Oshituthi shOshipe sha ningilwa mOnamundindi
Pethimbo lyoshituthi shokomumvo tashi ithanwa Oshipe, shoka sha ningilwa mOmukunda Onamundindi mOshikandjohogololo Ogongo, aanamapya oya tumbalekwa omolwa okulonga nuudhiginini.
Sho a tula miilonga opoloyeka Operation Tulongeni kuyele nuumvo, Omupresidende Hage Geingob okwa li a tsu omukumo aanamapya opo ya tameke okulonga momapya gawo sha landula omuloka, naashoka osha pandulwa pethimbo lyoshituthi shoka sha ningwa.
Oshituthi shoka shokomumvo, sha tseyika nedhina Oshipe, ohashi ningwa aluhe kehe omvula onga omukalo gwokupandula eteyo ewanawa ndyoka lya dhidhilikwa kaanamapya, nokuteleka iikulya yopamuthigululakalo mbyoka iipe opo ya zi momapya nokugandja woo olupandu kaathithi.
Nuumvo oshituthi shika osha ningilwa megumbo lyaMateus Iilonga momukunda Onamundindi mOgongo, pehala lya faathana mpoka pwali pa tulilwa miilonga komupresiende opoloyeka 'Operation Tulongeni'.
Sho a popi poshituthi shOshipe shoka, Omupevi Presidende
okwa popi kutya sha landula omuloka omuwanawa ngoka gwa dhidhilikwa moshitopolwa shaMusati nuumvo, aanamapya oya mono eteyo ewanawa na otali shambula naanamapya monena otaya tyapula iiyimati yiilonga yawo.
Mondjokonona, Iyambo okwa popi kutya oshipe osha totwapo kaakulu yonale onga omukalo gwokupandula Kalunga sho e ya yambeke niipalutha yokomumvo, nonkuluhedhi ndjoka oya simanekwa nokulandulwa koyendji unene monooli yoshilongo.
Okwa yelitha kutya Operation Tulongeni oshi li owala eyambidhidho okuza kepangelo opo ku tsuwe omukumo aanamapya ya longe nuudhiginini momapya gawo, yo ya vule okwiimonena iipalutha ya gwana moshilongo. Iyambo okwa tsikile kutya konyala oopresenda 70 dhAaNamibia odhiikolelela muunamapya nuuniimuna oshikondo shoka tashi gandja oompito dhiilonga koyendji nokuyambulapo eliko lyoshilongo.
Iyambo okwa popi woo kombinga yopogramma yuuministeli wuunamapya yoDry Land Crop Production Programme (DCPP) ndjoka ya tulwa miilonga mo-2008, ndjoka ya nuninwa okuyambidhidha aanamapya naaniimuna. Okwa popi kutya aanafaalama ngashiingeyi otaya mono ekwatho okuza koprogramma ndjoka uule woomvula mbali monena, noshimaliwa shoomiliyona dha thika po-20, oshiikalekelwa sha nuninwa omambakumbaku gepangelo, ngoka haga longithwa mokuyambidhidha aanamapya.
Ngoloneya gwaMusati, Erginus Endjala okwa pandula aanafaalama sho ya longo nuudhiginini , na okwa longitha ompito ndjoka okutseyitha kutya aanamapaya yamwe oya tokola okugandja yimwe po yomiilongomwa yawo yomomapya koompungulilo dhepangelo onga olupandu.
KENYA KAMBOWE
Oshituthi shoka shokomumvo, sha tseyika nedhina Oshipe, ohashi ningwa aluhe kehe omvula onga omukalo gwokupandula eteyo ewanawa ndyoka lya dhidhilikwa kaanamapya, nokuteleka iikulya yopamuthigululakalo mbyoka iipe opo ya zi momapya nokugandja woo olupandu kaathithi.
Nuumvo oshituthi shika osha ningilwa megumbo lyaMateus Iilonga momukunda Onamundindi mOgongo, pehala lya faathana mpoka pwali pa tulilwa miilonga komupresiende opoloyeka 'Operation Tulongeni'.
Sho a popi poshituthi shOshipe shoka, Omupevi Presidende
okwa popi kutya sha landula omuloka omuwanawa ngoka gwa dhidhilikwa moshitopolwa shaMusati nuumvo, aanamapya oya mono eteyo ewanawa na otali shambula naanamapya monena otaya tyapula iiyimati yiilonga yawo.
Mondjokonona, Iyambo okwa popi kutya oshipe osha totwapo kaakulu yonale onga omukalo gwokupandula Kalunga sho e ya yambeke niipalutha yokomumvo, nonkuluhedhi ndjoka oya simanekwa nokulandulwa koyendji unene monooli yoshilongo.
Okwa yelitha kutya Operation Tulongeni oshi li owala eyambidhidho okuza kepangelo opo ku tsuwe omukumo aanamapya ya longe nuudhiginini momapya gawo, yo ya vule okwiimonena iipalutha ya gwana moshilongo. Iyambo okwa tsikile kutya konyala oopresenda 70 dhAaNamibia odhiikolelela muunamapya nuuniimuna oshikondo shoka tashi gandja oompito dhiilonga koyendji nokuyambulapo eliko lyoshilongo.
Iyambo okwa popi woo kombinga yopogramma yuuministeli wuunamapya yoDry Land Crop Production Programme (DCPP) ndjoka ya tulwa miilonga mo-2008, ndjoka ya nuninwa okuyambidhidha aanamapya naaniimuna. Okwa popi kutya aanafaalama ngashiingeyi otaya mono ekwatho okuza koprogramma ndjoka uule woomvula mbali monena, noshimaliwa shoomiliyona dha thika po-20, oshiikalekelwa sha nuninwa omambakumbaku gepangelo, ngoka haga longithwa mokuyambidhidha aanamapya.
Ngoloneya gwaMusati, Erginus Endjala okwa pandula aanafaalama sho ya longo nuudhiginini , na okwa longitha ompito ndjoka okutseyitha kutya aanamapaya yamwe oya tokola okugandja yimwe po yomiilongomwa yawo yomomapya koompungulilo dhepangelo onga olupandu.
KENYA KAMBOWE
Comments
Namibian Sun
No comments have been left on this article