Pohamba a pewa oshinakugwanithwa shombili moDRC

Omupresidende nale gwaNamibia, Hifikepunye Pohamba, okwa pewa oshinakugwanithwa shomukalelipo gwowina gwaSADC meeto lyombili moDemocratic Republic of the Congo (DRC).Shoka osha landula omutumba gwaaleli yaAfrika tagu ithanwa Double Troika Summit of the Heads of State and Government of SADC, ngoka gwa ningilwa moLuanda, Angola mEtiyali lyoshiwike shika, ngoka gwa tokola okuulika omuleli nale gwaAfrika, opo a ninge omutse omunene meeto lyombili moDRC, sha landula omutumba gwa li gwa ningwa muAgutse gwomvula ya piti.Omuleli nale gwaSouth Afrika, Jacob Zuma, ngoka a ningi omunashipundi gwoSADC muAguste gwomvula ya yi, okwa popi kutya omutumba ngoka ogwa pula opo Okakomisi kOmahogololo moDRC, ka talulule nokuninga omalunduluko pashigwana mokalindeli komahogololo.SADC okwa hwahwamekwa kaakwashigwana yaDRC mboka ye li moSouth Afrika, ya ningi ekanka na taya pula opo DRC a kuthwe mo mongongahangano yiigwana goSADC molwaashoka ke na shoka ta ningi po omolwa onkalo ndjoka ya taalela aakwashigwana moshilongo shoka.Oshinakugwanithwa shoka sha pewa Pohamba ngoka a li uulikwa a ninge oshilyo shoAfrican Union's Panel of the Wise, oshidhigu, ihe oku na ontseyo mokukala omupokati gwombili muAfrika, na okwa kutha ombinga iikumungu ya nuninwa okukalekapo ombili muAfrika, sho a kutha ombinga meningo lyomahogololo gombili muGhana naRthiopia.MoDRC omwa tukuka iikolokosha sha landula sho Omupresidende Joseph Kabila tindi okuza koshipundi, sho oshikako she shelelo sha thiki pehulilo muDesemba gwo 2016.Okwa ningwa omauvaneko gokuninga omahogololo ihe oga kala nokuundulilwa komeho, sha etitha omahololomadhilaadhilo gaakwashigwana, ngoka ga etitha elongitho pambambo lyoonkondo okuza koshikondo shegameno lyoshilongo shoka. Iipotha ngaashi omamonitho giihuna nokuyapondje uuthemba waantu, mwa kwatelwa omakwatokoonkondo, oya lopotwa moshilongo shoka.MuNovemba gwomvula ya piti, okwa tseyithwa kutya otaku ningwa omahogololo muDesemba gwomvula ndjika, ihe oongundu dhompilameno inadhi taambako etseyitho ndyoka, na odha popi kutya Kabila okwa li e na okukala adhiga po ombelewa nale.Kabila okwa kala a mwena, noshipopiwa she shotango shoka a ningi lyotango muule woomvula hamano, okwe shi ningi momasiku 27 gaJanuari, moka a popi kutya omahogololo otaga pula komeho ngaashi ga longekidhwa.MuFebruali okwa holoka oolopota kutya Kabila itaka kutha ombinga momahogololo.Lambert Mende, ngoka e li ominista yomauyelele moDRC okwa popi kutya Kabila, ngoka a kala mombelewa okutameka omvula 2001, ina holola ohokwe okukutha ombinga methigathano lyomahogololo na ita ulike omuhogololwa ngoka ta kutha ombinga momahogololo ngoka.Pethimbo lyomutumba gwoPanel of the Wise ngoka gwa ningilwa mOvenduka muMaalitsa gwonuumvo, Pohamba okwa popi kombinga yiikumungu oyindji mbyoka ya taalela Afrika.Omutumba ngoka ogwa li gwa tala komahogololo.Okwa popi woo kutya omwaalu ogundji gwanyasha muAfrika, pethimbo omaliko itaga ende nawa, osho tashi etitha okwaahena iilonga, nendumbakano lyaantu miilando, shoka tashi hwahwamekitha woo iikolokosha.OMUTOOLINKUNDANA GWOMENI

Pohamba a pewa oshinakugwanithwa shombili moDRC

Comments

Namibian Sun 2025-09-17

Please login to leave a comment

Pohamba a pewa oshinakugwanithwa shombili moDRC

Comments

Namibian Sun 2025-09-17

Please login to leave a comment

Login