Oskola moKavango ya taalela oshiponga shomayoka noombuku
Oskola yomuushayi moshitopolwa shaKavango East oyi li ya taalela onkalo ya dhigupala, ngaashi oshiponga shokulika komayoka noombuku, dhoka tadhi yonagulapo omambo, oshowo elongitho lyiihwa mokwiikwathela nefaulo kotundi.
Momwedhi Juni omvula ya piti, oshifokundaneki shoNamibian Sun osha talele po oskola yedhina Shinunga Junior Primary School, tayi adhika oshinano shookilometa 120 muuzilo wondoolopa yaRundu moshikandjohogololo Mashare, moka aanaskola taya longelwa moondunda dhopamuthigululwakalo dhoka dha tungwa po kaavali oomvula dha piti.
Pethimbo ndyoka omukuluntuskola, Karupu Sebastian Kashindereki okwa li a popi kombinga yomashongo ngoka ga taalela oskola yawo na okwa li a pula omakwatho unene omatungo.
Omashongo nomaupyakadhi ngoka ga taalela oskola ongaashi ompumbwe yoongulu dhoskola, oombuku dhoka tadhi yonagulapo omambo oshowo oshiponga shokuponokelwa komayoka sho oondunda dhoka dhopamuthigululwakalo tamu vulu okupita omayoka.
Oskola kayi na uundjugo naalongi opamwe naanaskola otaya thiminikwa konkalo opo ya longithe iihwa uuna yahala okwiikwathela. Nonando ngaaka sho oshifokundaneki sha talelepo ishewe oskola omathimbo ngaka, kape na omalunduluko gasha ngoka ga ningwa shooskola ndjoka tayi tsikile nokutaalela omashongo ngoka.
Kashindereki okwa popi kutya oshiwike sha piti oya a dha eyoka mongulu yimwe po na oye shi pondola oku li dhipaga naanaskola.
Omukuluntuskola okwa popi kutya omayoka otage ya moondunda dhoka molwaashoka odha yonagulwa koombuku moombuli.
Okwa tsikile kutya omvula nayo otayi etitha uupyakadhi poskola yawo, ta popi kutya ongushu yelongo otayi yiwa moshipala poskola ndjoka.
Okwa popi kutya aanaskola ohaye ya ya tuta mootundi sho ya lokwa, nenge taye ya ya lata nootundi odha kalekwa manga omolwa omvula onene ndjoka ya loko.
“Pethimbo lyomvula ihatu kala nootundi nawa,” Kashindereki a popi.
Sho a ningilwa omapulo omvula ya piti, omukomeho gwelongo moshitopolwa shaKavango east, Fanuel Kapapero okwa li a popi kutya oshikondo shawo oshi na ontseyo kombinga yonkalo poskola ndjoka, ihe itashi kala etokolo lyonawa paliko ngele oya tungupo oongulu tadhi kalele poskola mpoka, omolwa omwaalu omushona gwaanaskola ngoka ye wete woo kutya otagu ka shuna pevi.
Oskola ndjoka ngashiinge oyi na aanaskola 51 okuza paanaskola 68 mboka ya li poskola ndjoka omvula ya piti.
Kakele kokupula etungo li li pamuthika guli nawa poskola ndjoka, Kashindereki ota pula woo aasihenda ya kwathele aanaskola nomizalo dhoskola oshowo iipumbiwa melongo.
KENYA KAMBOWE
Pethimbo ndyoka omukuluntuskola, Karupu Sebastian Kashindereki okwa li a popi kombinga yomashongo ngoka ga taalela oskola yawo na okwa li a pula omakwatho unene omatungo.
Omashongo nomaupyakadhi ngoka ga taalela oskola ongaashi ompumbwe yoongulu dhoskola, oombuku dhoka tadhi yonagulapo omambo oshowo oshiponga shokuponokelwa komayoka sho oondunda dhoka dhopamuthigululwakalo tamu vulu okupita omayoka.
Oskola kayi na uundjugo naalongi opamwe naanaskola otaya thiminikwa konkalo opo ya longithe iihwa uuna yahala okwiikwathela. Nonando ngaaka sho oshifokundaneki sha talelepo ishewe oskola omathimbo ngaka, kape na omalunduluko gasha ngoka ga ningwa shooskola ndjoka tayi tsikile nokutaalela omashongo ngoka.
Kashindereki okwa popi kutya oshiwike sha piti oya a dha eyoka mongulu yimwe po na oye shi pondola oku li dhipaga naanaskola.
Omukuluntuskola okwa popi kutya omayoka otage ya moondunda dhoka molwaashoka odha yonagulwa koombuku moombuli.
Okwa tsikile kutya omvula nayo otayi etitha uupyakadhi poskola yawo, ta popi kutya ongushu yelongo otayi yiwa moshipala poskola ndjoka.
Okwa popi kutya aanaskola ohaye ya ya tuta mootundi sho ya lokwa, nenge taye ya ya lata nootundi odha kalekwa manga omolwa omvula onene ndjoka ya loko.
“Pethimbo lyomvula ihatu kala nootundi nawa,” Kashindereki a popi.
Sho a ningilwa omapulo omvula ya piti, omukomeho gwelongo moshitopolwa shaKavango east, Fanuel Kapapero okwa li a popi kutya oshikondo shawo oshi na ontseyo kombinga yonkalo poskola ndjoka, ihe itashi kala etokolo lyonawa paliko ngele oya tungupo oongulu tadhi kalele poskola mpoka, omolwa omwaalu omushona gwaanaskola ngoka ye wete woo kutya otagu ka shuna pevi.
Oskola ndjoka ngashiinge oyi na aanaskola 51 okuza paanaskola 68 mboka ya li poskola ndjoka omvula ya piti.
Kakele kokupula etungo li li pamuthika guli nawa poskola ndjoka, Kashindereki ota pula woo aasihenda ya kwathele aanaskola nomizalo dhoskola oshowo iipumbiwa melongo.
KENYA KAMBOWE
Comments
Namibian Sun
No comments have been left on this article