Skole trap van Elnatan tot in die Kaap
Tien skole gaan aan Securitas se virtuele fietsresies deelneem wat deur die Privaatskool Elnatan aangebied word.
Mariselle Stofberg
Privaatskool Elnatan het alle ledeskole van die Namibiese Privaatskole Organisasie (Napso) uitgenooi om deel te neem aan die Securitas Virtuele Fietsresies wat Woensdag 30 September sal plaasvind.
Skole gaan virtueel die afstand tussen Privaatskool Elnatan en Kaapstad, wat 1 273km is, aflê. Die wedren sal om 14:00 begin en 21:00 eindig. Dit gee skole sewe ure om die afstand af te lê. Die maksimum kilometer wat ’n skool in totaal kan aflê is 1 273 kilometer en borge kan vanaf 10 sent tot N$1 000 per kilometer borg.
“Dit is ’n geleentheid vir skole om iets lekker saam te doen te midde van die inperking en regulasies. Daar is geen reis- en verblyfreëlings nie en geen groot onkostes aan verbonde nie. Dit is net goeie en gesonde afleiding,” sê mnr. Wessel Pienaar, Privaatskool Elnatan se sportbestuurder.
Die skole wat ingeskryf het, is Privaatskool Elnatan, Windhoek Afrikaanse Privaatskool (WAP), Laerskool Walvisbaai, Grootfontein Agri College, Tsumeb Gimnasium, Gobabis Gimnasium, Berg-Op Akademie, Edugate Academy, Pro-Ed Akademie en Keetmanshoop Privaatskool (KPS)
“Dit dien as ‘n geldinsamelingsgeleentheid vir elke skool. Skole kry self besighede, ouers of ander persone wat die skool van hul keuse per kilometer borg. Elke skool hanteer die werwing en insameling van borge en behou ook sy eie fondse wat ingesamel word,” sê Pienaar.
“Skole moet ook ’n persoon afvaardig om die kilometers wat afgelê word deurlopend te kontroleer en die totale afstand in die beperkte tyd te bevestig. Elke skool kan ’n maksimum van tien fietse gebruik en slegs personeel en leerlinge mag deelneem. Een van die tien fietse moet te alle tye deur personeel getrap word,” sê Pienaar verder.
Skole se onderskeie gelukbringers moet heeltyd teenwoordig wees en skole kan self besluit waar hulle die fietse opstel.
Die wedrenne sal ook regstreeks op My Zone se sosialemediaplatforms uitgesaai word.
“Elke skool moet ook ’n horlosie en bord sigbaar hê om aan te dui hoeveel kilometer afgelê is. Hierdie is ’n geleentheid vir skole om pret te hê, mekaar te ondersteun en lekker gees te vang” het Pienaar gesê.
Privaatskool Elnatan het alle ledeskole van die Namibiese Privaatskole Organisasie (Napso) uitgenooi om deel te neem aan die Securitas Virtuele Fietsresies wat Woensdag 30 September sal plaasvind.
Skole gaan virtueel die afstand tussen Privaatskool Elnatan en Kaapstad, wat 1 273km is, aflê. Die wedren sal om 14:00 begin en 21:00 eindig. Dit gee skole sewe ure om die afstand af te lê. Die maksimum kilometer wat ’n skool in totaal kan aflê is 1 273 kilometer en borge kan vanaf 10 sent tot N$1 000 per kilometer borg.
“Dit is ’n geleentheid vir skole om iets lekker saam te doen te midde van die inperking en regulasies. Daar is geen reis- en verblyfreëlings nie en geen groot onkostes aan verbonde nie. Dit is net goeie en gesonde afleiding,” sê mnr. Wessel Pienaar, Privaatskool Elnatan se sportbestuurder.
Die skole wat ingeskryf het, is Privaatskool Elnatan, Windhoek Afrikaanse Privaatskool (WAP), Laerskool Walvisbaai, Grootfontein Agri College, Tsumeb Gimnasium, Gobabis Gimnasium, Berg-Op Akademie, Edugate Academy, Pro-Ed Akademie en Keetmanshoop Privaatskool (KPS)
“Dit dien as ‘n geldinsamelingsgeleentheid vir elke skool. Skole kry self besighede, ouers of ander persone wat die skool van hul keuse per kilometer borg. Elke skool hanteer die werwing en insameling van borge en behou ook sy eie fondse wat ingesamel word,” sê Pienaar.
“Skole moet ook ’n persoon afvaardig om die kilometers wat afgelê word deurlopend te kontroleer en die totale afstand in die beperkte tyd te bevestig. Elke skool kan ’n maksimum van tien fietse gebruik en slegs personeel en leerlinge mag deelneem. Een van die tien fietse moet te alle tye deur personeel getrap word,” sê Pienaar verder.
Skole se onderskeie gelukbringers moet heeltyd teenwoordig wees en skole kan self besluit waar hulle die fietse opstel.
Die wedrenne sal ook regstreeks op My Zone se sosialemediaplatforms uitgesaai word.
“Elke skool moet ook ’n horlosie en bord sigbaar hê om aan te dui hoeveel kilometer afgelê is. Hierdie is ’n geleentheid vir skole om pret te hê, mekaar te ondersteun en lekker gees te vang” het Pienaar gesê.
Comments
Namibian Sun
No comments have been left on this article