Otamu shunithilwa iilonga yeni – Kawana
Ngoka ta longo pehala lyOminista yoohi nOonzo dhomOmeya, Albert Kawana okwa popi kutya ayehe mboka ya kanitha iilonga yawo onga oshizemo shehangano lyoNamsov sho lya kanitha ookota dhokukwata oohi kohi yelelo lyaminista nale, Bernhardt Esau otaya ka pewa iilonga.
Kawana okwa popi kutya okwa pewa elombwelo kOkabinete opo a kwashilipaleke kutya ayehe mboka ya kanitha iilonga yawo oya mona iilonga, na okwa popi ngaaka pethimbo a popitha aakalelipo yoshikondo shoka oshowo aaniilonga moKuisebmond mOmbaye oshiwike shika.
“Aaniilonga ayehe mboka naya shune miilonga, naandika elombwelo lya gandjwa kOmupresidende Hage Geingob. Oya mona iihuna ethimbo ele pamwe noofamili dhawo nethimbo olya thikana opo ya vule ishewe okutula omboloto poshitaafula.”
Kawana okwa popi kutya naaniilonga mboka ya kanitha iilonga yawo onga oshizemo shekanka lyaali paveta ndyoka ya ningi otaya ka pewa iilonga molwaashoka kehe gumwe omuntu na ita vulu okugeelwa onkalamwenyo ye ayihe omolwa omapuko e ga ningi.
“Kape na omuntu moNamibia a pumbwa okukala a sa ondjala nenge e li moluhepo noonzo dhoshilongo shika odha pumbwa okugandja uuwanawa kAaNamibia ayehe.”
Kawana okwa popi kutya nonando oshipotha shoFishrot osha geyitha oyendji, kehe gumwe na ethe ompango yi holole oshizemo sha hugunina.
Osha lopotwa kutya ekanitho lyiilonga moshikondo shoohi muule woomvula dha piti, olya etithwa kuEsau ngoka a lundululile egandjo lyookota dhokukwata oohi kwaamboka taya kwatakanithwa noshipotha shoFishrot.
Otaku hokololwa kutya ehangano lyaIceland lyedhina Samherji olya futa oshimaliwa sha thika poomiliyona dhaNamibia 150 moombumbo opo Ii vule okumona ookota dhokukwata oohi moNamibia.
Mboka ya tulwa modholongo omolwa oshipotha shoka pamwe naEsau, ominista nale Sacky Shanghala, omunashipundi nale gwoFishcor James Hatuikulipi, omuniilonga pamwe naye nale mehangano lyoInvestec Namibia, Ricardo Gustavo, oshitenya shaEsau, Tamson 'Fitty' Hatuikulipi oshowo Pius 'Taxa' Mwatelulo.
Kawana ngoka a pewa oshinakugwanithwa shokukuthako manga elelo lyoshikondo shoohi kuGeingob omwedhi gwa piti, okwa pulwa a talulule iikumungu niilonga yoshikondo shoka oshowo ehangano lyoFishcor, muule woomvula omulongo dha piti.
Kawana okwa pula omahangano gaaniilonga agehe ga tsakanene naye mEtiyali lyoshiwike twa taalela mombelewa ye potundi onti 10:00.
Omuhogololwa iithikamena momahogololo guukansela moshikandjohogololo shaWalvis Urban Constituency, Knowledge Ipinge okwa pula Kawana opo a ningilule omatsokumwe nomilandu, muuwanawa wiikandjohogololo 121 moshilongo opo iikandjohogololo yi vule okumona uuwanawa ihe itaku pitilwa momahangano gopaumwene.
Ipinge okwa hala woo ookota dhokukwata oohi dhi pewe oshikandjohogololo shaWalvis Urban Constituency opo ku nkondopekwe aaniilonga yomomeya oshowo aaniilonga yomoofakitoli mboka ya kanitha iilonga yawo pethimbo lyelelo lyaEsau.
“Shika otashi ka kalapo onga iifuta yokonima omolwa ekanitho lyiiyemo uule woomvula adhihe ndhoka naamboka taya shunwa miilonga naya shunwe miilonga meendelelo,” Ipinge a popi kutya oompito dhiilonga dha thika po 2 000 tadhi kalele nadhi totwepo meendelelo.
Okwa pula woo omagwedhelo goondjambi dhaaniilonga yomomeya nelundululo lyonkalo yawo yiilonga, oshowo etotepo lyoompito dhomailongo dha thika po 500 kehe omvual kaanyasha yomoshikandjohogololo.
Ipinge okwa ningi woo omaatilitho gokuta oshikondo shoohi oshowo Namport okuza momasiku 21 gaMaalitsa omvula twa taalela ngele Kawana inaya ka kundathana muule womasiku gaheyali.
ADOLF KAURE
“Aaniilonga ayehe mboka naya shune miilonga, naandika elombwelo lya gandjwa kOmupresidende Hage Geingob. Oya mona iihuna ethimbo ele pamwe noofamili dhawo nethimbo olya thikana opo ya vule ishewe okutula omboloto poshitaafula.”
Kawana okwa popi kutya naaniilonga mboka ya kanitha iilonga yawo onga oshizemo shekanka lyaali paveta ndyoka ya ningi otaya ka pewa iilonga molwaashoka kehe gumwe omuntu na ita vulu okugeelwa onkalamwenyo ye ayihe omolwa omapuko e ga ningi.
“Kape na omuntu moNamibia a pumbwa okukala a sa ondjala nenge e li moluhepo noonzo dhoshilongo shika odha pumbwa okugandja uuwanawa kAaNamibia ayehe.”
Kawana okwa popi kutya nonando oshipotha shoFishrot osha geyitha oyendji, kehe gumwe na ethe ompango yi holole oshizemo sha hugunina.
Osha lopotwa kutya ekanitho lyiilonga moshikondo shoohi muule woomvula dha piti, olya etithwa kuEsau ngoka a lundululile egandjo lyookota dhokukwata oohi kwaamboka taya kwatakanithwa noshipotha shoFishrot.
Otaku hokololwa kutya ehangano lyaIceland lyedhina Samherji olya futa oshimaliwa sha thika poomiliyona dhaNamibia 150 moombumbo opo Ii vule okumona ookota dhokukwata oohi moNamibia.
Mboka ya tulwa modholongo omolwa oshipotha shoka pamwe naEsau, ominista nale Sacky Shanghala, omunashipundi nale gwoFishcor James Hatuikulipi, omuniilonga pamwe naye nale mehangano lyoInvestec Namibia, Ricardo Gustavo, oshitenya shaEsau, Tamson 'Fitty' Hatuikulipi oshowo Pius 'Taxa' Mwatelulo.
Kawana ngoka a pewa oshinakugwanithwa shokukuthako manga elelo lyoshikondo shoohi kuGeingob omwedhi gwa piti, okwa pulwa a talulule iikumungu niilonga yoshikondo shoka oshowo ehangano lyoFishcor, muule woomvula omulongo dha piti.
Kawana okwa pula omahangano gaaniilonga agehe ga tsakanene naye mEtiyali lyoshiwike twa taalela mombelewa ye potundi onti 10:00.
Omuhogololwa iithikamena momahogololo guukansela moshikandjohogololo shaWalvis Urban Constituency, Knowledge Ipinge okwa pula Kawana opo a ningilule omatsokumwe nomilandu, muuwanawa wiikandjohogololo 121 moshilongo opo iikandjohogololo yi vule okumona uuwanawa ihe itaku pitilwa momahangano gopaumwene.
Ipinge okwa hala woo ookota dhokukwata oohi dhi pewe oshikandjohogololo shaWalvis Urban Constituency opo ku nkondopekwe aaniilonga yomomeya oshowo aaniilonga yomoofakitoli mboka ya kanitha iilonga yawo pethimbo lyelelo lyaEsau.
“Shika otashi ka kalapo onga iifuta yokonima omolwa ekanitho lyiiyemo uule woomvula adhihe ndhoka naamboka taya shunwa miilonga naya shunwe miilonga meendelelo,” Ipinge a popi kutya oompito dhiilonga dha thika po 2 000 tadhi kalele nadhi totwepo meendelelo.
Okwa pula woo omagwedhelo goondjambi dhaaniilonga yomomeya nelundululo lyonkalo yawo yiilonga, oshowo etotepo lyoompito dhomailongo dha thika po 500 kehe omvual kaanyasha yomoshikandjohogololo.
Ipinge okwa ningi woo omaatilitho gokuta oshikondo shoohi oshowo Namport okuza momasiku 21 gaMaalitsa omvula twa taalela ngele Kawana inaya ka kundathana muule womasiku gaheyali.
ADOLF KAURE
Comments
Namibian Sun
No comments have been left on this article