Oyendji taya tumbaleke Gurirab

Pethimbo oshilongo tashi lili Theo-Ben Gurirab, oyendji oya hokolola kombinga yuuntu we nokupopya kutya okwa li kuume kashili.Gurirab okwa hokololwa onga okukalekipo gwombili nomuntu gwomwenyo omwaanwa, nomwiitulimo miilonga ye.Ominista nale yiikwapondje moSouth Afrika, Pik Botha okwa popi kutya okesilohenda lyaKalunga ya panga uukume naGurirab.Botha ngoka a li gumwe gwomaaleli mepangelo lyokatongotongo moNamibia oshowo moSouth Afrika, okwa popi kutya okwa zi omahodhi sho uuvu onkundatha yeso lyaGurirab mOlyomakaya moshipangelo shomOvenduka.“Otwa tsakanene onga aatondi ihe esilohenda lyaKalunga olye tu e ta pamwe,” Botha a popi. Botha okwa popi kutya oya kundathana oshindji nanakusa .Okwa tsikile kutya eso lyaGurirab olye mu ehameke noonkondo.“Ngele onda tala kombinga yiita mbyoka tayi ningwa ngashiingeyi nokutala nkene aantu taya ndopa okudhidhilika kutya naamboka yeli kombinga yomutondi oye na oonkalo dha faathana naadhoka dhawo, otashi ehamekendje. Ben nangame otwa ningi ookuume, na otwa topolelathano omaiyuvo kombinga yonkalamwenyo. Ngashiingeyi sho a hulitha otandi yi koNamibia nokukuutumba mombuga nokupandula sho ya pelendje kuume.”Botha okwa kala ominista yiikwapondje sigo opehulilo lyuukoloni moNamibia na okwa dhana onkandangala onene memanguluko lyaNamibia okuza muukoloni waSouth Afrika.Omukondjelimanguluko Libertine Amathila, ngoka a popi noshifokundaneki shoNamibian Sun okuzilila kofaalama ye, hoka ka ku na nawa omakwatathano goongodhi dhopeke okwa popi kutya oku na iitya iishona okutumbula.Okwa popi kutya yonanakusa oya kala monguluyimwe yoskola moAugustineum College.Okwa popi kutya ote mu dhimbuluka onga gumwe gwomaalongi nuudhiginini, na okwa longo oshindji memangululo lyaNamibia.Omuleli gwongundu yoPopular Democratic Movement (PDM) McHenry Venaani okwa shanga kepandja lye lyomakwatathano gopainternet kutya Namibia okwa kanitha ependa.Okwa popi kutya okuuvite uukwawo wanankali pamwe nomukulukadhi gwe Joan, ofamili, Omupresidende Hage Geingob oshowo ongundu yoSwapo, omolwa ekanitho ndyoka.Amushanga nale gwoInter-Parliamentary Union (IPU), Anders Johnson, okwa hokolola kutya nakusa okwa li ependafule ndyoka lyayambidhidha mboka yeli mompumbwe.Dantagob Gurirab okwa popi kutya ota kala aluhe nokudhimbuluka he omolwa eyambidhidho lye enene ndyoka a gandja kemanguluko lyaNamibia.Okwa tsilike kutya ye pamwe naamwayina otaya pandula omagano gahe ngoka ya pewa kuKalunga.Dantagob okwa popi kutya he okwa li omulumetu ngoka a simaneka omuthigululwakalo na okwa li ehole oshithima oshowo onyama ihe lwanima okwa ka shunitha pevi ohole ndjoka, omolwa uukundi.Omupresinde nale gwaNamibia, Hifikepunye Pohamba okwa popi kutya AaNamibia aluhe otaya kala ye na ongunga kuGurirab omolwa onkandangala onene ndjoka a dhana mekondjeomanguluko lyaNamibia.“Nonando otatu lili nena, otwa pumbwa okutyapula omwenyo gwe. Otwa ilongo oshindji okuza kuye pethimbo lyekondjelomanguluko,” Pohamba a popi. JEMIMA BEUKES

Oyendji taya tumbaleke Gurirab

Comments

Namibian Sun 2026-06-17

Please login to leave a comment

Oyendji taya tumbaleke Gurirab

Comments

Namibian Sun 2026-06-17

Please login to leave a comment

Subscription Required to Access Content ×

Login

Subscription Required to Access Content