Oshipaxu sha ponokele oshitopolwa shaZambezi
Namibia okwa ningi oshilongo oshitiyali mUumbugantu wAfrika tashi lopota oshipaxu shoka ponokele iimeno konima sho sha tembuka okuza moBotswana.
Oshipaxu oshitiligane okwa lopotwa sha ponokele oshitopolwa shaZambezi nokweetitha uutile weyonagulo lyiikunwa momapya noofaalama.
Omunambelewa omukomeho mUuministeli wUunamapya, Percy Misika okwa popi kutya oshipaxu shoka osha lopotwa momasiku 21 gaFebruali nuumvo moIbbu, Ngala, Muyako oshowo Ihaha.
“Sha landula oolopota ndhoka, ongundu yaanambelewa yopombela mombelewa yomoBukalo agricultural development centre oya talelepo omahala ngoka na oya koleke ekalo lyuupuka mboka momahala guulithilo miishana yopopepi nomulonga gwaChobe.”
Misika okwa popi kutya oshipaxu shoka otaku lopotwa sha tembuka okuza moBotswana.
Misika okwa tsikile kutya oshipaxu shoka ngashiingeyi okwa lopotwa sha gumu omapya noofaalama muumbugantu woshitopolwa shaZambezi na osha taandela sigo omoKapani.
Pahapu dhe, etaandelo lyoshipaxu olundji ohali holoka muAfrica, unene pethimbo lyoshikukuta, nomwaalu gwawo ohagu indjipala noonkondo.
Okwa tsikile kutya oshipaxu shoka sha koka ohashi vulu okweenda oshinano shookilometa 150 mesikuuuna tashi tembuka, nokulya iimeno yomafo omazizi.
Uuministeli owa hololwa tawu ningi omahwahwameko, opo wu ndungike aanafaalama kombinga yekondololo lyomapuka ngoka.
“Aanafaalama noshigwana otaya pulwa ya kale ya angala nokulopota oshipaxu kehe shoka taya mono poombelewa dhuunamapya popepi nayo moshilongo ashihe.”
Oshikondo shuunamapya moSouth Africa, nasho osha lopota etukuko lyoshipaxu moNamibia oshowo moshitopolwa shaSouth Africa shaKaroo.
South Africa okwa popi kutya etukuko ndyoka olundji ohali kwatakanithwa netembu lyoshipaxu okuza mUumbugantu waNamibia, pokati kaBotswana oshowo oshitopolwa shaKaroo.
ELLANIE SMIT
Omunambelewa omukomeho mUuministeli wUunamapya, Percy Misika okwa popi kutya oshipaxu shoka osha lopotwa momasiku 21 gaFebruali nuumvo moIbbu, Ngala, Muyako oshowo Ihaha.
“Sha landula oolopota ndhoka, ongundu yaanambelewa yopombela mombelewa yomoBukalo agricultural development centre oya talelepo omahala ngoka na oya koleke ekalo lyuupuka mboka momahala guulithilo miishana yopopepi nomulonga gwaChobe.”
Misika okwa popi kutya oshipaxu shoka otaku lopotwa sha tembuka okuza moBotswana.
Misika okwa tsikile kutya oshipaxu shoka ngashiingeyi okwa lopotwa sha gumu omapya noofaalama muumbugantu woshitopolwa shaZambezi na osha taandela sigo omoKapani.
Pahapu dhe, etaandelo lyoshipaxu olundji ohali holoka muAfrica, unene pethimbo lyoshikukuta, nomwaalu gwawo ohagu indjipala noonkondo.
Okwa tsikile kutya oshipaxu shoka sha koka ohashi vulu okweenda oshinano shookilometa 150 mesikuuuna tashi tembuka, nokulya iimeno yomafo omazizi.
Uuministeli owa hololwa tawu ningi omahwahwameko, opo wu ndungike aanafaalama kombinga yekondololo lyomapuka ngoka.
“Aanafaalama noshigwana otaya pulwa ya kale ya angala nokulopota oshipaxu kehe shoka taya mono poombelewa dhuunamapya popepi nayo moshilongo ashihe.”
Oshikondo shuunamapya moSouth Africa, nasho osha lopota etukuko lyoshipaxu moNamibia oshowo moshitopolwa shaSouth Africa shaKaroo.
South Africa okwa popi kutya etukuko ndyoka olundji ohali kwatakanithwa netembu lyoshipaxu okuza mUumbugantu waNamibia, pokati kaBotswana oshowo oshitopolwa shaKaroo.
ELLANIE SMIT
Comments
Namibian Sun
No comments have been left on this article