Oshipotha shedhipago tali tamanekelwa AaChina shi li ko muAguste

KENYA KAMBOWE RUNDU Aachina yaali Xuefeng Chen (30) oshowo Zhenhai Zhou (32), mboka taya tamanekelwa moshipotha shedhipago lyomuniilonga momukunda Andara moshitopolwa shaKavango East sho ye mu yaha oomwedhi 14 dha piti ngashiingeyi, okwa tegelelwa ya holoke mompangu muAguste nuumvo. Chen naZhou oya holoka komeho yamangestrata Sonia Sampofu momasiku 18 gaJuni mompangulilo yaMukwe noshipotha shawo osha undulilwa komasiku ga 8 gaAguste. Otaya kala modholongo. Aalumentu mboka yaali ya tulwa miipandeko momasiku 17 gaApilili mo 2019 konima sho ya yaha Muyevu Andreas Haushiku meni lyostola yawo momukunda Andara. Olopota yopetameko yopolisi oshowo omahokololo goombangi oga holola kutya aalumentu mboka yatatu oya li taya tamanana omolwa ondjambi yanakusa ndjoka ina futwa konima sho a kuthwa miilonga.Otaku popiwa kutya aafamanekwa oya yaha nakusa iikando ine na oye mu e tha a se a fa ombwa, pamapopyo gahe Bonifatius Hauthiku Muhapiri, pethimbo lyoonkundathana a ningwa naye muKotomba gwomvula ya piti. MuSepetemba gwo 2019 pethimbo lyaatamanekwa mboka ya ningi eindilo lyomboloha oya popi kutya oya li taya igamene sho ya ponokelwa nohamala kunakusa. “Elalakano lyandje kalya li okudhipaga ihe onda kutha mo ondjembo yandje sho nda mono nakusa ta kambadhala okudhenga Chen nohamala momutse. Kanda li nda hala okumudhipaga ihe onda li owala nda hala okumu yaha kokwaako hoka ku na ohamala.” Epangelo olya popi kutya eipopilo lyaatamanekwa olya totwapo. Oonakutamanekwa mboka ye na oongeshefa dha yooloka moKavango, oyiipopile kutya oya hala okumangululwa molwaashoka oongeshefa dhawo otadhi mono iihuna, na oya pyakudhukwa okufuta omboloha yooN$100 000 kehe gumwe. Mangestrata Sampofu okwa tindi omboloha. Pauyelele wompangu, epangelo olya holola kutya omakonaakono oga manithwa ihe olopota yoballistics inayi manithwa natango, ihe okwa hololwa kutya shoka inati yi moshipala okuya komeho nepangulo, kwiikwatelelwa kontopolwa onti 119 yoCriminal Procedure Act. MuFebruali oNamibian Sun oya lopota kutya ompumbwe yiiyemo oshowo aaniilonga otayi etitha ekateko memanitho lyoolopota dhomakonaakono moNational Forensic Science Institute (NFSI). Omukomeho gwoNFSI, Komufala Paul Ludik, okwa popi kutya oya pumbwa oshimaliwa sha thika poomiliyona 198.

Oshipotha shedhipago tali tamanekelwa AaChina shi li ko muAguste

Comments

Namibian Sun 2025-09-19

Please login to leave a comment

Oshipotha shedhipago tali tamanekelwa AaChina shi li ko muAguste

Comments

Namibian Sun 2025-09-19

Please login to leave a comment

Login