwe kelelo ndyoka lya hogololwa mo 2012.
Momusholondondo gwomanyenyeto gawo kombinga yokongresa ndjoka ya ningwa mo 2017, mboka oya popi kutya omwa kwatelwa oongoloneya yahetatu yiitopowa mboka ya kutha ombinga mokongresa ndjoka shaaheli paveta oshowo iilyo ine yelelo lyaanyasha yoSwapo, mboka ya pitikwa okukutha ombinga momahogololo gokomitiye yelelo nonando kaya li yeli poomvula dhokukala iilyo yewawa lyaanyasha, molwaashoka oye li pombanda yoomvula 35.
Mboka oya tsikile kutya okwa longwa uulingilingi pethimbo lyomitumba dhiitopolwa ndhoka dha ningwa omanga inaku ningwa okongresa.
Oya popi kutya omisholondondo dhaakuthimbinga mboka ya li ya hogolololwa odha lundululwa nopomahala gaakuthimbinga yamwe opo tulwa aantu yamwe ye ya pingenepo.
JEMIMA BEUKES
Comments
Namibian Sun
No comments have been left on this article