Shipepe, Opoto, Adolfi nOmusati-Gwopoosa tayi ningwa olukalwa lumwe
Elelo lyoshitopolwa shaShana olya indile Uuministeli wEyamblepo lyOondoolopa nIitopolwa, opo omahala ngaashi Shipepe, Opoto, Adolfi oshowo Omusati-Gwopoosa ngoka taga adhika mondjila onene yaNdangwa nOngwediva ga ningwe olukalwa lumwe.
Onkundana ndjoka oya tseyithwa mOlyomakaya kukansela gwoshikandjohogololo Ondangwa Rural, Kaushiweni Abraham pethimbo lyoshikonga shewapalelo shoka sha ningwa moAdolfi moka elelo lyoshitopolwa oshowo elelo lyopamuthigululwakalo lyUukwanyama lya nyenyetelwa kaakwashigwana mboka taya pula opo ya pewe omayakulo omawanawa.
Pethimbo lyoshikonga shoka shewapaleko, sha unganekwa kOnelago United Football Team, aakalimo yomomudhingoloko Adolfi oya tameke taya ningile Abraham omapulo oshowo mwene gwomukunda Ekolyanaambo, Paulus Mutikisha ngoka a li a yi a ka yambidhidhe oshikonga shoka shewapaleko.
Aakalimo oya popi kutya, omudhingoloko gwawo ogwa koka na otaya pula opo ya vule okukala taya pewa omayakulo gamuni ngaashi ewapaleko lyiiyekelwahi yawo. Oya popi kutya ehala ndyoka olya ningwa ehala lyokuza kaakwashigwana ya thika po 500.
Oshilyo shokomitoye yelelo lyehala ndyoka, Gerhard Kafita okwa lombwele omalelo kutya onkalo ndjoka oye ya thiminike opo ya tameke po etoto lyokweekelahi iiyagaya popepi noshana shoCuvelai-Etosha neinekelo kutya iiyagaya mbyoka otayi kungululwa po pethimbo lyefundja.
“Inatu nyanyukwa okukala tatu ekelehi iiyagaya mpoka. Otwa hala omalelo ga tameke okutupa omayakulo nga ngoka molwaashoka etoto ndyoka twa toto po tseyene, olya nika oshiponga kuundjolowele waantu oshowo wiimuna, ihe nonando ongaaka otatu tsikile noku ekela iiyagaya metoto ndyoka sigo twa ningilwa etoto lyopamuthika nolya gamenwa,” Kafita a popi.
Abraham okwa popi kutya Shipepe, Opoto, Adolfi oshowo Omusati-Gwopoosa kage shi we omalukanda ihe oga ningi omahala ga yambukapo na otaku pangelwa opo ga ningwe ehala limwe lyolukalwa. Okwa popi kutya nonando ongaaka ompangela ndjoka neindilo ndyoka ya ningi inali ziminwa natango kuuministeli womondjila.
Omolwa omayambulepo gomahaa taga ningwa oondoolopa, omahala goludhi ndoka ogeli omukundu omunene ngoka gwa taalela omalelo goondoolopa niitopolwa, oshowo omalelo gopamuthigululwakalo.
“Eyambulepo lyomahala oshili onkalo odhigu ya taalela omalelo giitopolwa. Nonando otwa hala aantu yetu ya kale mombili omalelo goondoolopa kage na oonkondo okuninga omatokolo. Oonkondo ndhoka odhili komalelo gopamuthigululwakalo. Pomahala ngaashi ngoka aantu ihaya lelwa komalelo gopamuthigululwakalo na oyeli owala kuyo yene naashoka kashi shi oshinima oshiwanawa,” Abrahama a popi.
Okwa tsikile kutya omahala goludhi ndoka otaga koko nokukala aakwashigwana mboka itaya lelwa komalelo goondoolopa. Osha lopotwa kutya ehengumukilo mumwe lyomahala ngoka nokuningwa olukalwa lumwe, otali ka guma nokukwatelamo aakwashigwana ya thika po 1 500.Uuna ompangela ndjoka ya ziminwa nena ehala alihe okuza mOshakati sigo Ondangwa otali kala ondoolopa.
“Omahala ngoka kage shi we omalukanda. Oga koka na kage li we ponkatu yokukondololwa komalelo gopamuthigululwakalo. Omapya gomahangu agehe ngoka geli pomahala ngoka oga ningwa po ooplota nokuyambulwapo. Uuna ga ningwa omalukalwa nena otaga gwile kohi yelelo lyoondoolopa,” Abrahama a tsikile.
Mutikisha okwa popi kutya elelo lyopamuthigululwakalo olya kambadhala okuya moshipala etulo lyiiyagaya metoto ndyoka lya totwa po kaakwashigwana ihe kape na ehala lya andjuka momukunda gwe, mpoka tapu vulu okuningwa etoto ndyoka, molwaashoka evi alihe tali adhika momukunda ngoka oli owala ooyene.
Ehangano lyoRoads Authority ndyoka lya kala lya taalela omukundu nomalukanda ngoka sho ooyene yomahala ya tungu omatungo gawo popepi nondjila, olya tseyiththa kutya olya kaleke oompangela dhalyo dhokugwedhela ondjila yaNdangwa –Ongwediva nokuyi ninga ondjila yomalila gaali.
ILENI NANDJATO
Pethimbo lyoshikonga shoka shewapaleko, sha unganekwa kOnelago United Football Team, aakalimo yomomudhingoloko Adolfi oya tameke taya ningile Abraham omapulo oshowo mwene gwomukunda Ekolyanaambo, Paulus Mutikisha ngoka a li a yi a ka yambidhidhe oshikonga shoka shewapaleko.
Aakalimo oya popi kutya, omudhingoloko gwawo ogwa koka na otaya pula opo ya vule okukala taya pewa omayakulo gamuni ngaashi ewapaleko lyiiyekelwahi yawo. Oya popi kutya ehala ndyoka olya ningwa ehala lyokuza kaakwashigwana ya thika po 500.
Oshilyo shokomitoye yelelo lyehala ndyoka, Gerhard Kafita okwa lombwele omalelo kutya onkalo ndjoka oye ya thiminike opo ya tameke po etoto lyokweekelahi iiyagaya popepi noshana shoCuvelai-Etosha neinekelo kutya iiyagaya mbyoka otayi kungululwa po pethimbo lyefundja.
“Inatu nyanyukwa okukala tatu ekelehi iiyagaya mpoka. Otwa hala omalelo ga tameke okutupa omayakulo nga ngoka molwaashoka etoto ndyoka twa toto po tseyene, olya nika oshiponga kuundjolowele waantu oshowo wiimuna, ihe nonando ongaaka otatu tsikile noku ekela iiyagaya metoto ndyoka sigo twa ningilwa etoto lyopamuthika nolya gamenwa,” Kafita a popi.
Abraham okwa popi kutya Shipepe, Opoto, Adolfi oshowo Omusati-Gwopoosa kage shi we omalukanda ihe oga ningi omahala ga yambukapo na otaku pangelwa opo ga ningwe ehala limwe lyolukalwa. Okwa popi kutya nonando ongaaka ompangela ndjoka neindilo ndyoka ya ningi inali ziminwa natango kuuministeli womondjila.
Omolwa omayambulepo gomahaa taga ningwa oondoolopa, omahala goludhi ndoka ogeli omukundu omunene ngoka gwa taalela omalelo goondoolopa niitopolwa, oshowo omalelo gopamuthigululwakalo.
“Eyambulepo lyomahala oshili onkalo odhigu ya taalela omalelo giitopolwa. Nonando otwa hala aantu yetu ya kale mombili omalelo goondoolopa kage na oonkondo okuninga omatokolo. Oonkondo ndhoka odhili komalelo gopamuthigululwakalo. Pomahala ngaashi ngoka aantu ihaya lelwa komalelo gopamuthigululwakalo na oyeli owala kuyo yene naashoka kashi shi oshinima oshiwanawa,” Abrahama a popi.
Okwa tsikile kutya omahala goludhi ndoka otaga koko nokukala aakwashigwana mboka itaya lelwa komalelo goondoolopa. Osha lopotwa kutya ehengumukilo mumwe lyomahala ngoka nokuningwa olukalwa lumwe, otali ka guma nokukwatelamo aakwashigwana ya thika po 1 500.Uuna ompangela ndjoka ya ziminwa nena ehala alihe okuza mOshakati sigo Ondangwa otali kala ondoolopa.
“Omahala ngoka kage shi we omalukanda. Oga koka na kage li we ponkatu yokukondololwa komalelo gopamuthigululwakalo. Omapya gomahangu agehe ngoka geli pomahala ngoka oga ningwa po ooplota nokuyambulwapo. Uuna ga ningwa omalukalwa nena otaga gwile kohi yelelo lyoondoolopa,” Abrahama a tsikile.
Mutikisha okwa popi kutya elelo lyopamuthigululwakalo olya kambadhala okuya moshipala etulo lyiiyagaya metoto ndyoka lya totwa po kaakwashigwana ihe kape na ehala lya andjuka momukunda gwe, mpoka tapu vulu okuningwa etoto ndyoka, molwaashoka evi alihe tali adhika momukunda ngoka oli owala ooyene.
Ehangano lyoRoads Authority ndyoka lya kala lya taalela omukundu nomalukanda ngoka sho ooyene yomahala ya tungu omatungo gawo popepi nondjila, olya tseyiththa kutya olya kaleke oompangela dhalyo dhokugwedhela ondjila yaNdangwa –Ongwediva nokuyi ninga ondjila yomalila gaali.
ILENI NANDJATO
Comments
Namibian Sun
No comments have been left on this article