Remdesivir kayi na uupyakadhi – Shangula
Epangelo olya popile elando lyomuti gwokupanga ombuto yoCorona, ngoka gu na omashangelo kutya inagu topolwa miilongo ngaashi US nomiilongo yaEuropa, tali popi kutya omuti ngoka kagu na omukundu gwa sha.
JEMIMA BEUKES
OVENDUKA
Ominista yuundjolowele moNamibia, Kalumbi Shangula okwa popile omuti gwoRemdesivir ngoka epangelo lyalanda opo gu vule okupanga aapangwa yoCovid-19.
Omukalelipo Centres for Disease Control moNamibia, Dr Eric Dziuban, naye okwa popi kutya Remdesivir ogumwe gwomomiti dhoka dha ulike kutya otadhi kwathele aantu mboka ya kwatwa unenen kombuto yo Covid-19.
Aantu yamwe oya li ya limbililwa omolwa elombwelo ndyoka li li kokakende komuti ngoka kutya inagu topolwa moUnited States, Canada nenge miilongo yoEuropean Union.
Omundohotola Shangula okwa popi kutya elombwelo ndyoka olya nuninwa owala omalanditho.
“Unene sho ngasshiingeyi Remdesivir ya pumbiwa noonkondo, aalongi yomuti ngoka otaya tula omalombwelo komiti dhimwe opo dhi vule okuthika komahala galwe muuyuni. Otashi kwatakanithwa woo nonando sho omiti dhoka tadhi landithwa miilongo opo tayi putuka kombiliha opo kadhi adhike moEuropa, moka omiti odho tuudhoka otadhi landithwa kondando yi li pombanda,” Shangula a popi.
Shangula okwa popi kutya omiti ngoka ogwa ulike tagu shonopeke ethimbo lyuuwehame koCovid-19. Ogwa topolelwa miipangelo yaNamibia na otagu ka gandjwa koondokotolwa kwiikwatelelwwa komalombwelo gomuti ngoka.
Dziuban naye okwa popile omuti ngoka ta popi kutya Namibia okuna elago sho a kambadhala mbala okukonga omuti ngoka opo gu gandjwe miipangelo ye.
Kwiikwatelelwa kiikundaneki moolopota dha piti muJuni gwonuumvo, United States okwa landa konyala omiti dhoka adhihe muuyuni uule woomwedhi ndatu dhili komeho.
Al Jazeera okwa li a lopota pethimbo ndyoka kutya ehangano lyoGilead otali landitha omuti ngoka kondando yoUS$2 340 momupangwa gumwe moUS oshowo miilongo yilwe iikengeli omanga miilongo iithigona naambyoka yopokati taya pitika omahangano galwe ga longe omuti ngoka nokugutopola.
Oshikundaneki shoThe Washington Post osha li sha lopota kutya Gilead okwa holola kutya otaka futitha oshimaliwa shooUS$3 120 momupangwa miipangelo yaUS, kwaamboka ye na omakwashilipaleko guunamiti gopaumwene omanga iilongo yimwe ya putuka tayi ka futhithwa ondando yi li pevi noopresenda 25, opo omuti guvule okuya nuuyuni awuhe.
[email protected]
OVENDUKA
Ominista yuundjolowele moNamibia, Kalumbi Shangula okwa popile omuti gwoRemdesivir ngoka epangelo lyalanda opo gu vule okupanga aapangwa yoCovid-19.
Omukalelipo Centres for Disease Control moNamibia, Dr Eric Dziuban, naye okwa popi kutya Remdesivir ogumwe gwomomiti dhoka dha ulike kutya otadhi kwathele aantu mboka ya kwatwa unenen kombuto yo Covid-19.
Aantu yamwe oya li ya limbililwa omolwa elombwelo ndyoka li li kokakende komuti ngoka kutya inagu topolwa moUnited States, Canada nenge miilongo yoEuropean Union.
Omundohotola Shangula okwa popi kutya elombwelo ndyoka olya nuninwa owala omalanditho.
“Unene sho ngasshiingeyi Remdesivir ya pumbiwa noonkondo, aalongi yomuti ngoka otaya tula omalombwelo komiti dhimwe opo dhi vule okuthika komahala galwe muuyuni. Otashi kwatakanithwa woo nonando sho omiti dhoka tadhi landithwa miilongo opo tayi putuka kombiliha opo kadhi adhike moEuropa, moka omiti odho tuudhoka otadhi landithwa kondando yi li pombanda,” Shangula a popi.
Shangula okwa popi kutya omiti ngoka ogwa ulike tagu shonopeke ethimbo lyuuwehame koCovid-19. Ogwa topolelwa miipangelo yaNamibia na otagu ka gandjwa koondokotolwa kwiikwatelelwwa komalombwelo gomuti ngoka.
Dziuban naye okwa popile omuti ngoka ta popi kutya Namibia okuna elago sho a kambadhala mbala okukonga omuti ngoka opo gu gandjwe miipangelo ye.
Kwiikwatelelwa kiikundaneki moolopota dha piti muJuni gwonuumvo, United States okwa landa konyala omiti dhoka adhihe muuyuni uule woomwedhi ndatu dhili komeho.
Al Jazeera okwa li a lopota pethimbo ndyoka kutya ehangano lyoGilead otali landitha omuti ngoka kondando yoUS$2 340 momupangwa gumwe moUS oshowo miilongo yilwe iikengeli omanga miilongo iithigona naambyoka yopokati taya pitika omahangano galwe ga longe omuti ngoka nokugutopola.
Oshikundaneki shoThe Washington Post osha li sha lopota kutya Gilead okwa holola kutya otaka futitha oshimaliwa shooUS$3 120 momupangwa miipangelo yaUS, kwaamboka ye na omakwashilipaleko guunamiti gopaumwene omanga iilongo yimwe ya putuka tayi ka futhithwa ondando yi li pevi noopresenda 25, opo omuti guvule okuya nuuyuni awuhe.
[email protected]
Comments
Namibian Sun
No comments have been left on this article