Shaningwa a kumithwa keindilo lyeyalululo lyiizemo yokongressa
Amushanga-ndjai gwongundu yoSwapo okwa haluka komaindilo ngoka taga ningwa opo ku yalululwe iizemo yomahogololo gokongressa yongundu yoSwapo ngoka ga ningwa okuya pehulilo lyomvula ya piti.
Pethimbo lyokongressa ndjoka ya ningwa muNovemba gwomvula ya piti, omupresdende Hage Geingob okwa hogololwa onga omupresidende gwongundu yoSwapo, Netumbo Nandi-Ndaitwah okwa hogololwa onga omupeha presidende omanga Sophia Shaningwa a hogololwa nokuninga amushanga gwongundu naMarco Hausiku okwa ningi amushanga gwaShaningwa.
Pahapu dhaShaningwa ookandindate ndhoka dha dhengwa mo momahogololo odha taambako iizemo yomahogololo na odha halele omayambeko mboka ya sindana po omahogololo na oya pulwa ya holole omaiyuvo gawo sha landula omahogololo niizemo sho ya tseyithwa.
Shaningwa okwa popi ngaaka ta yamukula komaindilo ngoka taga ningwa opo ku ningwe omayalulo giithikamena giizemo yomahogololo ngoka ga ningwa.
Omaindilo ngoka otaga ningwa kuNambata Angula, omwana kadhona gokandindate yuupresidende momahogololo ngoka, Nahas Angula oshowo Mirjam Shituula, Selma Nambago naSeth Boois.
Shaningwa okwa popi kutya ina mona ombaapila ndjoka ya shangwa momasiku 12 gaFebruali moka iilyo mbyoka tayi pula opo ku ningwe omayalulo ngoka.
Okwa popi kutya kape na ompumbwe yokuningulila omayalulo ngoka molwaashoka aataaleli yomahogololo oya popi kutya omahogololo ngoka niizemo oya yalulwa pauyuuki. Aashangi yombaapila ndjoka oya popi kutya itashi kala pauyuuki ngele ongundu oya ethiwa yi pule komesho sha landula sho kwa longwa iilonga yaaheli paveta oyindji pethimbo lyomutumba ngoka gwomahogololo gongundu.
Mboka oya popi kutya omanga omahogololo inaga ningwa okwa lopotwa omanyenyeto ogendji giinima yaahe li paveta neyopondje lyekotampango.
Yimwe yomwaamboka ya ningwa aakuthimbinga yamwe momahogololo ngoka inaya hogololwa ngaashi shi na okuningwa paikandjo ihe oya tothwamo owala.
Mboka oya popi kutya nonando oyindji oya ningwa pethimbo lyomahogololo ngoka na oya kalekepo ombili na oya hala okupula komeho, oya uvithwa nayi ketidho miilonga lyaPendukeni Iivula-Ithana oshowo Jerry Ekandjo mboka ya tidhwa kuGeingob, molwaashoka oya li ye li ompinge naye pethimbo lyomahogololo.
JEMIMA BEUKES
Pahapu dhaShaningwa ookandindate ndhoka dha dhengwa mo momahogololo odha taambako iizemo yomahogololo na odha halele omayambeko mboka ya sindana po omahogololo na oya pulwa ya holole omaiyuvo gawo sha landula omahogololo niizemo sho ya tseyithwa.
Shaningwa okwa popi ngaaka ta yamukula komaindilo ngoka taga ningwa opo ku ningwe omayalulo giithikamena giizemo yomahogololo ngoka ga ningwa.
Omaindilo ngoka otaga ningwa kuNambata Angula, omwana kadhona gokandindate yuupresidende momahogololo ngoka, Nahas Angula oshowo Mirjam Shituula, Selma Nambago naSeth Boois.
Shaningwa okwa popi kutya ina mona ombaapila ndjoka ya shangwa momasiku 12 gaFebruali moka iilyo mbyoka tayi pula opo ku ningwe omayalulo ngoka.
Okwa popi kutya kape na ompumbwe yokuningulila omayalulo ngoka molwaashoka aataaleli yomahogololo oya popi kutya omahogololo ngoka niizemo oya yalulwa pauyuuki. Aashangi yombaapila ndjoka oya popi kutya itashi kala pauyuuki ngele ongundu oya ethiwa yi pule komesho sha landula sho kwa longwa iilonga yaaheli paveta oyindji pethimbo lyomutumba ngoka gwomahogololo gongundu.
Mboka oya popi kutya omanga omahogololo inaga ningwa okwa lopotwa omanyenyeto ogendji giinima yaahe li paveta neyopondje lyekotampango.
Yimwe yomwaamboka ya ningwa aakuthimbinga yamwe momahogololo ngoka inaya hogololwa ngaashi shi na okuningwa paikandjo ihe oya tothwamo owala.
Mboka oya popi kutya nonando oyindji oya ningwa pethimbo lyomahogololo ngoka na oya kalekepo ombili na oya hala okupula komeho, oya uvithwa nayi ketidho miilonga lyaPendukeni Iivula-Ithana oshowo Jerry Ekandjo mboka ya tidhwa kuGeingob, molwaashoka oya li ye li ompinge naye pethimbo lyomahogololo.
JEMIMA BEUKES
Comments
Namibian Sun
No comments have been left on this article