Oshiwike oshiwinayi
04 September 2019 | Police And Crime
Opolisi yaNamibia otayi konaakona iipotha yi na sha neso lyaantu 18 mboka ya hulitha muule woshiwike shimwe, mwakwatelwa aantu 15 mboka ya hulithile miiponga yiihauto, omanga aakiintu yaali ya sile momake goohonda dhawo, nomulumentu gumwe okwa tsuwa sigo omeso sha landula oontamanana.
Olopota yopolisi ndjoka ya pitithwa mOmaandaha oya holola kutya aantu yahamano oya hulitha konima sho iihauto yiidhenge mumwe oshinano shookilometa 50 okuza moUsakos mEtitatu lyoshiwike sha piti, moonakusa omwa kwatelwa omukokele, omonakadhona oshowo aatekulu ye yaali, uunona wuukadhona woomvula hetatu oshowo omvula yimwe. Metitano omuhingi okwa kanitha okondolola yohauto yoNussan pokati kOutjo noKamanjab, noshiponga shoka osha faalela oomweyo dhaantu yahamano, mwakwatelwa aanona aashona yatatu. Opolisi natango oya patulula iipotha yomadhipago gaashi goshiningilawina mehuliloshiwike, sho aayendi yokolupadhi yaali ya lyatwa kiiyenditho.
Molyomakaya, Fransika Eises (15) okwa lyatwa kohauto mOkahandja. Omuhingi gwoshiyendthoo shoka okwa yi ontuku okuza pehala lyoshiponga na okwiipumu natango moshihauto shimwe nokonima okwiidhenge megumbo nokuza mo mohauto koompadhi na okwa yi ontuku. Kape na ngoka a tulwa miipandeko nopolisi oya patulula oshipotha shedhipago lyaashi lyoshiningilawina, okuhinga nuuhasha nendopo okuthikama pehala lyoshiponga. Okwa patululwa natango oshipotha shedhipago lyaashi lyoshiningilawina mOlyomakaya, konima shoMokahurua Tjikurame (24) a pumwa nokudhipagwa komuhingi keena omukanda gwokuhinga mOkakarara.
Mehuliloshiwike omukiintu okwa hulitha natango sho a lyatwa kohauto yOmashete yelelo lyOndoolopa yaMuthiya, omanga a li ta taaguluka ondjila pokati kOmuthiya nOndangwa. Opolisi otayi konaakona woo iipotha iyali yomadhipago moka omukiintu gwoomvula 31 a hulitha mOshakati mOlyomakaya konima sho a dhipagwa komumati gwe gwoomvula 31. Omulumentu ngoka okwa li a yi ontuku na okwa tulwa miipandeko mOsoondaha.
Opolisi natango otayi konaakona oshipotha shedhipago, sho Hanguwo Otiilie Mwatteuvi (36) a dhipagwa komulumentu gwe gwoomvula 54, sho e mu tete omuligu mOsondaha. Oshipotha shedhipago osha patululwa moKarasburg sha landula eso lyaJohn Matroos (28) ngoka a hulitha konima sho a tsuwa nombele. Omunamimvo 25 okwa tulwa miipandeko. Otaku hokololwa kutya aalumentu mboka yaali oya li taya kondjo, sho nakusa a dhenge aniwa okanona komufekelwa.
Okwa patululwa oshipotha shekwatonkonga mEtiyali lyoshiwike sha piti, sho okanona kokakadhona koomvula 12 kwa kwatwa onkonga momukunda Mupini moKavango west. Omufekelwa omunamimvo 49 okwa tulwa miipandeko na okwa holoka komeho yompangu moRundu mOmaandaha. Aalumentu yaaali oya tulwa miipandeko mOmbaye konima sho ya adhika nomayego goondjamba gaali. Oonakutulwa miipandeko aanamimvo 47 oshowo 51.
Omulumentu okwa tulwa miipandeko konima sho omukiintu gwoomvula 28 pamwe nokanona ke komvula yimwe ya gu mohauto ndjoka a li ta hingi, na okwa ndopa okuthikama nokugandja ekwatho. Ayehe yaali oya falwa moshipangelo shaMuthiya.
JANA-MARI SMITH
Olopota yopolisi ndjoka ya pitithwa mOmaandaha oya holola kutya aantu yahamano oya hulitha konima sho iihauto yiidhenge mumwe oshinano shookilometa 50 okuza moUsakos mEtitatu lyoshiwike sha piti, moonakusa omwa kwatelwa omukokele, omonakadhona oshowo aatekulu ye yaali, uunona wuukadhona woomvula hetatu oshowo omvula yimwe. Metitano omuhingi okwa kanitha okondolola yohauto yoNussan pokati kOutjo noKamanjab, noshiponga shoka osha faalela oomweyo dhaantu yahamano, mwakwatelwa aanona aashona yatatu. Opolisi natango oya patulula iipotha yomadhipago gaashi goshiningilawina mehuliloshiwike, sho aayendi yokolupadhi yaali ya lyatwa kiiyenditho.
Molyomakaya, Fransika Eises (15) okwa lyatwa kohauto mOkahandja. Omuhingi gwoshiyendthoo shoka okwa yi ontuku okuza pehala lyoshiponga na okwiipumu natango moshihauto shimwe nokonima okwiidhenge megumbo nokuza mo mohauto koompadhi na okwa yi ontuku. Kape na ngoka a tulwa miipandeko nopolisi oya patulula oshipotha shedhipago lyaashi lyoshiningilawina, okuhinga nuuhasha nendopo okuthikama pehala lyoshiponga. Okwa patululwa natango oshipotha shedhipago lyaashi lyoshiningilawina mOlyomakaya, konima shoMokahurua Tjikurame (24) a pumwa nokudhipagwa komuhingi keena omukanda gwokuhinga mOkakarara.
Mehuliloshiwike omukiintu okwa hulitha natango sho a lyatwa kohauto yOmashete yelelo lyOndoolopa yaMuthiya, omanga a li ta taaguluka ondjila pokati kOmuthiya nOndangwa. Opolisi otayi konaakona woo iipotha iyali yomadhipago moka omukiintu gwoomvula 31 a hulitha mOshakati mOlyomakaya konima sho a dhipagwa komumati gwe gwoomvula 31. Omulumentu ngoka okwa li a yi ontuku na okwa tulwa miipandeko mOsoondaha.
Opolisi natango otayi konaakona oshipotha shedhipago, sho Hanguwo Otiilie Mwatteuvi (36) a dhipagwa komulumentu gwe gwoomvula 54, sho e mu tete omuligu mOsondaha. Oshipotha shedhipago osha patululwa moKarasburg sha landula eso lyaJohn Matroos (28) ngoka a hulitha konima sho a tsuwa nombele. Omunamimvo 25 okwa tulwa miipandeko. Otaku hokololwa kutya aalumentu mboka yaali oya li taya kondjo, sho nakusa a dhenge aniwa okanona komufekelwa.
Okwa patululwa oshipotha shekwatonkonga mEtiyali lyoshiwike sha piti, sho okanona kokakadhona koomvula 12 kwa kwatwa onkonga momukunda Mupini moKavango west. Omufekelwa omunamimvo 49 okwa tulwa miipandeko na okwa holoka komeho yompangu moRundu mOmaandaha. Aalumentu yaaali oya tulwa miipandeko mOmbaye konima sho ya adhika nomayego goondjamba gaali. Oonakutulwa miipandeko aanamimvo 47 oshowo 51.
Omulumentu okwa tulwa miipandeko konima sho omukiintu gwoomvula 28 pamwe nokanona ke komvula yimwe ya gu mohauto ndjoka a li ta hingi, na okwa ndopa okuthikama nokugandja ekwatho. Ayehe yaali oya falwa moshipangelo shaMuthiya.
JANA-MARI SMITH
Classifieds