Swapo ita ehama – Netumbo
Omupeha prima minista Netumbo Nandi-Ndaitwah okwa popi kutya euliko lye komupresidende Hage Geingob opo a ninge okandidate momahogololo guupeha presidende wongundu yoSwapo, olya tambulwa ko.
Omunapolotika ngoka okwa wayimine ongundu yoSwapo omanga a li omunyasha moomvula dho 70 na okwa ekelehi omapopyo ngoka ga ningwa kaanongononi yalwe yopolotika kutya ongundu yawo yoSwapo oya topoka.
Elelo lyongundu yoSwapo mOsoondaha olya hogolola
Hage Geingob, Jerry Ekandjo, Nahas Angula onga ookandidate methigathano lyuupresidende wongundu.
Methigathano lyuupevi presidende omu na Helmut Angula, Pendukeni Iivula-Ithana naNetumbo Nandi-Ndaitwah.
Methigathano lyuuamushanga wongundu omu na oArmas Amukwiyu naSophia Shaningwa omanga lyuupeha amushanga, Martha Namundjebo-Tilahun, Marco Hausiku naPetrina Haingura.
Okwa popi kutya pethimbo lyomahwahwameko ngaka opo taga tameke, kape na etopoko mongundu ndjoka , naantu otaya popi owala kutya ongundu oya topoka yiikolelela komutumba gwomahgoolo ngoka gwa ningilwe hugunina sho ethigathano lya li pokati kaGeingob, Jerry Ekandjo and Pendukeni Ivula-Ithana.
Nandi-Ndaitwah ngoka a kala oshilyo shomutumba gwopaliamende okutameka moomvula dho 1990 okwa yolo woo oohapu dhomitoto ndhoka taku popiwa kutya okwa li oshilyo shongundu yoRally for Progress and Democracy (RDP),ta popi kutya ye kali shilyo shongundu ndjoka, na okwa uvu owala tashi popiwa ihe ke na nasho molwaashoka kamu na uukwashili washa moohapu ndhoka.
Okwa yamukula woo komapopyo ngoka ga ningwa ku
Helmuth Angula kutya ongundu yaGengob, ndjoka uulike kayi na ontseyo, ta pula opo Angula a yelithe kutya ngele ota popi ontseyo, nena ota popi shike.
“Ina popya ngaaka kungame ihe ngele oshili nena ondi wete kutya AaNamibia naya pangule yoyene.
Otaya vulu lela okutya mbela omupresidende Geingob ke na ontseyo?
Otaya vulu mbele okutya Shaningwa ngoka a kala ngoloneya gwoshitopolwa, kansela oshowo ominista omanga Marco Hausiku a kala omulongiskola ethimbo ele oshowo ominista kaye na ontseyo?”.
Nandi-Ndaitwah okuli monena omupeha prima oshowo ominista yomakwatathano gopashigwana.
Okwa li nale ominista yomidhingoloko.
Okwa popi woo kutya ita holeke kutya ota vulu okuninga omupresidende gwotango omukiintu ngele AaNamibia oyeshi hala nongele osha ningwa nena osha pumbwa okusimanekwa.
Okwa popi kutya ngele okwa pondola okuninga omupeha presidende nena otaka kwashilipaleka kutya oompangela dhopashigwana dhokukondjitha oluhepo odha endelelithwa, mwa kwatelwa iinima yilwe ngaashi okukondopeka aakwashigwana, iipindi nomapungulo.
JEMIMA BEUKES
Elelo lyongundu yoSwapo mOsoondaha olya hogolola
Hage Geingob, Jerry Ekandjo, Nahas Angula onga ookandidate methigathano lyuupresidende wongundu.
Methigathano lyuupevi presidende omu na Helmut Angula, Pendukeni Iivula-Ithana naNetumbo Nandi-Ndaitwah.
Methigathano lyuuamushanga wongundu omu na oArmas Amukwiyu naSophia Shaningwa omanga lyuupeha amushanga, Martha Namundjebo-Tilahun, Marco Hausiku naPetrina Haingura.
Okwa popi kutya pethimbo lyomahwahwameko ngaka opo taga tameke, kape na etopoko mongundu ndjoka , naantu otaya popi owala kutya ongundu oya topoka yiikolelela komutumba gwomahgoolo ngoka gwa ningilwe hugunina sho ethigathano lya li pokati kaGeingob, Jerry Ekandjo and Pendukeni Ivula-Ithana.
Nandi-Ndaitwah ngoka a kala oshilyo shomutumba gwopaliamende okutameka moomvula dho 1990 okwa yolo woo oohapu dhomitoto ndhoka taku popiwa kutya okwa li oshilyo shongundu yoRally for Progress and Democracy (RDP),ta popi kutya ye kali shilyo shongundu ndjoka, na okwa uvu owala tashi popiwa ihe ke na nasho molwaashoka kamu na uukwashili washa moohapu ndhoka.
Okwa yamukula woo komapopyo ngoka ga ningwa ku
Helmuth Angula kutya ongundu yaGengob, ndjoka uulike kayi na ontseyo, ta pula opo Angula a yelithe kutya ngele ota popi ontseyo, nena ota popi shike.
“Ina popya ngaaka kungame ihe ngele oshili nena ondi wete kutya AaNamibia naya pangule yoyene.
Otaya vulu lela okutya mbela omupresidende Geingob ke na ontseyo?
Otaya vulu mbele okutya Shaningwa ngoka a kala ngoloneya gwoshitopolwa, kansela oshowo ominista omanga Marco Hausiku a kala omulongiskola ethimbo ele oshowo ominista kaye na ontseyo?”.
Nandi-Ndaitwah okuli monena omupeha prima oshowo ominista yomakwatathano gopashigwana.
Okwa li nale ominista yomidhingoloko.
Okwa popi woo kutya ita holeke kutya ota vulu okuninga omupresidende gwotango omukiintu ngele AaNamibia oyeshi hala nongele osha ningwa nena osha pumbwa okusimanekwa.
Okwa popi kutya ngele okwa pondola okuninga omupeha presidende nena otaka kwashilipaleka kutya oompangela dhopashigwana dhokukondjitha oluhepo odha endelelithwa, mwa kwatelwa iinima yilwe ngaashi okukondopeka aakwashigwana, iipindi nomapungulo.
JEMIMA BEUKES
Comments
Namibian Sun
No comments have been left on this article