Oshipotha shotango shomukithi gwolisteriosis sha lopotwa moNamibia
Omulumentu gwoomvula 41, okuli a kwatwa kombakiteli yolisteriosis konima sho a li omuhaka ngoka a landa mostola yoonyama moTsumeb, oshiwike shika ihe okuli monkalo yanayipala ihe otayi nuwa omeya.
Shoka osha tseyithwa kuMinista Bernard Haufiku momutumba gwopaliamende yaandjetu. Ombakitelia ndjoka otayi taandele unene okuza moonyama dha kwewa na oya tukuka moSouth Afrika muJanuari, moka ya dhipaga aantu ye li 180. moAustralia ombakiteli ndjoka oya dhipaga aantu yane, nombakiteli ndjoka otaku popiwa kutya otayi kwatakanithwa nomakanuwa.
Haufiku okwa lombwele omutumba gwopashigwana kutya uuministeli owa pyakudhukwa okukondjitha etukuko lyombakiteli ndjoka, na okwa tulwa nale miilonga omilandu dhekandeko lyombakiteli ndjoka muJanuari.
Okwa kunkilile aantu yomoTsumeb moka tamu kadhimbulukilwa woo Esiku lyEmanguluko lyoshilongo nuumvo, kutya inaya lya oonyama ndhoka dha kwewa, oonyama dha talala ngaashi ooviennas noorussians.
“Aakonaakoni yetu otaya ka enda noostola adhihe nokukutha mo oonyama adhihe ndhoka taku fekelwa kutya odho tadhi taandelitha ombakitelia ndjoka, oshowo moondoolopa dhilwe moshilongo ashihe.” Minista a popi.
Minista okwa popi kutyaa nonando iilandithomwa yimwe mbyoka ya za moSouth Afrika otayi fekelelwa omukithi oya indikwa oku etwa moshilongo, omulandu gwa faathana itagu vulu okutulwa miilonga miilongomwa ya faathana. Oonyama dha pya nale ndhoka dha longwa kehangano lyoEnterprise Foods oshowo Rainbow Chicken moSouth Africa odho dha tothwa mo kutya otadhi taandelitha omukithi ngoka.
Omupeha omupopi megumbo lyopashigwana, Loide Kasingo okwa dhimbulukitha minista kutya aantu oyendji ohaya landa omihaka kaalandithi yomomapandaanda unene miitopolwa yomuushayi.
Omupopi megumbo lyopashigwana, okwa tseyithile minista opo a kwashilipaleke kutya aaniilonga ye oya thika nokiitopolwa yokuushayi.
JEMIMA BEUKES
Shoka osha tseyithwa kuMinista Bernard Haufiku momutumba gwopaliamende yaandjetu. Ombakitelia ndjoka otayi taandele unene okuza moonyama dha kwewa na oya tukuka moSouth Afrika muJanuari, moka ya dhipaga aantu ye li 180. moAustralia ombakiteli ndjoka oya dhipaga aantu yane, nombakiteli ndjoka otaku popiwa kutya otayi kwatakanithwa nomakanuwa.
Haufiku okwa lombwele omutumba gwopashigwana kutya uuministeli owa pyakudhukwa okukondjitha etukuko lyombakiteli ndjoka, na okwa tulwa nale miilonga omilandu dhekandeko lyombakiteli ndjoka muJanuari.
Okwa kunkilile aantu yomoTsumeb moka tamu kadhimbulukilwa woo Esiku lyEmanguluko lyoshilongo nuumvo, kutya inaya lya oonyama ndhoka dha kwewa, oonyama dha talala ngaashi ooviennas noorussians.
“Aakonaakoni yetu otaya ka enda noostola adhihe nokukutha mo oonyama adhihe ndhoka taku fekelwa kutya odho tadhi taandelitha ombakitelia ndjoka, oshowo moondoolopa dhilwe moshilongo ashihe.” Minista a popi.
Minista okwa popi kutyaa nonando iilandithomwa yimwe mbyoka ya za moSouth Afrika otayi fekelelwa omukithi oya indikwa oku etwa moshilongo, omulandu gwa faathana itagu vulu okutulwa miilonga miilongomwa ya faathana. Oonyama dha pya nale ndhoka dha longwa kehangano lyoEnterprise Foods oshowo Rainbow Chicken moSouth Africa odho dha tothwa mo kutya otadhi taandelitha omukithi ngoka.
Omupeha omupopi megumbo lyopashigwana, Loide Kasingo okwa dhimbulukitha minista kutya aantu oyendji ohaya landa omihaka kaalandithi yomomapandaanda unene miitopolwa yomuushayi.
Omupopi megumbo lyopashigwana, okwa tseyithile minista opo a kwashilipaleke kutya aaniilonga ye oya thika nokiitopolwa yokuushayi.
JEMIMA BEUKES
Comments
Namibian Sun
No comments have been left on this article