Oshipangelo shaanuuvu yopamadhilaadhilo shi li mehalakano

Oshipangelo shaShakati okwa lopotwa hashi gandja omiti kaanuuvu yopamadhilaadhilo omanga inaya ningilwa omakonaakono gokutala ondjele yuuvu wawo molwaashoka oshipangelo shoka kashi na omundohotola guuvu mboka. Shoka osha hololwa kaapangwa mboka ya ningi iihakanwa yepango ndyoka. Oya hololele oshifokundaneki shoNamibian Sun kutya omolwa omaupyakadhi gawo gopankalathano oyiiyadha yeli kepango ndyoka.Aapangwa yane oya popi kutya oya pewa oowenda sho ya thiki moshipangelo oshikando shotango omanga inaya ningilwa omakonaakono komunawino gopaundjolowele. Uuministeli wUundjolowee owa koleke kutya oshikondo shepango ndyoka lya tseyika nawa ewalanda e ti-16 olya kala tali longo lyaana omundohotola guuvu wopamadhilaadhilo konima nkene lya totwa po oomvula dha piti. Okwa lopotwa kutya miipotha oyindji oshipangelo ohashi gandja owenda hayi ithanwa Largactil ndjoka hayi pewa aantu mboka ye na omaihumbato taga limbilike. Owenda ndjoka ohayi etitha omaupyakadhi ogendji nomadhidhidliko gawo ongaashi okwaahena oonkondo nokukwatwa koomposi, uumbanda, ozindo yokomagundu, elunduluko lyomathimbo kaakiintu, oshiviha tashi londo pombanda , ozindo yokoompadhi noonyala, uupyakadhi wokwahamona ko oshowo ombato okutumbulapo owala yimwe po. Pauyelele wa gandjwa komundohotola guuvu gwopamadhilaadhilo gwomOvenduka, Reinhardt Sieberhagen, okwa popi kutya omuti gwoLargactil ogo omuti gotango gu li momalanditho gwa nuninwa uuvu wopamadhilaadhilo konima nkene gwa ndulukwapo momvula yo-1954. Omuti ngoka ohagu etele aantu omaupyakadhi gahololwa pakathimbo nongele omuntu okwa kala kepango ndyoka ethimbo ele nena omaupyakadhi ngoka ohaga kalelele. “Kagu shi omuti ngoka to hala okulongitha kehe ethimbo,” omundohotola a popi. Uupyakadhi wumwe Sieberhagen a tothamo ongaashi okugandja omuti gwa puka. “Ngele omupangwa ota ulike omadhidhiliko guuvu wopamadhiaadhilo omolwa omaupyakadhi gontumba gopankalathano nena onawa wu gandje oValium nokonima yomasiku omuntu ota kala nawa, ngele owa tamene no Largactil nena omundohotola itaka vula okuyoolola pokati kuuvu wopamadhiaaadhilo nenge uupyakadhi owala , nena osha hala okutya owa tula omuntu kepango lyoLargactil onkalamwenyo ye ayihe.” Pahokololo lyomunamimvo 27 omukiintu ngoka a piti ondondo onti-12 mo-2008 iitsa iiwanawa ihe ka li e na iimaliwa yokukatsikila eilongo lye naashoka oshe mu thiminike a kale pegumbo. Okwa popi kutya okwa kala olundji ta lili sigo yinagona e mu fala mOshipangelo shaShakati. “Sho twa thiki moshipangelo memegona okwa lombwele aapangi kutya kandi li nawa momutse molwaashoka onda kala tandi lili uule womasiku gatatu. Omupangi okwa wende ndje. Sho nda penduka onda mono kutya ondili mosaala yo-16 tandi pewa nale epango lyaantu mboka ye na uuvu wopamadhilaadhilo. Osha uvitha ndje nayi noonkondo mokumona ngaaka, nokokulila kwandje oko ngaa ya pendje woo oowenda,” omukiintu ngoka a hokolola. Konima sho a lalekwa moshipangelo okwa tokola opo ka tsikile nepango ndyoka. “Ondi li nawa ngashiingeyi.” Nakuninga oshihakanwa gumwe omunamimvo 43, ngoka muJuni gwo-2000 a kanitha iilonga. Onkalamwenyo oye mudhigupalele.“Onkalamwenyo oyali ya dhigupala molwaashoka kapwa li ngoka ta kwathandje pamwe nokanona kandje. Ongulohi yesiku limwe omanga twa lala mondunda pamwe nameme oshowo aamwayina yandje yane onda tameke tandi galikana. Megalikano moka onda tameke woo tandi kugu nongula sho kwashi oya falandje oshipangelo.” Ngaashi naana omukiintu ngwiyaka, sho twa thiki poshipangelo meme namumwameme oya lombwele aapangi kutya kandi li nawa momutse. “Oya wende ndje na onda penduka tandi ehama noonkondo. Onda tokola kutya itandi nu omiti ndhoka nenge ndilye. Oya tsikile nokuwendandje na onda kala moshipangelo uule woomwedhi ndatu. Sho ya lalekendje onda tindi okunwa oopela ndhoka. Mo-2008 onda falwa natango moshipangelo na onda kala uule womwedhi gumwe komu-16. Ndokotola ohe ya owala tetu pula kutya otu li po ngiini, ihapu ningwa omakonaakono gasha.” Omulumentu gwoomvula 24 okwa li a pikwa kiingangamithi naasho a ningi omuhwapindi aavali ye oyemu fala koshipangelo.“Oya wende ndje na oya patelendje mondunda ongame awike ndi li mo. Onda li nda geya noonkondo nda onda kambadhala okwiiyakamo moshipangelo.” Omupopiliko guuministeli wUundjolowele , Ester Paulus okwa popi kutya Oshipangelo shaShakati kashi na omundohotola guuvu wopamadhilaadhilo. “Uuministeli owa kala nokutseyitha ompito ndjoka yiilonga ihe inatu yakula omaindilo gaantu ya pyokoka. Elelo lyuundjolowele mOshana olya tula ponomola yotango oshikumungu shoka opo ompito ndjoka yi monenwe omundohotola.”Sieberhagen okwa koleke woo koNamibian Sun kutya Ominista yUundjolowele oya li ya pula oondohotola dholudhi ndoka opo dhi vule okukwathela monooli ihe inaku monika ekwatho. Sho a pulwa kutya omolwashike itaku gandjwa omikanda dhokulongela moshilongo koondohotola ndhoka dhaazaizai, Sieberhagen okwa popi kutya shoka osha nika oshiponga. “Omundohotola goludhi ndoka okwa pumbwa okukala e na ontseyo kombinga yomudhigululwakalo noonkuluhedhi dhaantu mboka ta longo nayo inashi fa omundohotola ngoka ha tanda ngoka ta vulu owala okutanda olutu kehe.” MoNamibia omu na iipangelo iyali yaanuuvu yopamadhilaadhilo nashimwe otashi adhika moWindhoek Central Hospital. Oshipangelo shaVenduka osho owala shi na oondohotola, naanambelewa moshikondo shoka yiihwapo. ILENI NANDJATO

Oshipangelo shaanuuvu yopamadhilaadhilo shi li mehalakano

Comments

Namibian Sun 2026-05-11

Please login to leave a comment

Oshipangelo shaanuuvu yopamadhilaadhilo shi li mehalakano

Comments

Namibian Sun 2026-05-11

Please login to leave a comment

Subscription Required to Access Content ×

Login

Subscription Required to Access Content