Oskola yaMweshipandeka ya patwa omolwa oCovid-19
Oshikondo shelongo mOshitopolwa shaShana osha kaleke ootundi mosekundoskola yaMweshipandeka mOngwediva sha landula sho omunaskola gumwe a monika ombuto yo Covid-19.
ILENI NANDJATO
ONGWEDIVA
Aalongi otaya kala miilonga naanaskola mboka haya zi momuhandjo otaya kala moskola omanga aanaskola mboka haya zi komagumbo taya kala komagumbo. Etseyitho ndyoka olya ningwa komukomeho gwelongo moshitopolwa shaShana, Hileni Amukana.
Oshikondo shelongo osha tseyitha kutya omunaskola omulumentu gwoomvula 20 okwa li a zi kOmbaye hoka a li a kala nahe, na okwe ya moshitopolwa shaShana momasiku gatano gaJuni.
“Okwiilopota koskola opo a tameke ootundi ihe okwa tumwa kegumbo nokulopotwa komalelo guundjolowele, na okwiikalekelwa mendiki lyoRural Development Centre (RDC) mOngwediva.
“Okwa kala ta konaakonwa opo ku talike ngele ota monika omadhidhiliko gocorona ihe ina monika edhidhiliko lya sha sho a kala mendiki ndyoka omasiku ge vulithe po 14.”
Okwa ningilwa omakonaakono goCovid-19 momasiku 22 gaJuni na okwa monika ombuto ndjoka, sha landula iizemo mbyoka ya piti momasiku 29 gaJuni.
“Natango okwiikalekelwa na okwa tegelelwa a lundululilwe kendiki lyokwiikalela moshipangelo shaShakati.”
Amukana okwa popi kutya ootundi moskola ndjoka odha kalekwa naanaskola mboka haya kala momuhandjo otaya kala momuhandjo sigo iizemo yawo ya pitithwa.
ONGWEDIVA
Aalongi otaya kala miilonga naanaskola mboka haya zi momuhandjo otaya kala moskola omanga aanaskola mboka haya zi komagumbo taya kala komagumbo. Etseyitho ndyoka olya ningwa komukomeho gwelongo moshitopolwa shaShana, Hileni Amukana.
Oshikondo shelongo osha tseyitha kutya omunaskola omulumentu gwoomvula 20 okwa li a zi kOmbaye hoka a li a kala nahe, na okwe ya moshitopolwa shaShana momasiku gatano gaJuni.
“Okwiilopota koskola opo a tameke ootundi ihe okwa tumwa kegumbo nokulopotwa komalelo guundjolowele, na okwiikalekelwa mendiki lyoRural Development Centre (RDC) mOngwediva.
“Okwa kala ta konaakonwa opo ku talike ngele ota monika omadhidhiliko gocorona ihe ina monika edhidhiliko lya sha sho a kala mendiki ndyoka omasiku ge vulithe po 14.”
Okwa ningilwa omakonaakono goCovid-19 momasiku 22 gaJuni na okwa monika ombuto ndjoka, sha landula iizemo mbyoka ya piti momasiku 29 gaJuni.
“Natango okwiikalekelwa na okwa tegelelwa a lundululilwe kendiki lyokwiikalela moshipangelo shaShakati.”
Amukana okwa popi kutya ootundi moskola ndjoka odha kalekwa naanaskola mboka haya kala momuhandjo otaya kala momuhandjo sigo iizemo yawo ya pitithwa.
Comments
Namibian Sun
No comments have been left on this article