Salini itaka longa omanga ina futwa
Aaniilonga mboka taya tungu ondama yoNeckartal oya popi kutya itaya ka tameka iilonga omanga inaku futwa oongunga dhiilonga yawo mbyoka ya longo nale mondama ndjoka dha thika poomiliyona 600.
Omupopiliko gwoSalini, Gilles Castonguay okwa lombwele ngaaka oshifokundaneki shoNamibian Sun.
Salini omasiku ga piti okwa shunitha pevi oowili dhiilonga dhaaniilonga ye okuza koowili 12 okuya poowili 7 nokukutha po elongo lyoowili dholutayima omolwa iifuta ye mbyoka inayi futwa natango kUuministeli wUunamapya, Omeya nIihwa.
“Salini Namibia otaka tameka owala iilonga ngele okwa futwa. Oowili dhiilonga odha shunithwa pevi naashoka osha ningwa sigo twa futwa,” Castonguay a popi.
Omunambelewa ngoka okwa popi kutya ekaleko lyiilonga pondama ndjoka, itali ka ya moshipala emanitho lyopoloyeka ndjoka okuya pehulilo lyomvula.
“Otatu longo opo tu mane opoloyeka ndjoka muule wethimbo ndyoka lya pangelwa okumanithwa.”
Sho a pulwa opo a popye kutya epangelo oli na oongunga dhawo dhiimaliwa ya thika pu ingapi, Castonguay okwa tindi okuyamukula.
Opoloyeka ndjoka oyi na aaniilonga ya thika po 2 500, mboka ya tseyithilwa kombinga yetokolo lyehangano ndyoka mEtitano lya piti.
Ehangano olya li hali longo oowili 24, moka aaniilonga ya topolwa moowili 12. Onzo yimwe oya holola kutya epangelo olya futu ko owala oshitopolwa shimwe shoongunga, shoka sha futwa ko petameko lyomwedhi Sepetemba.
Nampa naye okwa li a lopota kutya, okomitiye tayi ithanwa cabinet committee on treasury oya kala omutumba oshiwike sha piti, tayi pula ekwatho kuNamWater opo a fute ko oongunga dhaSalini, dhoka dhiniwe kepangelo.
Minista John Mutorwa okwa li a popi kutya Salini otaka kala a futwa mEtitano.
Sigo okunena, Salini okwa futwa oshimaliwa sha thika poobiliyona 3.1.
OGONE TLHAGE
OLOPOTA YA GWEDHWA PO KU:NAMPA
Omupopiliko gwoSalini, Gilles Castonguay okwa lombwele ngaaka oshifokundaneki shoNamibian Sun.
Salini omasiku ga piti okwa shunitha pevi oowili dhiilonga dhaaniilonga ye okuza koowili 12 okuya poowili 7 nokukutha po elongo lyoowili dholutayima omolwa iifuta ye mbyoka inayi futwa natango kUuministeli wUunamapya, Omeya nIihwa.
“Salini Namibia otaka tameka owala iilonga ngele okwa futwa. Oowili dhiilonga odha shunithwa pevi naashoka osha ningwa sigo twa futwa,” Castonguay a popi.
Omunambelewa ngoka okwa popi kutya ekaleko lyiilonga pondama ndjoka, itali ka ya moshipala emanitho lyopoloyeka ndjoka okuya pehulilo lyomvula.
“Otatu longo opo tu mane opoloyeka ndjoka muule wethimbo ndyoka lya pangelwa okumanithwa.”
Sho a pulwa opo a popye kutya epangelo oli na oongunga dhawo dhiimaliwa ya thika pu ingapi, Castonguay okwa tindi okuyamukula.
Opoloyeka ndjoka oyi na aaniilonga ya thika po 2 500, mboka ya tseyithilwa kombinga yetokolo lyehangano ndyoka mEtitano lya piti.
Ehangano olya li hali longo oowili 24, moka aaniilonga ya topolwa moowili 12. Onzo yimwe oya holola kutya epangelo olya futu ko owala oshitopolwa shimwe shoongunga, shoka sha futwa ko petameko lyomwedhi Sepetemba.
Nampa naye okwa li a lopota kutya, okomitiye tayi ithanwa cabinet committee on treasury oya kala omutumba oshiwike sha piti, tayi pula ekwatho kuNamWater opo a fute ko oongunga dhaSalini, dhoka dhiniwe kepangelo.
Minista John Mutorwa okwa li a popi kutya Salini otaka kala a futwa mEtitano.
Sigo okunena, Salini okwa futwa oshimaliwa sha thika poobiliyona 3.1.
OGONE TLHAGE
OLOPOTA YA GWEDHWA PO KU:NAMPA
Comments
Namibian Sun
No comments have been left on this article