Swapo a hala okukwata ko oshikandjo shaKhomasdal
OGONE TLHAGE
Omukwatakanithi gwongundu tayi pangele moshitopolwa shaKhomas, Elliot Mbako okwa pula ehwahwameko lya kwata miiti moshikandjohogololo shaKhomasdal omolwa omahogololo guukansela ngoka taga ningwa momasiku 15 omwedhi nguka.
Swapo okwa li a kanitha eyambidhidho enene moshikandjo shoka momahogololo gopashigwana ngoka ga ningwa moomwedhi dha piti.
Mbako okwa li ta popi poshigongi oshishona shoSwapo shoka sha ningwa moKhomasdal mehuliloshiwike lya piti.
Aanapolitika otaya ilongekidhile omahogololo guukansela moshikandjohogololo shoka, sha landula eikutho miilonga lyaMargaret Mensah-Williams okuza muukansela moshikandjo shoka.
Mensah-Williams, pamwe nookansela ye li 16 yoSwapo yiikandjohogololo yilwe oyiikutha miilonga opo ya vule okutaamba ompito yiilonga onga iilyo yOmutumba gwoPaliamende, nokugwanitha po ontopolwa onti 47 yEkotampango lyaNamibia, ndjoka tayi utha aaniilongayepangelo yiikuthe miilonga ngele otaya taamba okuya mOmutumba gwoPashigwana onga iilyo.
Mbako okwa pula kutya na ku ningwe omahwahwameko omanene opo Swapo a mone esindano unene miikandjo moka tamu kuthwa ombinga kaahogololwa yiithikamena.
Mbako okwa popi kutya omuhogololwa gwongundu momahogololo ngoka omunamimvo 53 Angolo Samuel, ngoka a popi kutya okwa pyakudhukwa okutunga po oongudhi dhongundu moshikandjohogololo shoka unene momalukanda ngaashi 7de Laan oshowo 8ste Laan ngoka geli oshitopolwa shoshikandjohogololo shoka.
Omahogololo gamwe otaga ningwa mesiku ndyoka miikandjohogololo ngaashi Keetmanshoop Urban, Gobabis oshowo Walvis Bay Urban. Moshikandjohogololo shaShikuku itamu ningwa omahogololo molwaashoka Swapo oye owala a li a gandja edhina lyomuhogololwa gwe.
METHIGATHANO: Oshilyo shongundu yoSwapo, Angolo Samuel ngoka e li omuhogololwa momahogololo guukansela moshikandjohogololo shaKhomasdal.
ETHANO: NAMPA
Omukwatakanithi gwongundu tayi pangele moshitopolwa shaKhomas, Elliot Mbako okwa pula ehwahwameko lya kwata miiti moshikandjohogololo shaKhomasdal omolwa omahogololo guukansela ngoka taga ningwa momasiku 15 omwedhi nguka.
Swapo okwa li a kanitha eyambidhidho enene moshikandjo shoka momahogololo gopashigwana ngoka ga ningwa moomwedhi dha piti.
Mbako okwa li ta popi poshigongi oshishona shoSwapo shoka sha ningwa moKhomasdal mehuliloshiwike lya piti.
Aanapolitika otaya ilongekidhile omahogololo guukansela moshikandjohogololo shoka, sha landula eikutho miilonga lyaMargaret Mensah-Williams okuza muukansela moshikandjo shoka.
Mensah-Williams, pamwe nookansela ye li 16 yoSwapo yiikandjohogololo yilwe oyiikutha miilonga opo ya vule okutaamba ompito yiilonga onga iilyo yOmutumba gwoPaliamende, nokugwanitha po ontopolwa onti 47 yEkotampango lyaNamibia, ndjoka tayi utha aaniilongayepangelo yiikuthe miilonga ngele otaya taamba okuya mOmutumba gwoPashigwana onga iilyo.
Mbako okwa pula kutya na ku ningwe omahwahwameko omanene opo Swapo a mone esindano unene miikandjo moka tamu kuthwa ombinga kaahogololwa yiithikamena.
Mbako okwa popi kutya omuhogololwa gwongundu momahogololo ngoka omunamimvo 53 Angolo Samuel, ngoka a popi kutya okwa pyakudhukwa okutunga po oongudhi dhongundu moshikandjohogololo shoka unene momalukanda ngaashi 7de Laan oshowo 8ste Laan ngoka geli oshitopolwa shoshikandjohogololo shoka.
Omahogololo gamwe otaga ningwa mesiku ndyoka miikandjohogololo ngaashi Keetmanshoop Urban, Gobabis oshowo Walvis Bay Urban. Moshikandjohogololo shaShikuku itamu ningwa omahogololo molwaashoka Swapo oye owala a li a gandja edhina lyomuhogololwa gwe.
METHIGATHANO: Oshilyo shongundu yoSwapo, Angolo Samuel ngoka e li omuhogololwa momahogololo guukansela moshikandjohogololo shaKhomasdal.
ETHANO: NAMPA
Comments
Namibian Sun
No comments have been left on this article