Oshipotha shekwatonkonga sha kankama uule womwedhi 18
Konima yoomwedhi 18 sho Shintango Mbambi a tulwa miipandeko ta tamanekelwa oshipotha shekwatononga, omakonaakono goDNA inaga yakulwa natango okuza koNational Forensic Science Institute.
28 July 2020 | Local News
KENYA KAMBOWE
RUNDU
Omunamimvo 36, Shintango Mbambi, omupangi nale moshipangelo shepangelo moRundu, ota tamanekelwa kutya okwa gandja oompela nokukwata onkonga omunamimvo 56, ngoka a li kepango lyoTB, sha ningwa momvula yo 2018.
Omupangwa ngoka okwa lopota oshiningwanima shoka komalelo goshipangelo, nomakonaakono gomeni oga ningwa. Oshiningwanima osha lopotwa kopolisi ndjoka ya patulula oshipotha pehala lyomuntu ngoka.
Omunambelelwa omukomeho guuministeli wuundjolowele, Ben Nangombe okwa koleke omvula ya piti kutya Mbambi okwiikutha miilonga omanga e li mondjeedhilililo.
Nonando ongaaaka konima sho a tulwa miipandeko omwedhi 18, inaku yakulwa natango iizemo yoDNA. Mbambi okwa pewa omboloha yoshimaliwa shooN$5 000 mompangulilo yaMangestrata gwaRundu momasiku gaali gaKotomba mo 2019 kumangestrata Sonia Samupofu. Omilandu dhomboloha ina pitikwa okwiidhopa momakonaakono gopolisi, na ota kala tiilopota kopolisi yaRundu, Etitano kehe pokati ko08:00 no 12:00.
Okwa kalelwapo kuhahende gwoLegal Aid,
Ricardo Mukonda, omanga Variety Matamata a kalela po epangelo.
Mbambi okwa holoka mompangulilo momasiku 14 gaMay, noshipotha she osha undulilwa komasiku gatatu gaAuguste.
Oshipotha shaMbambi oshimwe shomiipotha a nkankama moompangulilo shaNamibia omolwa ekateko okuza koNFSI.
Oshifokundaneki shoNamibia Sun osha konaakona kutya oNFSI ndjoka ya totwapo momasiku 23 Juni mo 1993, oya lalakanena okuninga omakonaakono gomaumbangi nokukonaakona omahala gomiyonena.
Oshiputudhilo shika osha taaalela ompumbwe yoshimaliwa.
Oshimaliwa shoka haya mono komvula oshi li poomiliyona 3.5 omanga taya pumbwa oshimaliwa shoomiliyona 20.9.
[email protected]
RUNDU
Omunamimvo 36, Shintango Mbambi, omupangi nale moshipangelo shepangelo moRundu, ota tamanekelwa kutya okwa gandja oompela nokukwata onkonga omunamimvo 56, ngoka a li kepango lyoTB, sha ningwa momvula yo 2018.
Omupangwa ngoka okwa lopota oshiningwanima shoka komalelo goshipangelo, nomakonaakono gomeni oga ningwa. Oshiningwanima osha lopotwa kopolisi ndjoka ya patulula oshipotha pehala lyomuntu ngoka.
Omunambelelwa omukomeho guuministeli wuundjolowele, Ben Nangombe okwa koleke omvula ya piti kutya Mbambi okwiikutha miilonga omanga e li mondjeedhilililo.
Nonando ongaaaka konima sho a tulwa miipandeko omwedhi 18, inaku yakulwa natango iizemo yoDNA. Mbambi okwa pewa omboloha yoshimaliwa shooN$5 000 mompangulilo yaMangestrata gwaRundu momasiku gaali gaKotomba mo 2019 kumangestrata Sonia Samupofu. Omilandu dhomboloha ina pitikwa okwiidhopa momakonaakono gopolisi, na ota kala tiilopota kopolisi yaRundu, Etitano kehe pokati ko08:00 no 12:00.
Okwa kalelwapo kuhahende gwoLegal Aid,
Ricardo Mukonda, omanga Variety Matamata a kalela po epangelo.
Mbambi okwa holoka mompangulilo momasiku 14 gaMay, noshipotha she osha undulilwa komasiku gatatu gaAuguste.
Oshipotha shaMbambi oshimwe shomiipotha a nkankama moompangulilo shaNamibia omolwa ekateko okuza koNFSI.
Oshifokundaneki shoNamibia Sun osha konaakona kutya oNFSI ndjoka ya totwapo momasiku 23 Juni mo 1993, oya lalakanena okuninga omakonaakono gomaumbangi nokukonaakona omahala gomiyonena.
Oshiputudhilo shika osha taaalela ompumbwe yoshimaliwa.
Oshimaliwa shoka haya mono komvula oshi li poomiliyona 3.5 omanga taya pumbwa oshimaliwa shoomiliyona 20.9.
[email protected]
Classifieds