Shaningwa ta gandja etumwalaka lya puka
Amushanga gwongundu yoSwapo, Sophia Shaningwa okwa nyanwa papolotika sho a popile nokugamena Tobie Aupindi, ngoka a monika ondjo moshipotha shuulingilingi, mOmpangulilo yaMangestrata gwaVenduka oshiwike sha piti.
Shaningwa okwa lopotwa a popi kutya emoniko lyondjo lyaAupindi naasho a pewa egeelo lyokufuta oshimaliwa sha thika pooN$50 000 kali li pauyuuki molwaashoka yalwe mboka ya yaka oomiliyona oye li ya mangululwa inaya futithwa.
Hahende guuthemba womuntu, Norman Tjombe okwa popi kutya oohapu dhaShaningwa otadhi gandja etumwalaka lya puka kiilyo yongundu oshowo koshigwana kutya mboka taya monika oondjo miipotha yomiyonena nuulunga naya silwe ohenda kompangu.
Tjombe okwa popi kutya omapopyo ge otaga hembidha mangestrata Helvi Shilemba ngoka a ningi etokolo moshipotha shoka.
Omunongononi gwonkalo yoopolotika, Phanuel Kaapama okwa popi kutya omapopyo gaShaningwa otaga ulike kutya oku na ontseyo yaantu mboka ya yaka ihe inaya geelwa kompangu, ta pula kutya omolwashike ina gandja uuyelele mboka koAnti-Corruption Commission (ACC) ngaashi ompango tayi utha.
Graham Hopwood okwa popi kutya Swapo okwa pumbwa okushuna ketokolo lya li lyaningwa komuleli nale Hifikepunye Pohamba, momvula yo 2005 sho a li a tokola okuhaaapopila uulingilingi.
Uuyuuki noshili otashi dhana onkandangala unene moshishiindalongo South Afrika, moka ongundu yoAfrican National Congress' (ANC) ya tokola okukatukila onkatu aaleli yawo ayehe mboka tothwamo ye na mo olunyala moshikumungu shuulingilingi sho VBS Mutual Bank.
Tjombe okwa popi kutya gumwe oku na okukala a tegelela opo oongundu dhopolotika dhi kale dhi na omilandu dhi na sha naamboka taya monika oondjo miipotha yoludhi ndoka.
Omaiyuvo ngoka nago oga gandjwa kuKaapama oshowo Hopwood mboka ya popi kutya otashi etitha ohenda unene sho oongundu dhopolotika kadhi na omakotampango nomilandu ndhoka tadhi ungaungiwa naamboka taya monika ondjo miipotha yomiyonena, ngele oongundu dhoka otadhi popi kutya itadhi popile uulingilingi.
Shaningwa ina yamukula komapulo ngoka a ningilwa.
CATHERINE SASMAN
Hahende guuthemba womuntu, Norman Tjombe okwa popi kutya oohapu dhaShaningwa otadhi gandja etumwalaka lya puka kiilyo yongundu oshowo koshigwana kutya mboka taya monika oondjo miipotha yomiyonena nuulunga naya silwe ohenda kompangu.
Tjombe okwa popi kutya omapopyo ge otaga hembidha mangestrata Helvi Shilemba ngoka a ningi etokolo moshipotha shoka.
Omunongononi gwonkalo yoopolotika, Phanuel Kaapama okwa popi kutya omapopyo gaShaningwa otaga ulike kutya oku na ontseyo yaantu mboka ya yaka ihe inaya geelwa kompangu, ta pula kutya omolwashike ina gandja uuyelele mboka koAnti-Corruption Commission (ACC) ngaashi ompango tayi utha.
Graham Hopwood okwa popi kutya Swapo okwa pumbwa okushuna ketokolo lya li lyaningwa komuleli nale Hifikepunye Pohamba, momvula yo 2005 sho a li a tokola okuhaaapopila uulingilingi.
Uuyuuki noshili otashi dhana onkandangala unene moshishiindalongo South Afrika, moka ongundu yoAfrican National Congress' (ANC) ya tokola okukatukila onkatu aaleli yawo ayehe mboka tothwamo ye na mo olunyala moshikumungu shuulingilingi sho VBS Mutual Bank.
Tjombe okwa popi kutya gumwe oku na okukala a tegelela opo oongundu dhopolotika dhi kale dhi na omilandu dhi na sha naamboka taya monika oondjo miipotha yoludhi ndoka.
Omaiyuvo ngoka nago oga gandjwa kuKaapama oshowo Hopwood mboka ya popi kutya otashi etitha ohenda unene sho oongundu dhopolotika kadhi na omakotampango nomilandu ndhoka tadhi ungaungiwa naamboka taya monika ondjo miipotha yomiyonena, ngele oongundu dhoka otadhi popi kutya itadhi popile uulingilingi.
Shaningwa ina yamukula komapulo ngoka a ningilwa.
CATHERINE SASMAN
Comments
Namibian Sun
No comments have been left on this article