ShOmondonga itashi hulu nuumvo

Aakwashigwana yomOndonga oya adhika po ishewe komananathano omape melelo lyoshilongo shoka, sho ookansela ya 8 ya tokola okukala ompinge nelelo lyoshilongo shoka nokuyambidhidha ookansela mboka ya tidhwa miilonga komukwaniilwa muJuli gwomumvo gwayi. Elelo ndyoka oli na ookansela 21 mboka ye li papangelo na oya shangithwa pamushangwa gwopapangelo, mwakwatelwa omalenga omanene 11 oshowo iilyo yelelo 10 ihe pauyelele mboka wa gandjwa kuamushanga gwelelo ndyoka, Nepando Amupanda, elelo ngashiingeyi oli na oli na owala ookansela 6 mboka ya shangithwa papangelo konima sho ookansela ya 8 ya tokola okuthiga po iilonga yelelo ndyoka meyambidhidho nuukumwe wa yakwawo mboka ya tidhwa miilonga kOmukwaniilwa Elifas Kauluma. “Konima sho omukwaniilwa a kutha miilonga ookansela yaheyali, elelo olya thigala nookansela 14 mboka ya shangithwa papangelo. Yahetatu yomookanslea 14 oya tokola okuthigapo iilonga onga okuulika uukwawo wanankali nayakwawo mboka ya tidhwa miilonga. Inaya tulilamo omukwaniilwa oshipotha , ihe oya thigi po owala iilonga,” Amupanda ta popi.Okwa popi kutya ina uvitha nayi kwaamboka ya thigi po iilonga molwaashoka ye ota tonatele owala ombelelwa yelelo ngaashi oshinakugwanithwa e shi pewa komukwaniilwa. “Tse mpaka otwa kalela po omukwaniilwa ngoka e tu ulike. Natango katwa li tatu longele kumwe naantu mboka, atuhe tse aape mombelewa ndjika. Katu shi okangundu ihe olutu olunene ndoka lwa taambiwako komukwaniilwa.”Omalenga ngoka ga taambiwako kepangelo melelo lyaNdonga, ongaashi Wibard Lindker gUukwanambwa, Josef Akawa gwOmulondo, Josef Asino gwOniiwe, Naemani Amalwa gwOniimwandi, Anneli Sakaria Mbumba oshowo Kamati Mushaandja gwEpale, Secilia Namene gwOshuushe, John Walenga gwOndangwa, Johannes Shondili Amutenya gwOnalusheshete, Kamanya gwoAmuteya oshowo Peter Kauluma gwongula yaNetanga.Iilyo yelelo ongaashi Fillemon Nambili gwUukwanambwa, Kodhi Amoomo gwOmulondo, Kleopas Iindongo gwOniiwe, Jeremia Nashandi gwOniimwandi, Tonata Ngulu gwEpale, Neema Iindongo gwOshuushe, Tomas Nakanyala gwOndangwa, Kashona Malulu gwOnalusheshete, Esra Naikaku gwAmuteya oshowo Petrina Armas gwOngula yaNetanga.Omvula ya piti, omukwaniilwa Elifas okwa tidhwa omunashipundi gwelelo Peter Kauluma oshowo amushanga Asino, Walenga, Kamanya, Malulu, Ngulu naNambili.Okwa ulike mboka ya pingenepo oonakutidhwa, omunangeshefa Erastus Mvula oshowo Paavo Amweele ya pingenepo Walenga onga elenga enene lyoshikandjo shaNdangwa, omanga Rainhold Nepolo pingenepo Asino moshiadjo Oniiwe. Naeman Kambala okwa pingenepo Kamanya moshikandjo shAmuteya omanga Amupanda pingenepo , Peter Kauluma mOngula yaNetanga. Oonakuulikwa mboka inaya tulwa natango pamushangwa gwopapangelo na inaya tameka iilonga yawo pambelewa.Pahapu dhaAmupanda, mboka ya thigala miilonga oAmalwa, Amutenya, Akawa, Namene, Iindongo oshowo Kodhi. Oonakutidhwa okwa hololwa taya yambidhidha Shuumbwa Nangolo ngoka uulikwa komukwaniilwa momvula yo 2012 onga omulanduli gwe. Oshiwike sha piti, Ominista yUuyuki, Sacky Shanghala oya kaleke manga iilonga yOndonga Traditional Authority Community Court (OTACC) na otaku ningilwa omakonaakono iilonga yompangulilo ndjoka.Okwa gandja woo elombwelo kuAmupanda opo a pitike ookansela mboka ya tidhwa miilonga ya vule okuya momatungo gompangulilo. Ookansela mboka monena otaya longele mOnethindi onga aapanguli naakonaakoni yiihokolola yaakwashigwana.Shoka osha ningwa, sha landula sho omutumba ngoka gwa li gwa pumbwa okuningwa kuShanghala noongundu mbali dhelelo lyoshilongo shoka, gwa kaliwa owala kongundu yimwe, sho ongundu ndjoka tayi kwatelwa komeho kuAmupanda ya li ya tseyithilwa kutya omutumba ngoka otagu ningwa ongulohi yEtine. Omutumba ogwa ningwa ongula.Okwa lopotwa kutya nonando ongaaka Shanghala okwa ningi omutumba ngoka potundi onti-10 yongula.Konima yomutumba okwa yi koombelewa dhelelo lyoshilongo shaNdonga, hoka a tsakanene naAmupanda.Konima yomutumba ngoka, esiku olyo tuu ndyoka, Shanghala okwa shanga ombaapila ta popi kutya okwa kutha oonkondo iilonga yompangululo yaakwashigwana mOndonga, nuuministeli otawu ningi omakonaakono.Shanghala okwa tsikile kutya omolwa omananathano pokati kaaleli melelo ndyoka, oshigwana ngashiingeyi osha ngwangwana nokweetitha Ompangulilo yaMangestrata gwaNdangwa yi kale yi a iilonga oyindji omolwa iipotha mbyoka yali tayi vulu okupulakwenwa moOTACC. Shanghala okwa tsikile kutya ngele elelo lyoshilongo shoka kali na we ehalo lyokukala nompangulilo yopamuthigululwakalo nena okwa pyakudhukwa okuninga etseyitho nokushitula momushangwa gwopapangelo. ILENI NANDJATO

ShOmondonga itashi hulu nuumvo

Comments

Namibian Sun 2025-09-16

Please login to leave a comment

ShOmondonga itashi hulu nuumvo

Comments

Namibian Sun 2025-09-16

Please login to leave a comment

Login