RDP ita popile omashina gokuhogolola
Ongundu yoRally for Democracy and Progress (RDP) itayi ka dhilaadhila lwaali mokunyana omahogololo gopashigwana ngoka taga ningwa moshilongo ngele otaku longithwa omashina gokuhogolola goelectronic voting machines (EVMs).
Pethimbo lyomutumba gwiikundaneki ngoka gwa ningwa mOmaandaha, amushanga omupe gwongundu ndjoka Brunhilde Cornelius okwa pula Aanamibia ayehe unene aanyasha opo ya kwashilipaleke kutya oyiishangitha okukutha ombinga momahogololo.
Cornelius okwa popi kutya ongundu yawo kayi na einekelo momashina goEVMs, taya popi kutya kage na uuyuki noshili. Nonando oshigwana oshi na omalimbililo momashina ngoka osha lombwelwa kutya omashina ngoka otaga vulu okwiinekelwa na ohaga endelele mokuyalula omawi gaahogololi.
Okwa popi kutya nongundu yoSwapo, ndjoka yi li mwene gwokomisi yomahogololo, oya tindi okulongitha omashina ngoka pethimbo lyomutumba gwomahogololo giilyo yelelo lyongundu ndjoka momvula yo 2017, molwaashoka omashina ngoka itaga vulu okwiinekelwa, na oge na ompito onene mekengelelo.
Cornelius okwa popi kutya RDP, itaka thiga emanya lya londa kekwawo mokuhulitha po elongitho lyomashina ngoka moNamibia, pethimbo lyomahogololo unene sho itaga longithwa nomusholondondo gwaahogololi pambaapila.
Omunambelewa ngoka okwa pula iilyo yawo oshowo AaNamibia ayehe ya kwashilipaleke kutya oya longitha ompito yomaishangitho gokuhogololo ndjoka ya tulwa po, nokutsa omuthindo kutya omalunduluko otage ya po owala okupitila mokuhogolola.
JANA-MARI SMITH
Pethimbo lyomutumba gwiikundaneki ngoka gwa ningwa mOmaandaha, amushanga omupe gwongundu ndjoka Brunhilde Cornelius okwa pula Aanamibia ayehe unene aanyasha opo ya kwashilipaleke kutya oyiishangitha okukutha ombinga momahogololo.
Cornelius okwa popi kutya ongundu yawo kayi na einekelo momashina goEVMs, taya popi kutya kage na uuyuki noshili. Nonando oshigwana oshi na omalimbililo momashina ngoka osha lombwelwa kutya omashina ngoka otaga vulu okwiinekelwa na ohaga endelele mokuyalula omawi gaahogololi.
Okwa popi kutya nongundu yoSwapo, ndjoka yi li mwene gwokomisi yomahogololo, oya tindi okulongitha omashina ngoka pethimbo lyomutumba gwomahogololo giilyo yelelo lyongundu ndjoka momvula yo 2017, molwaashoka omashina ngoka itaga vulu okwiinekelwa, na oge na ompito onene mekengelelo.
Cornelius okwa popi kutya RDP, itaka thiga emanya lya londa kekwawo mokuhulitha po elongitho lyomashina ngoka moNamibia, pethimbo lyomahogololo unene sho itaga longithwa nomusholondondo gwaahogololi pambaapila.
Omunambelewa ngoka okwa pula iilyo yawo oshowo AaNamibia ayehe ya kwashilipaleke kutya oya longitha ompito yomaishangitho gokuhogololo ndjoka ya tulwa po, nokutsa omuthindo kutya omalunduluko otage ya po owala okupitila mokuhogolola.
JANA-MARI SMITH
Comments
Namibian Sun
No comments have been left on this article