Swapo a yi pombambo uudemokoli
Euliko lyaNoa olya ningilwa owina oku ya moshipala eningo lyOmatokolo gomondjila muuwanawa yuuyuuki, aatseyinawa yopolotika ya popi.
JEMIMA BEUKES
OVENDUKA
Ø Euliko lyaNoa itali popilwa koyendji
Euliko lyaPaulus Noa onga Omukomeho gwOkomisi yOkukondjitha Uulingiingi moshilongo nonando itali popilwa koshigwana nokuya moshipala uudemokoli na olya eta etopoko papolotika, otali ulike nkene Swapo a hala okugamenenapo eyambidhiddho lye lyopapolotika.
Ngoka omaiyuvo gaHenning Melber naNdumba Kamwanyah.
Uule womasiku gaali Omutumba gwoPashigwana inagu tsa kumwe noongundu dhilwepo dhopolotika odha popi kutya Noa okwa ndopa onkene ita vulu okuulikwa natango a kwatele komeho okomisi ndjoka.
Metine lyoshiwike sha piti, Swapo okwa longitha ompito okuhogolola Noa uule woomvula ntano natango, sha landula sho oongundu dhilwe dhopolitika dhiitekamo momutumba.
Melber okwa popi kutya epulo unene ndyoka Ii na okupulwa oondyoka kutya omolwashike ongundu ya halelela noonkondo okuulika Noa.
Okwa popi kutya shoka otashi ningilwa owina okuyanda eningo lyomatokolo geli muuwanawa yuuyuki nokweeta ayihe polweela.
Okwa gwedha po kutya kuye, Swapo paku ihumbata momukalo ngoka a longitha otashi ulike odhino yekotampango.
Kaye na omatompelo gokunyenyeta
“Omolwashike ongundu ndjoka yahala okukwatako elelo lyoACC ndyoka li na oshinakugwanithwa oshinene? Swapo oshowo omupresidende kaye na omatompelo gokunyenyeta nenge okumona ya uviwako pambambo ngele aantu oya fekele kutya etokolo lyawo otali hwahwamekwa ya hala okuholeka nokwiigamena molwaashoka omukalo ngoka ya longitha otagu etitha omaipulo nomakoneneno. Ongundu nomupresidende oya etitha omaipulo kombinga yuudemokoli nethano lyoshilongo pamukalo ngoka yiihumbata moshikumungu shoka. Inaya haluka ngele aantu ya kanitha einekelo muyo. Oya holola elelo lyuukayamukulwa nokuya pondje uudemokoli wOmutumba gwOshigwana,” Melber a popi.
Ina haluka
Kamwanyah okwa gwedhapo kutya omupya omunene Swapo okwa tokola okuninga euliko ndyoka koonkondo pehala a tseyithe ompito ndjoka yiilonga ngaashi sha ningwa nOmbudsman.
“Kashi shi oshinima shoka inatu tegelela. Inandi haluka kwaashoka sha holoka po. Otu shishi kutya oongundu dhompilameno kadha li sha nyanyukilwa eulikululo lyaNoa pamwe nomupeha gwe, ihe otu shi shi kutya Swapo otaka kondjitha euliko ndyoka. Omupya omunene ooshoka ompito ndjoka otayi endele pamwe nopolotika, ka shi shi oshiwanawa kuudemokoli.”
Ope na woo omapopyo kutya omakondjitho gokukuthamo ongundu yoLandless People’s Movement’s (LPM) mOmutumba gwoPashigwana osha ningwa owina okugandja ompito yamanguluka kuSwapo.
Pahapu dhe, eindiko moPaliamende lyoLPM otali yi moshipala uudemokoli, nonando omaihumbato giilyo mbyoka itaga popilwa.
[email protected]
OVENDUKA
Ø Euliko lyaNoa itali popilwa koyendji
Euliko lyaPaulus Noa onga Omukomeho gwOkomisi yOkukondjitha Uulingiingi moshilongo nonando itali popilwa koshigwana nokuya moshipala uudemokoli na olya eta etopoko papolotika, otali ulike nkene Swapo a hala okugamenenapo eyambidhiddho lye lyopapolotika.
Ngoka omaiyuvo gaHenning Melber naNdumba Kamwanyah.
Uule womasiku gaali Omutumba gwoPashigwana inagu tsa kumwe noongundu dhilwepo dhopolotika odha popi kutya Noa okwa ndopa onkene ita vulu okuulikwa natango a kwatele komeho okomisi ndjoka.
Metine lyoshiwike sha piti, Swapo okwa longitha ompito okuhogolola Noa uule woomvula ntano natango, sha landula sho oongundu dhilwe dhopolitika dhiitekamo momutumba.
Melber okwa popi kutya epulo unene ndyoka Ii na okupulwa oondyoka kutya omolwashike ongundu ya halelela noonkondo okuulika Noa.
Okwa popi kutya shoka otashi ningilwa owina okuyanda eningo lyomatokolo geli muuwanawa yuuyuki nokweeta ayihe polweela.
Okwa gwedha po kutya kuye, Swapo paku ihumbata momukalo ngoka a longitha otashi ulike odhino yekotampango.
Kaye na omatompelo gokunyenyeta
“Omolwashike ongundu ndjoka yahala okukwatako elelo lyoACC ndyoka li na oshinakugwanithwa oshinene? Swapo oshowo omupresidende kaye na omatompelo gokunyenyeta nenge okumona ya uviwako pambambo ngele aantu oya fekele kutya etokolo lyawo otali hwahwamekwa ya hala okuholeka nokwiigamena molwaashoka omukalo ngoka ya longitha otagu etitha omaipulo nomakoneneno. Ongundu nomupresidende oya etitha omaipulo kombinga yuudemokoli nethano lyoshilongo pamukalo ngoka yiihumbata moshikumungu shoka. Inaya haluka ngele aantu ya kanitha einekelo muyo. Oya holola elelo lyuukayamukulwa nokuya pondje uudemokoli wOmutumba gwOshigwana,” Melber a popi.
Ina haluka
Kamwanyah okwa gwedhapo kutya omupya omunene Swapo okwa tokola okuninga euliko ndyoka koonkondo pehala a tseyithe ompito ndjoka yiilonga ngaashi sha ningwa nOmbudsman.
“Kashi shi oshinima shoka inatu tegelela. Inandi haluka kwaashoka sha holoka po. Otu shishi kutya oongundu dhompilameno kadha li sha nyanyukilwa eulikululo lyaNoa pamwe nomupeha gwe, ihe otu shi shi kutya Swapo otaka kondjitha euliko ndyoka. Omupya omunene ooshoka ompito ndjoka otayi endele pamwe nopolotika, ka shi shi oshiwanawa kuudemokoli.”
Ope na woo omapopyo kutya omakondjitho gokukuthamo ongundu yoLandless People’s Movement’s (LPM) mOmutumba gwoPashigwana osha ningwa owina okugandja ompito yamanguluka kuSwapo.
Pahapu dhe, eindiko moPaliamende lyoLPM otali yi moshipala uudemokoli, nonando omaihumbato giilyo mbyoka itaga popilwa.
[email protected]
Comments
Namibian Sun
No comments have been left on this article