Oskola ya Moussongela miikundaneki natango

Oskola ndjoka oya totwapo komusita omukwashigwana gwaCongo, Pedro Marcelino Moussongela, ngoka a pewa egeelo lyokukala mondholongo omvula ya piti, omolwa iipotha yiikengelela oshowo okuya pondje ompango yomatembu yaNamibia.Omusita ngoka ota pangulilwa woo iipotha yeyako lyaantu, ekwatonkonga oshowo eponokelo kolutu neningo lyomatilitho.Omulongiskola poskola ndjoka, Nghiimodino Toivo (29), okwa holoka mompangulilo yamangestrata gwaHangwena momasiku gaali gaMaalitsa, ta pangulilwa iipotha yomiyonena dhopaihulo ndhoka a ningile aanona mboka, na okwa tindilwa omboloha. Omakonaaakono gopolisi otaga tsikile.Omupopiliko gwopolisi yaHangwena, Warrant Officer Abner Kaume Itumba, okwa popi kutya Toivo okwa tulwa miipandeko mesiku lyotango lyaMaalitsa.“Toivo okwa tuwa miipandeko konima sho aavali yaanona omulongo ya tulamo iipotha omolwa omiyonena ndhoka dha ningilwa aanona mboka momuhadjo gwoskola ndjoka. Omiyonena odha longwa pokati ko 2016 no 2018. Omakonaakono gopolisi moshipotha shoka otaga tsikile.”Ongundu yompilameno yopambelewa moshilongo yoPopular Democratic Movement (PDM), oya shangele ombaapila omukomeho gwelongo moshitopolwa shaHangwena, tayi pula opo oskola ndjoka yi patwe. Omukwatakanithi gwongundu moshitopolwa shoka, Hidipo Hamata, okwa popi kutya oskola yaMennonite Brethren oyi Ii ya nika oshiponga moshigwana onkene otashi kala nawa ngele tayi patwa.Petameko lyomvula ya piti, oshifokundaneki shoNamibia Sun osha pititha onkundana kutya oskola ndjoka oya kanitha aanaskola ya thika po 200 konima nkene Moussongela a tulwa miipandeko.Oskola ndjoka ohayi mono eyambidhidho okuza kuuministeli welongo, nomvula ya piti, oskola oya shangithwa opo yi vule okukala endiki lyekonaakono lyondondo onti 10.Ngoka ta longo pehala lyomukomeho gwelongo moHangwena, Hiuzon Shingenge, okwa popi kutya oshikondo shelongo otashi konaakona oskola ndjoka. Ngoka ta longo pehala lyomukuluntuskola, Ngoie-A-Ngoie, ina vula okumonika.MuAguste gwomvula ya piti, ompangulilo yamangestrata mEenhana oya gandja egeelo kuMoussongela, opo a kale mondholongo oomvula 9 omolwa iipotha itatu yekengelelo.Mangestrata Helvi Shilemba okwa gandja woo natango egeelo lyokufuta oshimaliwa N$16 000, nenge oomvula ntano mondholongp omolwa iipotha yokukuta miilonga aazaizai yaahena uuthemba wokukala moshilongo.Moussongela okwa monika woo ondjo miipotha yetaaguluko lyompango yomatembu, sho a ningi omikanda dhiikengelela dhuunona wa valelwa pondje yoshilongo, mboka a popi kutya uunona we, na okwa holeke uunzapo wuukwashigwana waanona mboka.Pethimbo a tulwa miiandeko monooli, okwa li pondje yondholongo sho a pewa omboloha mompangulilo yamangetrata gwaVenduka, omolwa oshipotha sheyako lyaanona ye yatano,mboka a yakele koEngland.ILENI NANDJATO

Oskola ya Moussongela miikundaneki natango

Comments

Namibian Sun 2025-05-08

Please login to leave a comment

Oskola ya Moussongela miikundaneki natango

Comments

Namibian Sun 2025-05-08

Please login to leave a comment

Login