Swapo itaka ninga omahwahwameko guuleli mOshana
Sha landula onkalo ya piyagana ndjoka ya holoka onga oshizemo shomahwahwameko gaaleli yoSwapo pethimbo kwa ningwa omutumba gwomahogololo gwongundu ndjoka omvula ya puti, elelo lyoSwapo moshitopolwa shaShana olya tokola kutya shoka itashi keendelulwa we.
Omukwatakanithi gwongundu yoSwapo mOshitopowa shaShana, Samuel Nelongo, okwa popi kutya iilyo yongundu ine mbyoka tayi ka kondjele ehala lyuuleli pethimbo lyomahogololo gopashigwana ngoka taga ningwa momvula twa taalela itaya ka pitikwa okuningwa omahwahwaneko moshitopolwa shawo.
Nelongo okwa popi kutya okatokolitho hoka oka ningwa sha landula iiningwanima ya holoka pethimbo lyomahwahwameko gokongresa yongundu ndjoka omvula ya piti.
Shoka landula sho iilyo yongundu mbyoka yali tayi kuthwa ombinga methigathano yiihumbata momukalo gwetopoko nokweetitha uutondwe mokati kiilyo yongundu.
“Otwa tala konkalo nokumona shoka okongresa yomvula ya piti ya thigi oshitopolwa shetu. Iilyo yetu oya topolwa na itatu vulu okukuutumba poshitaafula shimwe nonando otuli kongundu yimwe. Shoka osha puka. Mopolotika otwa pumbwa okupatathana nokwaahatsa kumwe ihe otwa pumbwa woo okusimanekathana.”
Okongresa yaSwapo yomvula ya piti oya etitha ongundu yiitopolwa miitopolwa iyali yekondjithathano, ongundu yoHarambee tayi kwatelwa komeho kOmupresidende Hage Geingob oshowo ongundu yoTeam Swapo.
Shoka osha kwatela mo omapopyo gelando lyomawi gaahogololi .
Ongundu yaGeingob oya kwatelamo Netumbo Nandi-Ndaitwah, Sophia Shaningwa naMarco Hausiku omanga ongundu yoTeam Swapo ya li yi na
Jerry Ekandjo, Nahas Angula, Pendukeni Iivula-Ithana, Armas Amukwiyu as SG , Petrina Haingura oshowo Martha Namundjebo-Tilahun. Ongundu yoTeam Harambee oyo ya sindanapo okongresa ndjoka nokonima Ekandjo oshowo Iivula-Ithana oya tidhwa mo mokabinete. Okwa kala taku ningwa omaindilo opo ku ningwe omakonaakono nomayalululo gomawi gomahogololo ga ningwa pethimbo lyokongresa ndjoka.
Nelongo okwa popi kutya moshitopolwa shawo, ookandindate dhomahogololo mongundu yawo otadhi ka gongala owala mombelewa yongundu yoshitopolwa nokueta pamwe aahogololi nokuya moonkundathana na itaku ka pitikwa okuningwa omahwahwameko.
Omunambelewa ngoka okwa popi kutya etulo miilonga lyoskola yaSwapo, olya etitha nokukwathela poompito dhimwe mokweeta uukumwe mongundu.
Monena iilyo yoSwapo yi li 218 okuza moshitopolwa shaShana otayi kutha ombinga mokoosa yoskola ndjoka moshitopolwa. Nelongo okwa pandula elelo lyoSwapo sho lya tula po oshiyetwa po shoka pethimbo mpoka a popi kutya osha pumbiwa noonkondo.
Okwa popi kutya konima nkene oprograma ndjoka ya tulwa miilonga, iilyo oye yi taambako na osheetitha uukumwe mokati kiilyo yawo. “Kape na we shoka hashi ithanwa oTeam Harambee nenge Team Swapo miigongi yetu, molwaashoka ohatu kundathana iinima mbyoka tayi e ta ombepo yuukumwe.” Okwa popi kutya oprograma yoskola yaSwapo oya nuninwa okupatathana na ka yi shi ompito yokwiisitha ohoni nenge okupaathana uusama, na oya nuninwa okukundathana eyambulepo lyoshilongo.
KENYA KAMBOWE
Nelongo okwa popi kutya okatokolitho hoka oka ningwa sha landula iiningwanima ya holoka pethimbo lyomahwahwameko gokongresa yongundu ndjoka omvula ya piti.
Shoka landula sho iilyo yongundu mbyoka yali tayi kuthwa ombinga methigathano yiihumbata momukalo gwetopoko nokweetitha uutondwe mokati kiilyo yongundu.
“Otwa tala konkalo nokumona shoka okongresa yomvula ya piti ya thigi oshitopolwa shetu. Iilyo yetu oya topolwa na itatu vulu okukuutumba poshitaafula shimwe nonando otuli kongundu yimwe. Shoka osha puka. Mopolotika otwa pumbwa okupatathana nokwaahatsa kumwe ihe otwa pumbwa woo okusimanekathana.”
Okongresa yaSwapo yomvula ya piti oya etitha ongundu yiitopolwa miitopolwa iyali yekondjithathano, ongundu yoHarambee tayi kwatelwa komeho kOmupresidende Hage Geingob oshowo ongundu yoTeam Swapo.
Shoka osha kwatela mo omapopyo gelando lyomawi gaahogololi .
Ongundu yaGeingob oya kwatelamo Netumbo Nandi-Ndaitwah, Sophia Shaningwa naMarco Hausiku omanga ongundu yoTeam Swapo ya li yi na
Jerry Ekandjo, Nahas Angula, Pendukeni Iivula-Ithana, Armas Amukwiyu as SG , Petrina Haingura oshowo Martha Namundjebo-Tilahun. Ongundu yoTeam Harambee oyo ya sindanapo okongresa ndjoka nokonima Ekandjo oshowo Iivula-Ithana oya tidhwa mo mokabinete. Okwa kala taku ningwa omaindilo opo ku ningwe omakonaakono nomayalululo gomawi gomahogololo ga ningwa pethimbo lyokongresa ndjoka.
Nelongo okwa popi kutya moshitopolwa shawo, ookandindate dhomahogololo mongundu yawo otadhi ka gongala owala mombelewa yongundu yoshitopolwa nokueta pamwe aahogololi nokuya moonkundathana na itaku ka pitikwa okuningwa omahwahwameko.
Omunambelewa ngoka okwa popi kutya etulo miilonga lyoskola yaSwapo, olya etitha nokukwathela poompito dhimwe mokweeta uukumwe mongundu.
Monena iilyo yoSwapo yi li 218 okuza moshitopolwa shaShana otayi kutha ombinga mokoosa yoskola ndjoka moshitopolwa. Nelongo okwa pandula elelo lyoSwapo sho lya tula po oshiyetwa po shoka pethimbo mpoka a popi kutya osha pumbiwa noonkondo.
Okwa popi kutya konima nkene oprograma ndjoka ya tulwa miilonga, iilyo oye yi taambako na osheetitha uukumwe mokati kiilyo yawo. “Kape na we shoka hashi ithanwa oTeam Harambee nenge Team Swapo miigongi yetu, molwaashoka ohatu kundathana iinima mbyoka tayi e ta ombepo yuukumwe.” Okwa popi kutya oprograma yoskola yaSwapo oya nuninwa okupatathana na ka yi shi ompito yokwiisitha ohoni nenge okupaathana uusama, na oya nuninwa okukundathana eyambulepo lyoshilongo.
KENYA KAMBOWE
Comments
Namibian Sun
No comments have been left on this article