Oshipotha shedhipago sha kuthwamo manga
TUYEIMO HAIDULA
OSHAKATI
Omulumentu ngoka ta tamanekelwa oshipotha shedhipago lyomukadhona gwe momvula yo 2019 okwa mangululwa modholongo konima sho epangelo lya ndopa okugandja omikanda dha pumbiwa opo oshipotha shoka shuundulilwe kOmpangu yoPombanda mOshakati.
Oomvula ndatu konima sho a tulwa miipandeko omolwa edhipago lyaLucillia Bunita Quimbra (30), Edward Haiyambo (31) okwa mangululwa modholongo momwedhi Maalitsa nuumvo.
Pethimbo edhipago ndyoka lya ningwa, Haiyambo okwa li ta kongwa shalandula sho iiyaka mOshipangelo shaShakati moka a li ta mono epango omanga a kalelwa kopolisi konima sho a tulwa miipandeko omolwa moshipotha shuulunga.
Omishangwa dhompangu odha ulike kutya oshipotha shoka osha kuthwamo manga opo epangelo li vule okugandja omikanda dha pumbiwa, sho oshipotha shuundulilwe kOmpangu yoPombanda.
Pombili Shipila, ngoka a li uulikwa momvula yo 2020 opo a kalelepo paveta Haiyambo okwa koleke kutya oshipotha shoka osha kuthwa mo manga.
Pethimbo opolisi ya lopota oshiningwanima shoka Omukonaakoni mOpolisi moshitopolwa shaShana, Thomas Aiyambo okwa popi kutya okamonamati kaQuimbra koomvula ndatu oka adhika ka lala polutu lwayina.
Omumwayinakadhona gwanakusa, Lucina Mwoombola, okwa holola okuuva nayi kwe omolwa omukalo moka oshipotha shoka shuungaungwa nasho.
Mwoombola okwa popi kutya oye na uumbanda megameno lyaanona yanakusa ye li ya ne, sho Haiyambo a ningi omatiliho oku ya dhipaga.
– [email protected]
OSHAKATI
Omulumentu ngoka ta tamanekelwa oshipotha shedhipago lyomukadhona gwe momvula yo 2019 okwa mangululwa modholongo konima sho epangelo lya ndopa okugandja omikanda dha pumbiwa opo oshipotha shoka shuundulilwe kOmpangu yoPombanda mOshakati.
Oomvula ndatu konima sho a tulwa miipandeko omolwa edhipago lyaLucillia Bunita Quimbra (30), Edward Haiyambo (31) okwa mangululwa modholongo momwedhi Maalitsa nuumvo.
Pethimbo edhipago ndyoka lya ningwa, Haiyambo okwa li ta kongwa shalandula sho iiyaka mOshipangelo shaShakati moka a li ta mono epango omanga a kalelwa kopolisi konima sho a tulwa miipandeko omolwa moshipotha shuulunga.
Omishangwa dhompangu odha ulike kutya oshipotha shoka osha kuthwamo manga opo epangelo li vule okugandja omikanda dha pumbiwa, sho oshipotha shuundulilwe kOmpangu yoPombanda.
Pombili Shipila, ngoka a li uulikwa momvula yo 2020 opo a kalelepo paveta Haiyambo okwa koleke kutya oshipotha shoka osha kuthwa mo manga.
Pethimbo opolisi ya lopota oshiningwanima shoka Omukonaakoni mOpolisi moshitopolwa shaShana, Thomas Aiyambo okwa popi kutya okamonamati kaQuimbra koomvula ndatu oka adhika ka lala polutu lwayina.
Omumwayinakadhona gwanakusa, Lucina Mwoombola, okwa holola okuuva nayi kwe omolwa omukalo moka oshipotha shoka shuungaungwa nasho.
Mwoombola okwa popi kutya oye na uumbanda megameno lyaanona yanakusa ye li ya ne, sho Haiyambo a ningi omatiliho oku ya dhipaga.
– [email protected]
Comments
Namibian Sun
No comments have been left on this article