Oshipangelo sha tindi omapopyo gaItula
Omukomeho gwuundjolowele mOshitopolwa shaHangwena, okwa tindi omapopyo ngoka ga ningwa komuulikwa presidende iithikamena kutya aavu moshipangelo shepangelo mEenhana otaya hondja omanga inaya pewa omuti politha uuwehame.
Omukomeho guundjolowele, John Hango, okwa popi kutya aapangwa ayehe moshipangelo shoka otaya pangwa taku landulwa omilandu dhuuministeli.
Pethimbo a popitha aayambidhidhi ye mondoolopa yaHelao Nafidi, Itula okwa popi kutya iipangelo kayi na omiti naapangwa otaya mono iihuna.
“Oto yelitha ngiini kutya ipangelo yetu kayi na omiti? Ohela omukiintu okwa pulumutha okanona moshipangelo shEenhana ihe okwa hondjwa ina tulwa omuti gwokukaleka uuwehame molwaashoka kape na omuti. Okwa ya muuwehame uunene ngiini? Omolwashike tu na okuhepeka aantu yetu?” Itula a popi. Omukomeho gwomahwahwameko gaItula mOhangwena, Timo Shikongo okwa popi kutya okwa li a ka talako omukiintu ngoka koshipangelo na okuli muuwehame uunene. Sho oNamibian Sun ya ningi ekwatathano nomukiintu ngoka okwa popi kutya a tetwa pethimbo a pulumutha molwaashoka okanona oka li okanene. “Metitano lya piti sho nda mono okanona aapangi oya tetendje molwaashoka okanona oka li okanene. Oya tetendje owala inandi pewa omuti gwokuhwepopaleka uuwehame. Ohela (Molyomakaya) onda lalekwa moshipangelo omanga natango ndili muuwehame uunene,” omupangwa a popi. Hango okwa koleke kutya omukiintu okwa pulumuthile moshipangelo shEenhana. “Omupangwa nguka okwa mona okanona kuyemwene omutenya gwEtitano lyopotundi 17:30, na ina tetwa. Omolwashoka okwa tuuka pethimbo ta pulumutha aapangi oya tokola okumuhondja opo ku yandwe etiko lyombinzi. Okwa tulwa omuti gwo(Lignocaine 1%) omanga ina hondjwa naashoka osha shangwa mepeko lye,” Hango a popi.
Hango okwa popi kutya ota tindi omapopyo kutya omukiintu ngka okwa tetwa na okwa hondjwa ina tulwa omuti gwokuhwepoplakea uuwehame.
ILENI NANDJATO
Pethimbo a popitha aayambidhidhi ye mondoolopa yaHelao Nafidi, Itula okwa popi kutya iipangelo kayi na omiti naapangwa otaya mono iihuna.
“Oto yelitha ngiini kutya ipangelo yetu kayi na omiti? Ohela omukiintu okwa pulumutha okanona moshipangelo shEenhana ihe okwa hondjwa ina tulwa omuti gwokukaleka uuwehame molwaashoka kape na omuti. Okwa ya muuwehame uunene ngiini? Omolwashike tu na okuhepeka aantu yetu?” Itula a popi. Omukomeho gwomahwahwameko gaItula mOhangwena, Timo Shikongo okwa popi kutya okwa li a ka talako omukiintu ngoka koshipangelo na okuli muuwehame uunene. Sho oNamibian Sun ya ningi ekwatathano nomukiintu ngoka okwa popi kutya a tetwa pethimbo a pulumutha molwaashoka okanona oka li okanene. “Metitano lya piti sho nda mono okanona aapangi oya tetendje molwaashoka okanona oka li okanene. Oya tetendje owala inandi pewa omuti gwokuhwepopaleka uuwehame. Ohela (Molyomakaya) onda lalekwa moshipangelo omanga natango ndili muuwehame uunene,” omupangwa a popi. Hango okwa koleke kutya omukiintu okwa pulumuthile moshipangelo shEenhana. “Omupangwa nguka okwa mona okanona kuyemwene omutenya gwEtitano lyopotundi 17:30, na ina tetwa. Omolwashoka okwa tuuka pethimbo ta pulumutha aapangi oya tokola okumuhondja opo ku yandwe etiko lyombinzi. Okwa tulwa omuti gwo(Lignocaine 1%) omanga ina hondjwa naashoka osha shangwa mepeko lye,” Hango a popi.
Hango okwa popi kutya ota tindi omapopyo kutya omukiintu ngka okwa tetwa na okwa hondjwa ina tulwa omuti gwokuhwepoplakea uuwehame.
ILENI NANDJATO
Comments
Namibian Sun
No comments have been left on this article