St Boniface ta tindile omikandapopilo dhaanaskola mboka yiihumbata nayi
Aavali yaanaskola poskola yaSt Boniface College, mboka yamanitha okushanga omakonaakono gawo gondondo onti 12 omwedhi gwa piti, oya holola okuuva nayi kwawo omolwa omukuluntuskola gwoskola ndjoka Mary Phillis Yesudasan, ngoka ta tindi okugandja omikandapopilo dhaanaskola mboka yiihumbata nayi, sho ya manitha omakonaakono gawo.
Aavali mboka ya holola omaipulo gawo omolwa omasiku ga hugunina gokuninga omaindilo goompito dhokwiilonga kiiputudhilo yopombanda taga thikana, oya popi kutya kashi li pauyuuki oskola yi tindile omapopilo ngoka.
Pakutala kiifuta yoskola yi li pombanda mbyoka ya kala taya futu oskola ndyoka ya talikako onga yimwe yomooskola dhingi moshilongo, aavali oya ningi omatilitho gokukatukila Yesudasan oonkatu dhopaveta.
Aavali oya popi kutya pehala lyokuya moshipala ompito yaanaskola mboka ya vule okumona omayambidhidho gokwiilonga, oskola oyali tayi vulu okugandja egeelo lya yooloka kaanaskola mboka.
“Omukuluntuskola okwa li a pumbwa okugandja egeelo kanaskola mboka ya wapaleke nando ehala lyontumba nenge yetu pe elombwelo tu futile shoka sha yonagulwa. Otandi zimine kutya oskola oya pumbwa okukala noompango ihe okugeela okanona onkalamwenyo yako ayihe konima yondondo onti 12 kashi li mondjila,” omuvali gumwe a popi.
Sho a yelitha kutya omolwashike ta tindile omapopilo gaanaskola, Yesudasan okwa popi kutya aanaskola yondondo onti 12 momasiku 17 gaKotomba, esiku lyawo lyahugunina lyomakonaakono oya yonagula owili yoskola na oya ihumbata nayi pethimbo lyuulalelo wawo wahugunina moskola.
Yesudasan ngoka a tseyika kutya omundungiki e na ompango, okwa yelitha kutya aanaskola mboka oya gunwa kombinga yomaihumbato gonayi na oya pulwa opo ya thigepo oskola momukalo gwombili, gwaahena uuhwapindi.
“Otwe ya lombwele ya mane omakonaakono gawo nokuthigapo oskola momukalo gombili,” Yesudasan a yelitha.
Okwa hokolola kutya esiku lyomakonaakono gawo lya hugunina, aanaskola yaamati oya teya owili moshinyanga shokulila naanaskola yaakadhona oya tameke taya dhenge uuyaha wawo kiitaafula na osha etitha embuyagano moskola.
Okwa tsikile kutya ngele inaku ningwa sha nokutulwapo oompango nena oya tegelela aanaskola yondondo onti 8 sigo 11 ya landule omikalo dhoka. Okwa popi kutya okwa pyakudhukwa okugandja omikanda dhoka uuna aanaskola mboka pamwe naavali yawo ya yi yaka gandje ombili koskola miipathi yaanaskola ayehe.
KENYA KAMBOWE
Aavali mboka ya holola omaipulo gawo omolwa omasiku ga hugunina gokuninga omaindilo goompito dhokwiilonga kiiputudhilo yopombanda taga thikana, oya popi kutya kashi li pauyuuki oskola yi tindile omapopilo ngoka.
Pakutala kiifuta yoskola yi li pombanda mbyoka ya kala taya futu oskola ndyoka ya talikako onga yimwe yomooskola dhingi moshilongo, aavali oya ningi omatilitho gokukatukila Yesudasan oonkatu dhopaveta.
Aavali oya popi kutya pehala lyokuya moshipala ompito yaanaskola mboka ya vule okumona omayambidhidho gokwiilonga, oskola oyali tayi vulu okugandja egeelo lya yooloka kaanaskola mboka.
“Omukuluntuskola okwa li a pumbwa okugandja egeelo kanaskola mboka ya wapaleke nando ehala lyontumba nenge yetu pe elombwelo tu futile shoka sha yonagulwa. Otandi zimine kutya oskola oya pumbwa okukala noompango ihe okugeela okanona onkalamwenyo yako ayihe konima yondondo onti 12 kashi li mondjila,” omuvali gumwe a popi.
Sho a yelitha kutya omolwashike ta tindile omapopilo gaanaskola, Yesudasan okwa popi kutya aanaskola yondondo onti 12 momasiku 17 gaKotomba, esiku lyawo lyahugunina lyomakonaakono oya yonagula owili yoskola na oya ihumbata nayi pethimbo lyuulalelo wawo wahugunina moskola.
Yesudasan ngoka a tseyika kutya omundungiki e na ompango, okwa yelitha kutya aanaskola mboka oya gunwa kombinga yomaihumbato gonayi na oya pulwa opo ya thigepo oskola momukalo gwombili, gwaahena uuhwapindi.
“Otwe ya lombwele ya mane omakonaakono gawo nokuthigapo oskola momukalo gombili,” Yesudasan a yelitha.
Okwa hokolola kutya esiku lyomakonaakono gawo lya hugunina, aanaskola yaamati oya teya owili moshinyanga shokulila naanaskola yaakadhona oya tameke taya dhenge uuyaha wawo kiitaafula na osha etitha embuyagano moskola.
Okwa tsikile kutya ngele inaku ningwa sha nokutulwapo oompango nena oya tegelela aanaskola yondondo onti 8 sigo 11 ya landule omikalo dhoka. Okwa popi kutya okwa pyakudhukwa okugandja omikanda dhoka uuna aanaskola mboka pamwe naavali yawo ya yi yaka gandje ombili koskola miipathi yaanaskola ayehe.
KENYA KAMBOWE
Comments
Namibian Sun
No comments have been left on this article